EFESIOS 4:18 - Enhlit Bible

¹⁸ Somcoc mataa alquitamsama apquilvalhoc. Malha yatescamalhma intomjac apquilvalhoc. Am elyasamcoc as enlhitaoc actemaclha acyimnatem ingnenyic ayinyema Dios. Am colmac apquilvalhoc Dios appayvam.

EFESIOS 4:18 Iomraidhean Croise

SALMOS 74:20

Coyit apatic lhip aplhanma apmayjayoclha. Yitnec apquilyilhanmomaclha lhalhma anco. Apquilpecjam jingiltovacsic (jingilnapoc).

ISAÍAS 25:7

Etvacsic sat Visqui ingac netin inquilhe apava ayalomalhca apcatcoc enlhit. Etvacsic sat Visqui ingac apava apcalomap apyovoclhojo enlhitaoc.

EZEQUIEL 14:5

Aptomjac alhta mocjam: Otnesquisic sat aclingaycamco apquilvalhoc apyovoclhojo enlhitaoc Israel, selyamasma alhta, apquiltomja apquilayo quilaycmasquiscama.

DANIEL 5:20

Apvitac alhta Dios aptemaclha ayajamalhco apvalhoc najan apyimtalhnesomacpo apanco. Apyinyovcasquic alhta Dios aptemaclha apvisqui mayayo najan apmopvan.

LEVÍTICO 11:16

najan lhapin, najan sovaya, najan gaviota, najan actemaclha gavilanes,

SAN MATEO 13:15

Alyimtalhnama apquilvalhoc as enlhitaoc. Invoncacmec apaycaoc as enlhitaoc. Innatincasquic apataoc as enlhitaoc. Melvityejec sat acna apataoc. Mellingejec sat acna apaycaoc. Colyasingvomejec sat apquilvalhoc. Melyanmongsejec sat apquilvalhoc, yoyam moltamilquiscomoc —nic nat intomjac appayvam.

SAN MARCOS 3:5

Lovquic alhta apvalhoc Jesús apquilano apnaycam nipyava. Yitnocjavoc alhta apvalhoc apvita apquiltemaclha alyimnatem apquilvalhoc. Aptomjac alhta apcanya: —Ipeyvas apmic —alhta aptomjac. Natamin appeyvesa apmic, actamilaclho apmic.

SAN JUAN 12:40

Inquilmec apataoc enlhitaoc ayinyema Dios Ingyapam. Apquilyimtalhnescasquic Dios Ingyapam apquilvalhoc enlhitaoc. Apquiltamjoc Dios Ingyapam, yoyam melvityeje olhma enlhit acna apataoc. Apquiltamjoc najan, yoyam colhenejec apquilvalhoc elyasingvomoc amyaa. Yoyam colhenejec apquilvalhoc enlhitaoc elyanmongsic moc apquilvalhoc, yoyam eltamalvomoc ayinyema siltamilquisquiyam —nic nat intomjac appayvam.

LOS HECHOS 17:30

Am colhenam apvalhoc Dios Ingyapam apquiltemaclha ilhnic nat enlhitaoc melyascamco. Quilhvo eyca apquilanyacpo aplhamoclhojo enlhit lhalhma anco, yoyam elyanmongsic apquilvalhoc.

LOS HECHOS 3:17

Elyalhinga, quip elanojo. Acyasamcoc coo, am alhta elyasamcoc quellhip apquiltomjaclha apquilaja Jesús. Am alhta elyasamcoc apquiltomjaclha apquilviscaa.

ROMANOS 1:28

Am colyacmoc as enlhitaoc elyasamcojo aptemaclha Dios. Am alhta elyasalhma Dios apquiltemaclha apancaoc. Apquilyiplovcasquic alhta alquitamsama apquilvalhoc almasomcaa, yoyam elvajanamcoc apquiltemaclha apancaoc.

ROMANOS 11:25

Quellhip elyalhinga. Altamjoc coo yoyam melyimtalhnesacpejec apanco quellhip. Elyasamcojo sat quellhip asoc acyilhomalhca: Nasoc anco alyimnatem apquilvalhoc napocja enlhitaoc Israel. Comascoc sat alyimnatem apquilvalhoc acvocmo sat acnim apsovjomap apquilyanmonquiscama apquilvalhoc metnaja judíos.

ROMANOS 11:7

¿Jalhco actomja quilhvo nac jay? Am nic nat elvitac asoc aptingyeycaoc enlhitaoc Israel. Apquilvamlha napocja apquiltomja Dios apquilyacyescama apquilvitac alhta asoc aptingyeycaoc. Invocmec alhta actimem alyimnatem apquilvalhoc poc aplhamoclhojo.

ROMANOS 2:19

Apcanayquic lhip nasoc anco apmopvan eyantimiclha mepqui apataoc. Najan ingyipvanic ingyitsasquisic olhma enlhitaoc apnaycam yatescamalhma.

