EFESIOS 4:16 - Enhlit Bible

¹⁶ Apquiltimec mataa apquilpasmeyquiclha Jesucristo apmolhama malha alyiptetaclha apyovoclhojo ayinyema mataa Cristo aptomja apquimja apmamyi. Apquiltamjam mataa moclhama apmolhama ayinyema apquillhoy apquilmopvan ayinyema Cristo. Inyangvocmec melyasquiyam aplhamoclhojo. Malha acváneycaoc intomjac melyasquiyam naysicsa apquilyiplovquiscama actemaclha ningasicjayo.

EFESIOS 4:16 Iomraidhean Croise

SAN JUAN 15:5

‘Coo sictimem uva avjac, quellhip maa actingaoc. Apquilinlhanacmec sat ancoc quellhip selyipitcaycam coo acno silyipitcaycam quellhip, colhamiclhac sat apyilhna quellhip. Colapvanquejec quellhip ellanac lhama asoc mepqui coo.

ROMANOS 12:4

Apquilyasamcoc quellhip: Yitnec aclhamoclhojo alyiptetaclha ningyovoclhojo. Am colhnoc mataa moc actemaclha alactamalhca alyiptetaclha.

1 CORINTIOS 10:17

Nincoo eyca ninlhamoclhojo, malha lhama ningyovoclhojo ningiltomjac. Lhama apanco quilpasmongam. Nintovcamquic nincoo ninpasmeyquiclha lhama quilpasmongam.

1 CORINTIOS 13:13

Comasquingvomejec sat mataa natqui actemaclha: Lhama acvisay mongyasquiyam, moc acvisay aljalhneycam ingvalhoc, moc acvisay ningasicjayo. Actemaclha ningasicjayo actomja ayimja amamyi anco, am colhno moc.

1 CORINTIOS 8:1

Altamjoc olhenic actemaclha moc asoc. Inlhenalhquic apitic macmescama quilaycmasquiscama acyitsomalhca Dios. Intomjac alhta vaycajac setalhesquiscama quellhip: “Nincoo ningiltomja ningilyascamco” —alhta apquiltomjac quellhip. Nintemaclha ningilyascamco inganco actomja actipquiscama ningilyimtalhnesomalhca inganco. Nintemaclha ningasicjayo actomja singyascasingvoyam.

GALATAS 5:22

Asoc altamila eyca, malha acyilhna ayinyema Espíritu apanco Dios acvisay: actemaclha ningasicjayo najan actemaclha acpayjayclha ingvalhoc najan actemaclha actamilaycam ingvalhoc najan actemaclha nintamilquiscamo ingvalhoc najan actemaclha acliclamo ingvalhoc najan actemaclha ningamliyam najan actemaclha mongilvatseycaoc ningyiplovquiscama.

GALATAS 5:6

Ningilanalhco ningiltomja ninpasmeyquiclha Cristo Jesús. Colhenalhquejec mataa asoc monquinatquiscama ingyimpejic najan mepqui asoc monquinatquiscama ingyimpejic. Incaymalhquic coytic mongyasquiyam naysicsa ningyiplovquiscama actemaclha ningasicjayo.

EFESIOS 1:4

Dios aptomja singilyacyescama yoyam ongiltimjic apquitquic ayinyema Cristo. Eycaso appenescamo ilhnic nat aclhanma apvalhoc amamyi apquilantipquiscama aclhamoclhojo asoc. Apquiltamjoc nic nat Dios yoyam ongiltimjic ningiltamila napato mepqui ningilsilhnanomalhca.

EFESIOS 3:17

Almalhnescasquic coo mocjam yoyam elhic Cristo apquilvalhoc quellhip ayinyema melyasquiyam. Yoyam elyiplovcasojo actemaclha ningasicjayo actomja ayimja amamyi.

EFESIOS 3:7

Eycaso singillhicmoscama tasic amyaa actemaclha asoc acyilhomalhca. Eyasinaquic alhta Dios otnejic siclingascama amyaa, siclhoy alhta ayinyema Dios apmopvan.

