EFESIOS 4:2 - Enhlit Bible

² Elyiplovquis sat mataa actemaclha mongilyimtalhnesomalhco inganco najan actemaclha ningasicjayo. Eltamilsojo apquilvalhoc nipyesicsa quellhip. Elasicjacpojo nipyesicsa quellhip.

EFESIOS 4:2 Iomraidhean Croise

SALMOS 138:6

Apnec maa netin Visqui ingac. Ingilano inyicje actemaclha ingvalhoc. Ingilyicpilcoc nincoo, acyitna inlhojo ayajamalhco ingvalhoc.

SALMOS 45:4

Ivascap sat lhip naysicsa aptimem apyimtalhnamo. Ivascap sat lhip aptingyey actemaclha nasoc anco, actemaclha acpeyvomo. Elavojoc sat apquilvita inlhojo lhip aptamjaycam simpilapquiscama.

PROVERBIOS 16:19

Intasi nac actamilaycam ingvalhoc nipyesicsa enlhit mepqui apquilnatam, am colhno cascama ningilnatam nipyesicsa enlhit ayajamalhco apquilvalhoc.

PROVERBIOS 3:34

Innec mataa singvenneycam Dios, acyitna inlhojo nintemaclha ningvenneycam. Innec mataa singimlacmo, mepqui inlhojo ayajamalhco ingvalhoc napato Dios.

ECLESIASTÉS 7:8

Actamila anco ningilvatescama ningilyataycam, am colhno ningenmo ningilyataycam. Actamila anco ningiltamilcasomalhco inganco, am colhno ningyimtalhnesomalhco inganco.

ISAÍAS 57:15

Eycaso appayvam apanco apvisay Apyimtalhnamo najan Mengyitsepma najan Mayayo: Sicmaclha coo nitno najan mayayo. Acpasmec coo mataa conjamalhca apquilvalhoc enlhit najan apquilmapyovseca. Oltamilquiscomoc apquilvalhoc, olvascapquisic sat apquilvalhoc.

SOFONÍAS 2:3

Eltingya sat quellhip Dios Visqui ingac, quellhip mepqui ayajamalhco apquilvalhoc, apquiltomja apquilyajayquiclho singanamaclha. Elyiplovcasojo actemaclha acpeyvomo najan actamilaycam apquilvalhoc. Elvitac sat quellhip apquilyilhanmeycam, acvaa inlhojo acnim apanco najan aplom apanco Dios Visqui ingac.

ZACARÍAS 9:9

¡Colpayjiclha apquilvalhoc quellhip tingma Sión! ¡Elminaycmas sat naycisa apquilitsovascama, quellhip co Jerusalén! Apquilhyacme Visqui ingac appeyvomo najan apyimnatem. Mepqui ayajamalhco apvalhoc, yamelyeyjaycoc ayitcoc apquinamtem.

NÚMEROS 12:3

Naso, mepqui ayajamalhco apvalhoc Moisés, am elhno poc enlhit.

SAN MATEO 11:29

Elpatmiclha sat yispaoc ajac sicmescama quellhip, yoyam elyinyovacsic. Elyasingvom sat sictemaclha ajanco. Actamilaycam evalhoc najan cajamalhco evalhoc coo. Comascoc sat alyajapmo apquilvalhoc.

SAN MARCOS 9:19

Aptomjac alhta apquilanya Jesús: —Enlhit apquilyasquiyam nac quellhip. ¿Jalhcocvam acnim olhojoc lhama mocjam quellhip? ¿Jalhcocvam acnim olngamcojoc mocjam apquilyasquiyam quellhip? Elyantamenma apyimnanic jalip —alhta aptomjac.

LOS HECHOS 20:19

Am alhta ongvajalhco mataa silanamcaa Visqui ingac. Avanjec alhta acyitnocjayo evalhoc naysicsa silancam. Aclingamcoc alhta mataa setvascama seyilhanimquisa mataa judíos.

ROMANOS 15:1

Yitnec nincoo acyiviy mongyasquiyam. Incaymalhquic ongilpasmoc mataa ingyalhing acyitna ayitcoc meyasquiyam, malha coyimnatem mocjam apvalhoc. Incaymalhquic mongilmiyovsalhcoyc inganco.

1 CORINTIOS 13:7

Najan ayinyema ningasicjayo actemaclha ningilinlhanyam najan actemaclha mongyasquiyam najan actemaclha aljalhneycam ingvalhoc najan actemaclha actamilaycam ingvalhoc.

GALATAS 6:2

Elpasim sat mataa poc naysicsa acyimtalhnama apvalhoc, actomja malha apquilpatam. Eycaso actomja yoyam onsovjongvomoc singanamaclha ayinyema Cristo.

EFESIOS 1:4

Dios aptomja singilyacyescama yoyam ongiltimjic apquitquic ayinyema Cristo. Eycaso appenescamo ilhnic nat aclhanma apvalhoc amamyi apquilantipquiscama aclhamoclhojo asoc. Apquiltamjoc nic nat Dios yoyam ongiltimjic ningiltamila napato mepqui ningilsilhnanomalhca.

COLOSENSES 1:11

Eltimjic sat quellhip apquilyimnatem ayinyema apmopvan apanco Dios. Apquillingamcoc sat ancoc acmasom quellhip, coytic sat actamilaycam apquilvalhoc najan actemaclha apquilinlhanyacmo.

1 TIMOTEO 6:11

Lhip Timoteo, aptomja lhip Dios apquitca. Ingyavojo sat lhip aclhamoclhojo acmasom aclhenomalhca. Itne sat malha ningyinyem. Iyiplovquis actemaclha acpeyvomo najan actemaclha ningayo Dios najan actemaclha mongyasquiyam najan actemaclha ningasicjayo najan actemaclha ningilinlhanyam najan actamilaycam ingvalhoc.

2 TIMOTEO 2:25

najan naysicsa aptamilquiscasquiclha apquilvalhoc enlhit apquiltomja apquillom. Apvanquic Dios eltimesquisic yoyam elyanmongsic apquilvalhoc as enlhitaoc. Yoyam najan elyicpilcangvomoc actomja nasoc anco.

SANTIAGO 1:21

Elvatsaoc sat altamongvayclholhma apquilpayvam najan apquiltemaclha almasomcaa. Colma apquilvalhoc Dios appayvam acpiquenomalhca quellhip apquilvalhoc, malha actic mayinayclha. Apvanquic Dios appayvam colvomsic tap quellhip.

1 SAN PEDRO 3:15

Collhen sat mataa apquilvalhoc Cristo aptomja Visqui ingac. Elpenacsojo sat elyasamcojo quellhip. Apquilmalhnacpec sat ancoc quellhip actemaclha melyasquiyam acyitna apquilvalhoc, elatingmojo sat mataa. Eltamilsojo sat apquilvalhoc naysicsa apquilatingmaycam.

1 SAN PEDRO 3:8

Actomjac coo silanya quellhip: Elhnasojo mataa moc apquilvalhoc. Eltime sat mataa apquilpasmeyquiclha. Elimlimojo sat mataa. Noelyimtalhnesacpojo apanco quellhip.