EFESIOS 4:25 - Enhlit Bible

²⁵ Elvatsaoc sat apquilmopvan amyaa. Eltime sat mataa nasoc anco apquilpayvam apquilpamejitquiscama poc. Ayinyemaclha ninlhamoclhojo ningiltomja Jesucristo apmolhama.

EFESIOS 4:25 Iomraidhean Croise

1 REYES 13:18

Apquilinlhanacmec nic nat profeta apvanyam, aptomja apcanya: —Coo najan sicvisay profeta, apno lhip lha. Aptomjac lhac seyanya ángel Dios apcasinancama, yoyam oyantemiclha lhip tingma ajac, etoc sat, eynic sat yingmin — lhac aptomjac — nic nat aptomjac apvanyam. Nasoc alhta apmopvan amyaa.

SALMOS 119:29

Jeyas coo actemaclha movan amyaa. Jelhicmos sat lhip singillhicmoscama.

SALMOS 15:2

Apvamlha aptomja aptamilcasomacpo apanco, actomja acpeyvomo aptemaclha. Actomja nasoc anco aclhanma mataa apvalhoc.

SALMOS 52:3

Aptanovquic lhip mataa actemaclha actamila. Apyispaquic mataa lhip acmasom. Aptanovquic lhip mataa actemaclha nasoc anco. Apyispaquic lhip acmovan amyaa.

ÉXODO 23:7

Noelpasim nasa enlhit apquilyinimquiscama. Noelyitnocjas nasa amyaa mepqui apsilhnanomap apanco, yoyam etanovacpoc. Momyovejec sat coo enlhit apsilhnanomap apanco etnesacpoc appeyvomo.

PROVERBIOS 12:17

Onlingacsic nasoc anco ningvitaycamco, naysicsa macpeyvescasquiclha amyaa. Onlingacsic ningmovan amyaa, acnamco inlhojo anit ingvalhaoc.

PROVERBIOS 12:19

Comasquingvomejec mataa amyaa actomja nasoc anco, ayinyema enlhit appeyvomo. Acyavataclhojo mataa aptiyascam enlhit apmopvan amyaa.

PROVERBIOS 12:22

Ingiltanovquic mataa Dios, apvita inlhojo nintemaclha ningmovan amyaa. Innec singaco napato Dios, aplinga inlhojo ninlhanma mepqui ningyeycajascaoc.

PROVERBIOS 21:6

Alhto inyicje nintingyey cascama ningilnatam ayinyema ningmovan amyaa. Malha tava apac singilmam sat cotnejic, yoyam onticyoc.

PROVERBIOS 24:28

Mongvanquejec ongiltipsic apvisay poc mepqui apsilhnanomap apanco. Cotnejic sat ningmovan amyaa ningilinmelha inlhojo poc.

PROVERBIOS 6:17

Actemaclha ayajamalhco ingvalhoc, ayinyema ingataoc inganco. Actemaclha mepqui acpeyvomo ingvalhoc, ayinyema ingatong actipquiscama ningmovan amyaa. Actemaclha acmasom najan aclom ingvalhoc, ayinyema ningilnapma enlhit mepqui apquilsilhnanomap apanco.

PROVERBIOS 8:7

Nasoc anco sicpayvam, am colcac evalhoc acmovan amyaa.

ISAÍAS 63:8

Aptomjac alhta mocjam Dios Apyimtalhnamo: Enlhit ajancaoc, eyitquic mepqui selyinimquiscama — alhta aptomjac. Aptomjac alhta apquilvomquiscama tap.

ISAÍAS 9:15

Apquiltimec mataa apvisay apcatic enlhitaoc apquilvanyam najan apquilyimtalhnamo. Apquiltimec mataa acvisay apyipacyic profetas apquilmopvancaa amyaa.

OSEAS 4:2

Yitnec acmovan amyaa najan apquilyinimquiscama, yitnec apquilnapma poc, najan apquilminyilhma, najan apquilanatama, najan apquilnapomap, najan apquilyanmongsayclha apquiltemaclha acmasom.

LEVÍTICO 19:11

Mongvanquejec ongminyilhic. Mongvanquejec ontimjic ningmovan amyaa. Mongvanquejec ongilyinimsic poc.,

ZACARÍAS 8:16

Elyiplovcasojo mataa siyanamaclha: Noeltime nasa apquilmopvan amyaa nipyesicsa quellhip, eltime sat mataa apquilpeyvomo, coyit actamilaycam apquilvalhoc napatavo apquilyicpilquemo.

ZACARÍAS 8:19

Yitnec alhta mataa apquilmalhnancama mepqui nintom najan acmayovsa apquilvalhoc moclhama año piltin cuarto, najan quinto, najan séptimo, najan décimo. Cotniclhac sat fiesta apancaoc co Judá, yoyam elitsovacsojo. ¡Coyit sat mataa actamilaycam apquilvalhoc najan mepqui apquilmopvan amyaa! — alhta aptomjac.

SAN JUAN 8:44

Innec quellhip apquilyap acvisay yavey diablo. Quellhip apquiltomja ayitquic. Apquililtamjoc mataa elvajanamcoc quellhip actemaclha ayitsepma inquenyic apquilyap. Siclhoc anco nic nat acvocmo quilhvo nac jay actomja ticyovam inyap. Am coyitnac mataa actimem nasoc anco. Jave nasoc anco actemaclha. Intimec mataa acmovan amyaa, ayinyemaclha yavey diablo acvisay acmovan amyaa inyap. Actemaclha anco acmovan amyaa.

ROMANOS 12:5

Innoc najan nincoo lha ningiltomja ningilpasmeyquiclha Cristo ningiltomja lhama ningyovoclhojo. Ningiltomja malha singilyipitsayclha ingmoc, acno alyiptetaclha alyipitcayo moc.

