EFESIOS 4:4 - Enhlit Bible

⁴ Quellhip apquiltomja malha lhama apyovoclhojo najan apvamlha lhama Espíritu apanco Dios apna apquilvalhoc najan acvamlha lhama actemaclha aljalhneycam apquilvalhoc ayinyema Dios aptomja apquevoycam quellhip.

EFESIOS 4:4 Iomraidhean Croise

SALMOS 122:8

Actomjac coo silanya quellhip enaymacoc: —Coyit sat actamilaycam apquilvalhoc quellhip mepqui apquilnapomap.

JEREMÍAS 14:8

Lhip Visqui ingac aptomja singvomquiscama tap naysicsa ninlingaycamco acyimtalhnama, ningiljalhnec mataa lhip. Lhip aptomjaclha malha maycaa apvoy ningyesicsa, yoyam elhic lhama alhtaa, malha metnaja nintemolhama, ¿so actomja yi?

JEREMÍAS 17:7

Apquilinyejemoc enlhit aptomja mejeyasquiyam, mepqui acyasquiyam apvalhoc.

SAN MATEO 28:19

Ellhing sat quellhip nipyesicsa enlhit lhalhma anco. Eltamsaoc sat enlhitaoc, yoyam otnejic siltamsoycaoc. Elyapasquisaoc yingmin naysicsa apquillhanma Ingyapam najan Apquitca najan Espíritu Santo.

LOS HECHOS 15:11

Montimjic nincoo. Mongilyascacmoc ningiltomja ningilvomsomalhca tap ayinyema singmescama Visqui ingac. Ningnoc nincoo lha metnaja judíos —alhta aptomjac Pedro.

ROMANOS 11:29

Memyongvoclhejec mataa Dios singaycaoc ningillhoy nincoo. Melvatescamejec najan singilanem, malha singilevoycam.

1 CORINTIOS 10:17

Nincoo eyca ninlhamoclhojo, malha lhama ningyovoclhojo ningiltomjac. Lhama apanco quilpasmongam. Nintovcamquic nincoo ninpasmeyquiclha lhama quilpasmongam.

1 CORINTIOS 12:20

Aclhamoclhojo alyiptetaclha actomja lhama ningyovoclhojo.

2 CORINTIOS 11:4

Ningiltimnasquic alhta quellhip apvisay Jesús. Apquillhocac alhta quellhip Espíritu Santo. Inquilmec alhta apquilvalhoc quellhip tasic amyaa. Apquililyajaclho inyicje quellhip apquilvita enlhit apyinimquiscama nipyesicsa quellhip, yoyam elngacsic apvisay poc Jesús, yoyam ellhovac quellhip poc Espíritu Santo, yoyam colmoc apquilvalhoc quellhip moc tasic amyaa.

EFESIOS 1:18

Altamjoc coo yoyam eyascasingvomoc Dios apquilvalhoc quellhip. Natamin elyicpilcangvomoc sat quellhip asoc yoyam colvac sat actemaclha aljalhneycam apquilvalhoc. Elyicpilcangvomoc sat quellhip cotlaycaoc singaycaoc altamila acnaycaoc netin. Elmesic sat Dios apquiltomja apquilyacyescama.

EFESIOS 2:16

Apmascosquic alhta Cristo apquilinmelhomap judíos najan enlhitaoc lhalhma anco, ayinyema apquitsepma netin asoc timyescama. Apcasicjascaseclhec poc napato Dios yoyam eltimjic lhama apmolhama.

EFESIOS 2:18

Ingvanquic nincoo ningilanalhco ongilyoclhojo Ingyapam ayinyema ninpasmeyquiclha Cristo, ayinyemaclha apnec ingilvalhoc Espíritu apanco Dios.

EFESIOS 2:22

Quellhip najan lha apquiltomja malha macninquinaycaoc netin apquilpasmeyquiclha Cristo. Etnejic sat tingma apponquinomap yoyam elhic Dios ayinyema Espíritu apanco.

EFESIOS 4:1

Acnec coo singilpilhtetomaclha, malha sicmomalhca ayinyema Visqui ingac. Altamjoc coo yoyam eltamilsacpojo apanco quellhip apquiltomja Dios apquilyacyescama malha Dios apquevoycam.

EFESIOS 5:30

Nincoo ningiltomja apmolhama, ningiltomja malha alyiptetaclha apyovoclhojo Cristo.

COLOSENSES 1:5

Yitnec quellhip aljalhneycam apquilvalhoc asoc acnaycaoc netin yoyam ellhovac sat. Inquillhenalhquic alhta as asoc naysicsa apquillingay quellhip tasic amyaa Dios appayvam actomja nasoc anco.

COLOSENSES 3:15

Elane sat coytic actamilaycam apquilvalhoc ayinyema Cristo. Eycaso actomja apmayjayoclha Dios. Apquiltamjoc eltimjic apquilpasmeyquiclha quellhip, malha alyiptetaclha acyitna ningyovoclhojo nincoo. Eltime sat mataa gracias Dios Ingyapam.

2 TESALONICENSES 2:16

Jesucristo Visqui ingac najan Dios Ingyapam aptomja singilasicjayo nincoo. Dios singaycaoc ayinyema ningillhoy acpayjayclha ingvalhoc cotmongvoycamlha nelha najan aljalhneycam ingvalhoc actamila.

1 TIMOTEO 1:1

Coo nac Pablo, sictimem apóstol siyapajasomalhca ayinyema Jesucristo. Eyasinaquic alhta Dios aptomja singvomquiscama tap najan Jesucristo ayinyema aljalhneycam ingvalhoc.

TITO 2:13

Apquiltamjoc yoyam ongilaylhic acnim yoyam ongvita Dios apyimtalhnamo najan Visqui ingac Jesucristo aptomja singvomquiscama tap.

TITO 3:7

Ingiltimescasquic ningilpeyvomo ayinyema singamliyam apanco. Ongillhovac sat acyimnatem ingnenyaoc cotmongvoycamlha nelha, actemaclha aljalhneycam ingvalhoc.

1 SAN PEDRO 1:21

Quellhip apquiltomja melyasquiyam Dios ayinyema Cristo aptomja aplhaticjangviyam nipyesicsa apquilmasquingvaycmo. Aplhaticjascacmec alhta Dios. Aptimescasquic alhta yoyam colhic ayaco Cristo. Eycaso ayinyema quellhip melyasquiyam Dios najan aljalhneycam apquilvalhoc.

1 SAN JUAN 3:3

Enlhit acyitna aljalhneycam apvalhoc, incaymalhquic etamilsacpojo apanco, apno Jesucristo aptomja aptamilsomacpo apanco.