EFESIOS 5:1 - Enhlit Bible

¹ Quellhip apquiltomja Dios apquitquic apquilasicjamacpo. Ellhnasojo sat aptemaclha Dios.

EFESIOS 5:1 Iomraidhean Croise

JEREMÍAS 31:20

Malha sictamongvoyam siyasicjayo apquilvisay co Efraín, avanjec siyasicjayo. Inlhenquic mataa evalhoc sicvita sictamongvoyam, intamjam coo evalhoc: opasmoc sat quilhvo nac jay — intomjac evalhoc. Eycaso sicpayvam sicvisay Visqui — alhta aptomjac.

OSEAS 1:10

Ellhamiclhac nanoc sat apquilmolhama Israel, mongmovan ongilyipsitic. Comascoc sat apquilpayvam: Metnaja enaymacoc quellhip — sat cotnejic. Etnejic sat Dios Apyimtalhnamo: Quellhip nac eyitquic, sicvisay Dios momasquingvoyam — sat etnejic.

LEVÍTICO 11:45

Coo sicvisay Visqui apancaoc quellhip, sicyinyovquiscama nat yoclhilhma Egipto, otnejic sat nipyesicsa quellhip Dios Visqui apancaoc. Eltime sat quellhip santo mayayo, sicno coo lha santo mayayo — nic nat aptomjac.

SAN MATEO 5:45

Eltimjic sat quellhip apquitquic Ingyapam apna netin. Aptipcasquic mataa acnim Dios Ingyapam, yoyam colsavojo olhma apnamcaclha enlhit apquiltamila najan enlhit apquilmapsomcaa. Apcapajasquic mataa acmamay apnamcaclha enlhit apquilpeyvomo najan enlhit melpeyvomo.

SAN MATEO 5:48

Appeyvomo apanco Ingyapam netin. Ellhojo sat quellhip lha, eltime sat apquilpeyvomo —alhta aptomjac.

SAN JUAN 1:12

Apquilmec alhta tacja moclhama enlhit aptomja melyasquiyam. Apquilasinaquic alhta eltimjic Dios apquitquic.

EFESIOS 4:32

Elasicjacpojo nipyesicsa quellhip najan elimlimojo sat mataa. Elasicjiclhojo sat mocjam poc, apno Dios singasicjayclho nincoo lha ayinyema Cristo.

FILIPENSES 2:15

Yoyam melsilhnanacpoc quellhip. Eltime sat Dios apquitquic apquilpeyvomo nipyesicsa enlhitaoc apquilmapsomcaa. Eltime sat quellhip malha apquilapongmateycaoc apyova netin.

COLOSENSES 3:12

Quellhip apquiltomja Dios apquilyacyescama aptomja apquilasicjayo. Elpiquin sat apquilvalhoc alhnancoc actemaclha actamila. Actemaclha ningamliyam najan actemaclha ningiltamila najan actemaclha conjamalhca ingvalhoc najan actemaclha actamilaycam ingvalhoc najan actemaclha ningilinlhanyacmo.

1 SAN JUAN 4:11

Quellhip elyalhinga. Avanjec anco singasicjayo Dios. Incaymalhquic nincoo lha ongilasicjalhcojo ningyesicsa.