1 CORINTIOS 10:17

Nincoo eyca ninlhamoclhojo, malha lhama ningyovoclhojo ningiltomjac. Lhama apanco quilpasmongam. Nintovcamquic nincoo ninpasmeyquiclha lhama quilpasmongam.

2 CORINTIOS 7:14

Altimnasquic alhta ingyalhing Tito actemaclha siyayo quellhip. Altimnasquic alhta Tito actomja nasoc anco, acno alhta mataa siltimnascama quellhip amyaa actomja nasoc anco.

EFESIOS 4:15

Incaymalhquic nincoo ongilyiplovcasojo actemaclha actomja nasoc anco najan actemaclha ningasicjayo. Incaymalhquic ongilyipitcojo nincoo Cristo, aptomja apquimja apmamyi apmolhama.

EFESIOS 4:22

Elvatsaoc sat quellhip apquiltemaclha nano, ayinyemaclha elnatovasacpoc sat apanco ayinyema ayitsepma apnenyaoc.

EFESIOS 4:31

Elvatsaoc sat actemaclha apquiltanovaycam najan apquiltemaclha apancaoc najan actemaclha apquillom najan actemaclha apquilatingmoctamo najan actemaclha alnatjesaycam najan aclhamoclhojo actemaclha acmasom.

EFESIOS 5:30

Nincoo ningiltomja apmolhama, ningiltomja malha alyiptetaclha apyovoclhojo Cristo.

COLOSENSES 3:8

Elvatsaoc sat quellhip aclhamoclhojo as asoc: ninlom, ningnatjemo, nintemaclha acmasom, actemaclha acmasom ninpayvam, nintipquiscama apvisay ingmoc.

COLOSENSES 3:9

Noeltime nasa apquilmopvan amyaa. Apquilyinyovquic quellhip actemaclha apquilvalhoc nano.

1 TIMOTEO 1:10

Apquillhenamap enlhit apquilanatama najan apquilvajaneycaoc moc actemaclha apquilpatjeteycaoc najan enlhit apquilminyilhayclha poc najan apquilmopvancaa amyaa najan enlhit apquiltimesquiscama nasoc anco naysicsa apquilmopvancaa amyaa. Inlhenalhquic najan aclhamoclhojo asoc alinmelhaycam singillhicmoscama actamila.

1 TIMOTEO 4:2

Elaylhojoc sat apquillhanma enlhitaoc apquilmopvancaa amyaa najan apquillhanma enlhitaoc apquilasinomap acyitna anit apvalhaoc. Alitsepma intomjac apquilvalhoc, malha ayinyema tava ápac acmeta.

TITO 1:12

Apnec alhta yoclhilhma Creta lhama profeta nipyesicsa apquilmopvancaa amyaa. Eycaso appayvam apquillhenamap apnaymacoc: “Co Creta apquiltomja apquilmopvancaa amyaa. Apquiltomja malha asoc navjac aclom. Apquiltomja mengyascama elmaja aptoycaoc najan apquiljalhomap” —alhta aptomjac.

HEBREOS 12:1

Apquillhenacpec aplhamoclhojo enlhitaoc acyitna ilhnic nat melyasquiyam, apquiltomja malha singillhicmoscama actemaclha melyasquiyam. Ingilane sat ongitlhaoc asoc singilyascamalhma, malha naysicsa ningyinyem. Ingilane sat ongilvatsamcoc mongilyascalhma, actomja malha singilpilhtetem tama. Ingilane sat ongilinlhanmojo ningyiplovquiscama, malha ningilyamasomalhca carrera actemaclha ningilanyomalhca ontimjic.

SANTIAGO 1:21

Elvatsaoc sat altamongvayclholhma apquilpayvam najan apquiltemaclha almasomcaa. Colma apquilvalhoc Dios appayvam acpiquenomalhca quellhip apquilvalhoc, malha actic mayinayclha. Apvanquic Dios appayvam colvomsic tap quellhip.

1 SAN PEDRO 2:1

Etlhaoc sat quellhip aclhamoclhojo nintemaclha almasomcaa najan actemaclha ningyinimquiscama najan actemaclha anit ingilvalhoc najan actemaclha ningyasipquiscama najan actemaclha nintipquiscama apvisay ingmoc.

EL APOCALIPSIS 21:8

Elyinyovacpoc sat naysicsa talha acvanyam macpalhaquiscama azufre acpayesayclha talha enlhitaoc apquiltomja anit apvalhaoc najan apquiltomja apquilyasquiyam najan apquiltomja apquiltamongvaycmolhma najan apquiltomja ticyovam yapmayc najan apquiltomja apquilanatama najan apquiltomja apquilyojolhmaa najan apquiltomja apquilpayescamo quilaycmasquiscama acyitsomalhca Dios najan apquiltomja apquilmopvancaa amyaa. Eycaso acvisay moc ningitsepma.

EL APOCALIPSIS 22:15

Melantilhic sat mataa enlhitaoc apquiltomja apquilyasquiyam malha simjing najan apquiltomja apquilyojolhmaa najan apquiltomja apquilanatama najan apquiltomja ticyovam yapmayc najan apquiltomja apquilpayescamo quilaycmasquiscama acyitsomalhca Dios najan aplhamoclhojo apquiltomja apquilmopvancaa amyaa.

JUECES 16:11

Apcatingmavoc nic nat Sansón: —Elpilhtetquic sat ancoc tama alhnancoc quilhva alanamalhca. Comascoc sat sictemaclha sicyimnatem. Olhojoc sat poc enlhit mepqui apyimnatem — nic nat aptomjac.