EFESIOS 5:11 - Enhlit Bible

¹¹ Noelvajaniclhojo nasa apquiltemaclha apancaoc enlhitaoc apquileyvam yatescamalhma. Elninquiniclha sat ayitsayoclhilhma apquiltemaclha apancaoc yoyam colvitalhca.

EFESIOS 5:11 Iomraidhean Croise

GÉNESIS 20:16

Aptomjac nic nat apvisqui apcanya Sara: —Acmasquic coo lhiya inyipma cotlaycaoc asoc, malha acyanmongamaclha mil solyayem alyinmom. Ningilpeyvaseclhec nincoo as asoc. Cotipsalhquejec sat mataa acvisay lhiya nipyesicsa aplhamoclhojo acmolhama.

SALMOS 141:5

Aptasi nac enlhit appeyvomo seltamescama coo. Malha asoc masis intomjac appayvam seyascama coo. Motanovejec mataa seltamescama. Olmalhnesquisic sat mataa siclinga inlhojo seyascama coo.

PROVERBIOS 1:10

Lhip sictamongvoyam: ¡Nongyane nasa esilhnanacpoc lhip nipyesicsa melyascalhma, nopasmiclha nasa lhip!

PROVERBIOS 1:31

Ellingamcojoc sat acyanmongayclha apquiltemaclha apancaoc, ayinyema apquilvalhoc almasomcaa.

PROVERBIOS 13:18

Mepqui asoc nincoo, acyiplomo ningmancactama, ningiltanova inlhojo singiltamescama. Colhic sat singaco, acyitna inlhojo ningyiplovquiscama.

PROVERBIOS 15:12

Ningiltanovquic mataa singiltamescama, acyitna inlhojo acyeyjamelhma ingvalhoc. Am ongilpalhavocmoc mataa nipyesicsa ingnaymacoc apquilyascamco.

PROVERBIOS 19:25

Pac ongilyicpilhquetic ingmoc naysicsa apyimtalhnesomacpo apanco, elyasingvomoc sat enlhit mepqui apquilyascamco. Pac ongiltamsamcoc ingmoc apyascamco, coyangvomoc sat aptemaclha apyascamco.

PROVERBIOS 25:12

Malha ningilnatanma anillo najan collar de oro, cotnejic acyitsomalhca singiltamescama actamila, yoyam ongyiplovcasojo.

PROVERBIOS 28:4

Ningyinyovquic sat ancoc singanamaclha, ongilpasmiclhac sat apquilmapsomcaa. Ningyiplovcasquic sat ancoc singanamaclha, ongilinmelham sat apquilmapsomcaa.

PROVERBIOS 29:1

Am sat ancoc comac ingilvalhoc singiltamescama, ongnatovasalhcac sat mepqui singmasma.

ISAÍAS 29:21

Elmasquingvomoc sat apquiltomja apquilpejesquiyam poc, najan apquiltomja apquilinmelhaycam singyicpilquemo, najan apquilinmelhaycam mepqui apsilhnanomap apanco.

JEREMÍAS 15:17

Movanquejec coo ongvitsovacsojoc lhama enaymacoc. Elhapco coo, ayinyema selyacyescama lhip. Aclingamcoc coo lhip aplom pac, ayinyema enaymacoc.

LEVÍTICO 19:17

Nocoltanov nasa apquilvalhoc poc enlhit. Elsilhnanacpoc apanco. Elpamejitsacpojo sat poc, yoyam colhic acyascamco poc.

SAN MATEO 18:15

‘Aptamongvocmoc sat ancoc ingyalhing, ityaningvoclhojo sat apnaclha aplhapco elmalhneclho sat aptemaclha acmasom. Apjalhnoc sat ancoc ingyalhing lhip appayvam, epayquingvomoc sat mocjam lhip ingyalhing.

SAN LUCAS 3:19

Apcasquic alhta Juan apvisqui Herodes, ayinyemaclha apmaclho apyalhing aptava acvisay Herodías. Ayinyema najan aptemaclha acmasom Herodes.

LOS HECHOS 26:18

Ongvapajacsic sat lhip, yoyam elvitasiclha olhma enlhitaoc. Yoyam meleyoc mocjam yatesaclhilhma, eyca eleyoc sat ayitsayoclhilhma. Yoyam melyiplaclha Satanás acmovan, eyca elyiplovjoc sat Dios Ingyapam. Yoyam mejelyascamejec sat coo najan yoyam colmascosalhca melyascalhma. Yoyam najan elpalhacsacpoc enlhit apquilponquinomap” —alhta aptomjac Jesús seyanya coo —alhta aptomjac Pablo.

ROMANOS 13:12

Incamquitvaac ayitsay yoyam comascoc alhtaa. Incamquitvaac acnim. Pac ongilvatsamcoc nintemaclha mataa naysicsa yatescamalhma. Pac ongilyiplovcasojo nintemaclha acpeyvomo, malha singilpilhtetemo apquilmam apquilmaycam apquileyvam acnim anco.