1 CORINTIOS 1:21

Am elyasingvocmoc mocjam enlhitaoc apquilyascamco lhalhma anco aptemaclha apyascamco Dios. Apquiltamjoc Dios elvomsic tap enlhitaoc apquiltomja melyasquiyam. Eycaso ayinyema tasic amyaa actomja apquiltanoncama enlhitaoc lhalhma anco.

1 CORINTIOS 2:8

Am elhnam lhama apvisqui apyimtalhnamo apyasingvoyam actemaclha ningyascamco ayinyema Dios. Apquilyasingvocmec alhta anco, colapvanquejec alhta elyipitsic asoc timyescama Visqui ingac apyimtalhnamo.

2 CORINTIOS 3:14

Am nic nat elyasamcoc enlhitaoc Israel acvocmo quilhvo nac jay. Inquilyipsatalhquic sat ancoc amyaa apmayjayoclha Dios aplhanma nano, melyasingvomejec mataa. Ayinyemaclha actomja malha alalasomalhca apava apquilvalhoc aplhamoclhojo enlhitaoc Israel. Colapvancaac eljalhyovacsic mataa. Apvamlha Cristo apvanquic eljalhyovacsic ayalomalhca apquilvalhoc yoyam elyasingvomoc.

2 CORINTIOS 4:4

Ayinyemaclha apquilyascacmec tasic amyaa as enlhitaoc. Yatescamalhma intimescasac apquilvalhoc somquic quilyicjamo. Yoyam melvityejec sat ayitsayolhma actamila ayinyema tasic amyaa najan ayitsayolhma ayinyema Cristo. Ayinyemaclha Cristo apnoc Dios yoyam ongvita.

GALATAS 4:8

Am alhta elyicpilcac quellhip Dios Ingyapam. Apquilyiplovcasquic alhta quellhip actemaclha quilaycmasquiscama acyitsomalhca Dios, malha apquilancam apquilmomap alhta quellhip.

EFESIOS 2:1

Collhen apquilvalhoc apquiltemaclha alhta nano quellhip. Apquilyiplovcasquic alhta quellhip apquiltemaclha almasomcaa najan melyascalhma. Malha apquilitsepma alhta quellhip napato Dios.

EFESIOS 2:12

Mepqui Cristo alhta apquileyvam quellhip. Am nic nat elpalhavocmoc quellhip enlhitaoc Israel apquiltomja Dios apquilyacyescama. Am nic nat elyasamcoc quellhip asoc monquinatquiscama apmayjayoclha Dios, ayinyema aplhanmaclha nic nat Dios actomja nasoc anco. Mepqui aljalhneycam apquilvalhoc alhta quellhip. Najan mepqui allhanma apquilvalhoc alhta Dios quellhip naysicsa apquileyvam as nalhpop.

COLOSENSES 1:21

Najan apquiltemaclha alhta quellhip. Apquiltomja alhta malha cotnaja poc Dios, ayinyema alquitamsama apquilvalhoc almasomcaa najan ayinyema apquiltemaclha almasomcaa. Quilhvo eyca acyitna altamilaycam apquilvalhoc quellhip napato Dios ayinyema Cristo.

1 TESALONICENSES 4:5

Noelvajaniclhojo nasa apquiltemaclha enlhitaoc lhalhma anco. Am elinyovcoc mataa apnatamcaa acyovoclhojo acnim.

HEBREOS 5:2

Apvanquic Dios apquilancam elngamcojoc lhama naysicsa mepqui apquilyimnatem enlhit melyascamco najan enlhit apquillhinganyam. Ayinyemaclha moc acnim mataa mepqui apyimnatem Dios apquilancam.

HEBREOS 9:7

Apvamlha Dios apquilancam apquimja apmamyi apvanquic etlhic apvisay anit apvalhoc. Acvamlha lhama aptalhningvayclha lhama año. Copvanquejec etalhningvoclha mepqui apsayclha ema, ayinyema asoc acticyovam acyanmongam meyascalhma apanco najan acyanmongam melyascalhma enlhitaoc.

SANTIAGO 4:4

¿Apquillinga ya quellhip? ¡Enlhit apquilmapsomcaa nac quellhip! Ningyispaquic sat ancoc apquiltemaclha enlhit lhalhma anco, mongvanquejec ongilasicjojo Dios Ingyapam. Ningiltimec sat ancoc ingnaymacoc enlhit lhalhma anco yoyam ongilvajaniclhojo apquiltemaclha, natamin jintimjic nincoo metnaja apnaymacoc Dios Ingyapam.

1 SAN PEDRO 1:14

Elilyejiclhojo sat mataa Dios, malha apquitcoc apquilyajayquiclho apquilyap. Noncolitsip nasa apnenyaoc aclhamoclhojo nintemaclha nano, naysicsa melyascaoc Dios Ingyapam.

1 SAN JUAN 2:11

Apnec mataa naysicsa yatescamalhma ingyalhing aptomja apquinmelhaycam poc. Apquilinlhanacmec mataa naysicsa yatescamalhma. Am eyasamcoc mataa apyasaclha. Ayinyemaclha yatescamalhma inquilmec apataoc.