EFESIOS 4:12

Apquiltamjoc Cristo yoyam eltamjam apquilancam nipyesicsa Jesucristo apmolhama. Yoyam ellhamasiclha Jesucristo apmolhama, malha apquilvanimquiscama Cristo apyovoclhojo.

EFESIOS 4:15

Incaymalhquic nincoo ongilyiplovcasojo actemaclha actomja nasoc anco najan actemaclha ningasicjayo. Incaymalhquic ongilyipitcojo nincoo Cristo, aptomja apquimja apmamyi apmolhama.

FILIPENSES 1:9

Almalhnescasquic mataa quellhip yoyam coyangvomoc acliclamo apquilvalhoc ayinyema apquilyasingvoyam najan apquilyicpilcangviyam aclhamoclhojo nintemaclha.

COLOSENSES 2:19

Am elyiplovcasac as enlhitaoc apquilpasmeyquiclha Cristo, aptomja apquimja apmamyi. Aptomja apvanimquiscama apyovoclhojo. Apquilyimnatescasquic mataa apjajac najan alyiptetaclha. Coyimnac sat apyovoclhojo actemaclha apmayjayoclha Dios.

COLOSENSES 2:2

Altamjoc coo mataa yoyam colyimnac acliclamo apquilvalhoc. Yoyam eltimjic lhama apquilpasmeyquiclha. Yoyam najan elyasingvomoc actemaclha cotlaycaoc asoc altamila, acvisay asoc acyilhomalhca ayinyema Dios. Eycaso apvisay Cristo.

1 TESALONICENSES 1:3

Inlhenquic mataa ingilvalhoc napato Dios Ingyapam actemaclha apquiltamjaycam quellhip ayinyema melyasquiyam. Najan actemaclha apquiltamjaycam quellhip ayinyema apquilasicjayo. Najan actemaclha apquilinlhanyam quellhip ayinyema aljalhneycam apquilvalhoc Jesucristo Visqui ingac.

1 TESALONICENSES 2:13

Gracias ningiltomjac mataa nincoo Dios. Ayinyemaclha apquillingac alhta Dios appayvam ninlingascama nincoo. Inquilmec alhta apquilvalhoc quellhip Dios appayvam, cotnaja enlhit appayvam. Nasoc anco actomja Dios appayvam. Dios appayvam inquinyemac actemaclha apquilyiplovquiscama quellhip apquiltomja melyasquiyam.

1 TESALONICENSES 3:12

Ningiltamjoc nincoo yoyam eyancasiclhac Visqui ingac actemaclha apquilasicjayo nipyesicsa quellhip najan nipyesicsa aplhamoclhojo enlhitaoc. Acno nincoo lha ningilasicjayo quellhip.

2 TESALONICENSES 1:3

Quellhip ingilyalhinga. Ningiltimec mataa nincoo gracias Dios Ingyapam naysicsa ningilmalhnesquiscama quellhip. Mongvanquejec nincoo mongilmalhnesquisic quellhip, ayinyemaclha inyangvocmec melyasquiyam quellhip najan actemaclha apquilasicjayo moclhama nipyesicsa quellhip.

1 TIMOTEO 1:5

Incaymalhquic ongillhicmocsic mataa tasic amyaa yoyam coyaveclha actemaclha ningasicjayo. Pac ongilyiplovsic sat ningasicjayo ayinyema ayalhnayo ingvalhoc najan ayinyema acyasingvayclho ingvalhoc actamila najan ayinyema mongyasquiyam actomja nasoc anco.

1 SAN PEDRO 1:22

Apquilyajaclhoc alhta quellhip amyaa actomja nasoc anco. Apquilalhnasquic alhta apquilvalhoc quellhip yoyam elasicjojo ingilyalhinga. Elinlhanmojo sat apquilasicjamacpo nipyesicsa.

1 SAN JUAN 4:16

Ningilyasingvocmec nincoo najan mongilyascacmoc nincoo actemaclha singasicjayo Dios. Dios apvisay ningasicjayo. Ningilinlhanacmec sat ancoc ningasicjayo, ongilpasmoc sat mataa Dios, jingilpasmoc sat mataa nincoo lha Dios.