EFESIOS 4:3 - Enhlit Bible

³ Eltime sat mataa apquilpasmeyquiclha ayinyema Espíritu apanco Dios najan apquilpasmeyquiclha ayinyema actamilaycam apquilvalhoc.

EFESIOS 4:3 Iomraidhean Croise

1 REYES 16:21

Apquilhpansacpec nic nat apyovoclhojo enlhitaoc Israel, apquiltomjayclho dos grupos. Lhama grupo apquiltimescasquic nic nat apvisqui apancaoc apvisay Tibni, Ginat apquitca. Poc grupo nic nat apquilmiyova apvisqui Omri.

ÉXODO 28:32

Naysicsa cotnejic sat ningatquiscama impatic, acyiplomo dobladillo, acno chalecos de cuero, mengyaptacpejec sat apava.

ECLESIASTÉS 4:12

Apvanquic ematong enlhit aplhapco, meticyovejec sat apcanit aptomja apmasma poc. Yitnec apquillhanmaclha nano: Acyimnatem anco tama acyivey, ayinyema acnilhpongam tres tama ayitcoc — intomjac maa.

SAN MARCOS 3:24

Apquilhpansacpec sat ancoc apquilviscaa, comascoc sat apcanem elhic tingma.

SAN JUAN 13:34

Pac olmesic quellhip singanamaclha alhnancoc: Elasicjacpojo nipyesicsa quellhip. Altamjoc coo yoyam elasicjacpojo nipyesicsa quellhip, acno coo silasicjayo mataa quellhip.

1 CORINTIOS 1:10

Quellhip elyalhinga. Naysicsa siclhanma apvisay Jesucristo Visqui ingac, pac otnejic ongvanic quellhip: Eltime sat mataa apquilpasmeyquiclha. Noelatingmap nasa nipyesicsa quellhip. Noelyeycajas nasa moc apquilvalhoc.

2 CORINTIOS 13:11

Quellhip elyalhinga. Sas sat apnaycam, colpayjiclha apquilvalhoc quellhip. Ellaniclha sat aclhamoclhojo asoc nipyesicsa. Eltamilquisquim sat apquilvalhoc poc nipyesicsa quellhip. Elinlhanmojo sat apquilyiplovquiscama. Eltamilsojo sat mataa apquilvalhoc. Epasmoc sat quellhip Dios aptomja singasicjayo najan acyitna actamilaycam apvalhoc.

EFESIOS 4:13

Apquiltamjoc yoyam ontimjic ninpasmeyquiclha ayinyema mongyasquiyam. Apquiltamjoc yoyam ongilyasingvomoc aclhamoclhojo aptemaclha Dios Apquitca. Apquiltamjoc yoyam coyangvomoc mongyasquiyam, malha acvoyam nelha ningváneycaoc. Yoyam ongilinmalhingvoclhac sat aptemaclha Cristo.

EFESIOS 4:4

Quellhip apquiltomja malha lhama apyovoclhojo najan apvamlha lhama Espíritu apanco Dios apna apquilvalhoc najan acvamlha lhama actemaclha aljalhneycam apquilvalhoc ayinyema Dios aptomja apquevoycam quellhip.

1 TESALONICENSES 5:13

Elasicjojo sat mataa, collhen sat mataa apquilvalhoc actemaclha apquiltamjaycam apquilpipma. Eltamilsojo sat apquilvalhoc nipyesicsa quellhip.

HEBREOS 12:14

Elinlhanmojo apquilyiplovquiscama actemaclha actamilaycam ingvalhoc nipyesicsa aplhamoclhojo enlhitaoc. Eltamilsacpojo apanco quellhip. Mongvanquejec ongvita Visqui ingac mepqui ayalhnayo ingvalhoc najan mepqui ningiltamilcasomalhco inganco.