ROMANOS 16:17

Quellhip elyalhinga. Actomjac coo silanya quellhip: Elavojo quellhip ingilyalhinga apquiltomja apquilatingmoctamo najan apquiltomja apquilsilhnanoncama poc. Eycaso apquiltomja apquilinmelhaycam singillhicmoscama apquilyasingvoyam alhta quellhip. Noeltime nasa apquilpasmeyquiclha as enlhitaoc.

ROMANOS 6:21

¿Soc alhta acyanmongam apquiltemaclha nano? Apquilmancaqui inyicje quellhip quilhvo nac jay. Ayinyemaclha ningitsepma alhta acvamlha acyanmongam.

GALATAS 6:8

Ninginaclhec sat ancoc actic, ongnaclhic sat acyilhna. Ningyiplovcasquic sat ancoc nintemaclha nano, coyiplovjoc sat ningnatovasomalhca. Ningyiplovcasquic sat ancoc Espíritu apanco Dios, ongillhovac sat acyimnatem ingnenyic cotmongvoycamlha nelha.

EFESIOS 4:22

Elvatsaoc sat quellhip apquiltemaclha nano, ayinyemaclha elnatovasacpoc sat apanco ayinyema ayitsepma apnenyaoc.

EFESIOS 5:12

Somcoc anco apquiltemaclha as enlhitaoc apquilposcama apquiltemaclha. Am colcac ingvalhoc onlhenic apquiltemaclha apancaoc.

EFESIOS 5:7

Noelpalhavom nasa quellhip as enlhitaoc.

COLOSENSES 1:12

Eltimjic sat gracias Ingyapam naysicsa acpayjayclha apquilvalhoc. Apquiltamjoc yoyam ellhovac quellhip apmescama apquilpasmeyquiclha Dios apquilyacyescama naysicsa ayitsayoclhilhma apanco.

1 TESALONICENSES 5:7

Apnatinquic mataa alhtaa enlhit mepqui apquiljalhneycam. Inquilnapquic mataa anmin alhtaa apquiltomja apyinaycaoc anmin.

2 TESALONICENSES 3:14

Am sat ancoc elyajaclhoc as ingilyalhing coo sicpayvam sictalhesquiscama alhta quellhip, ellhen sat apvisay. Noelpasmiclha nasa as ingyalhing yoyam sat emancangvomoc.

2 TESALONICENSES 3:6

Quellhip ingilyalhinga. Naysicsa siclhanma apvisay Jesucristo Visqui ingac, pac otnejic ongvanic quellhip: Noelpalhcam nasa ingilyalhinga colyoyam eltamjam najan colyoyam elyiplovsic actemaclha ningillhicmoscama.

1 TIMOTEO 5:20

Apquilyiplovcasquic sat ancoc moclhama apquilimja apmamyi actemaclha nintamongvaycmolhma. Ingyane sat ellhenic napatavo yoyam elangvoclhac sat apnaymacoc apquilimja apmamyi.

1 TIMOTEO 5:22

Nopecjicsojo nasa etnesquisic apvisay apquimja apmamyi aptomja lhip apnincanma apmeoc. Novjaniclhojo nasa actemaclha aptamongvaycmo poc. Itamilsacpojo apanco lhip.

1 TIMOTEO 6:5

Najan apquilpameteycam acvoncaclho ayinyema enlhit malha acyeyjamelhma. Apquiltomja melyiplovquiscama actomja nasoc anco. Apquilanayquic mataa coyangvomoc apquilnatam ayinyema mongyasquiyam.

2 TIMOTEO 3:5

Ellhenacpojoc sat apanco apquilyiplovquiscama Dios appayvam, eltanovac sat eyca acmovan Dios appayvam. Nopasmiclha nasa lhip as enlhitaoc, iyinyov sat lhip.

2 TIMOTEO 4:2

Illhicmos sat lhip tasic amyaa. Ilinlhanmojo sat apquiltimnascama naysicsa apquiljalhenmo enlhitaoc najan naysicsa meljalhenmo. Illhicmos sat yoyam melyascamejec enlhitaoc. Ipeyvescasiclha sat apquiltemaclha najan iyascasingvom enlhitaoc najan ilpamejitsacpojo. Ilinlhanmojo sat apquillhicmoscama acvamlha apmopvan.

TITO 2:15

Illhicmos sat lhip mataa as amyaa. Iltimnasiclhojo sat mataa najan ilyascasingvom, malha actemaclha ningyimtalhnamo. Nongyane nasa evinacpoc lhip nipyesicsa apnaymacoc.

EL APOCALIPSIS 18:4

Yejemoc alhta siclinga mocjam moc appayvam ayinyema netin: —Elanteyip as tingma apvanyam quellhip apquiltomja enlhit ajancaoc. Yoyam melvajanamquejec quellhip apquiltemaclha melyascalhma as tingma. Yoyam melvityejec acmasca acyanmongayclha.