EFESIOS 5:16 - Enhlit Bible

¹⁶ Elyintamap quellhip as ningvamlha nac jay, ayinyemaclha yimtilhec ningileyvam aclhamoclhojo acnim.

EFESIOS 5:16 Iomraidhean Croise

GÉNESIS 29:7

Aptomjac nic nat Jacob apquilanya: —Nitnoc mocjam acnim. Am covocmoc mocjam nintalhnesayclhilha nipquesic. ¿So actomja melyacvesa nac yingmin? Natamin apyinaycaoc nipquesic eltovamcoc sat mocjam— nic nat aptomjac.

SALMOS 37:19

Am colhejec alvennamcaa naysicsa apquillingaycamco acyimtalhnama. Coytic sat aptoycaoc naysicsa mayic ataoc.

ECLESIASTÉS 11:2

Pac ongilmilascoc ningilnatam, mongilyasamcoc acvamlha cotnejic mayic ataoc.

ECLESIASTÉS 12:1

Lhip apquitcoc, noncolvonquim nasa naysicsa aptiyascam lhip Visqui ingac Dios, aptomja singilantipquiscama. Covac sat acnim aplingaycamco lhip acyimtalhnama meyisponcama lhip.

ECLESIASTÉS 9:10

Pac ongilvascapoc mocjam ningillanay asoc ningilanyomalhca ongillana. Ningatoynalhquic sat ancoc actomjaclha nelha acnim, comascoc sat ningiltamjaycam, najan aclhanma ingilvalhoc, najan acyascamco ingvalhoc, najan ningyicpilquemo.

DANIEL 2:8

Apcatingmavoc nic nat apvisqui: —Acyasamcoc coo apquiltemaclha apancaoc quellhip, ayinyema siltimnascama lhac quellhip aclhanma evalhoc coo — nic nat aptomjac apvisqui.

AMÓS 5:13

Incaymalhquic evanma enlhit apyascamco, apvita inlhojo nintemaclha acmasom.

SAN MATEO 25:17

Apvajanamquic nic nat najan poc aptomja apquillhoy malha dos mil solyayem. Inyanmongvocmec nic nat solyayem dos mil tap mocjam.

SAN JUAN 12:35

Aptomjac alhta Jesús apquilanya: —Am covanco apnaycamo lhama quellhip ayitsayolhma. Ayitsayolhma innac mocjam quellhip, eltiyasam sat quellhip. Lha eyqui nasa covac yatesaclhilhma. Aptiyasam sat ancoc enlhit yatescamalhma, meyasamquejec sat apyasaclha (elhnanmoc sat).

ROMANOS 13:11

Apquilyasamcoc quellhip actemaclha ningvamlha nac jay. Ellovquis tiyin apancaoc. Ayinyemaclha incamquitvaac ningilvomsomalhca tap, am colhno siclhoc alhta apquilyanmonquiscama apquilvalhoc quellhip.

1 CORINTIOS 7:26

Ayanayquic coo incaymalhquic enlhit meyinyovejec aptemaclha mepqui aptava. Ayinyemaclha yimtilhec as ningvamlha nac jay naysicsa ningileyvam.

GALATAS 1:4

Apyinyovsomacpo apanco acyanmongam mongilyascalhma, ayinyema apmayjayoclha Dios Ingyapam. Aptomja singilvayclha ningiltomja ningileyvam naysicsa ayasomquilha as ningvamlha nac jay.

GALATAS 6:10

Ingilane sat ongilyiplovsic nintemaclha actamila as ningvamlha nac jay. Siclhoc mataa nipyesicsa ingilyalhinga najan lha nipyesicsa aplhamoclhojo enlhitaoc.

EFESIOS 6:13

Elma sat apquilmaycam ayinyema Dios yoyam elyimnac quellhip apquilinmelhma acvaa sat acnim acmasom. Eltimjic sat quellhip mepqui apquilinyem.

EFESIOS 6:15

Elpenacsojo quellhip yoyam ellingacsic tasic amyaa actemaclha actamilaycam ingvalhoc malha apnatetayclha tiyayipeoc apancaoc.

COLOSENSES 4:5

Eltime sat mataa apquilyascamco nipyesicsa enlhitaoc lhalhma anco. Elyintamap sat ellhenic actemaclha melyasquiyam quellhip.