EFESIOS 4:15 - Enhlit Bible

¹⁵ Incaymalhquic nincoo ongilyiplovcasojo actemaclha actomja nasoc anco najan actemaclha ningasicjayo. Incaymalhquic ongilyipitcojo nincoo Cristo, aptomja apquimja apmamyi apmolhama.

EFESIOS 4:15 Iomraidhean Croise

SALMOS 32:2

Apquilinyejemoc anco enlhit mepqui apsilhnanomap apanco, ayinyema Visqui ingac apyinyovquiscama. Aptomja colhanma apvalhoc actemaclha apyinimquiscama.

ZACARÍAS 8:16

Elyiplovcasojo mataa siyanamaclha: Noeltime nasa apquilmopvan amyaa nipyesicsa quellhip, eltime sat mataa apquilpeyvomo, coyit actamilaycam apquilvalhoc napatavo apquilyicpilquemo.

MALAQUÍAS 4:2

Quellhip apquiltomjac selayo, elvitac sat sictemaclha sicpeyvomo, malha ayitsasquiscama acnim, actomja sintamilquisquiyam. Copayjiclhac sat apquilvalhoc quellhip, colhojoc sat alnilhtingayclha vayqui ayitcoc.

SAN JUAN 1:47

Lhama alhta apvita Jesús aplhingacmo Natanael. Aptomjac alhta apcanya: —Quip elanojo, aplhingacmo nac maa israelita apanco mepqui apyinimseycam —alhta aptomjac.

ROMANOS 12:9

Elasicjojo sat mataa poc mepqui apquilyinimquiscama. Eltanova sat actemaclha acmasom. Elyiplovquis sat actemaclha actamila.

1 CORINTIOS 11:3

Altamjoc yoyam elyasamcojo quellhip: Cristo aptomja apvisqui moclhama ingilyalhinga, malha apquimja apmamyi yoyam ongilyejiclhojo. Quilvana atava aptomja apvisqui, malha apquimja apmamyi yoyam colyejiclhojo aptava. Dios aptomja apvisqui, malha apquimja apmamyi yoyam elyejiclhojo Cristo.

2 CORINTIOS 4:2

Am ongilyilhascasac mataa nintemaclha yoyam mongilmancayc nincoo. Am ongilyiplovcasac mataa actemaclha ningyinimquiscama, am najan ongilyitnocjasac mataa Dios appayvam. Ninlingasquic mataa amyaa actomja nasoc anco. Apquilyasamcoc najan aplhamoclhojo enlhitaoc ayinyema alyascamco anco apquilvalhoc napato Dios.

2 CORINTIOS 8:8

Cotnaja siyanem elyiplovcasojo quellhip actema nac jay. Acvamlha aclhanma mataa evalhoc acyitna apquilvascapma poc Jesucristo apmolhama. Altamjoc coo oyasamcojo actemaclha apquilasicjayo quellhip.

EFESIOS 1:22

Apquilmec nic nat Dios aplhamoclhojo, yoyam elilyejiclhojo actemaclha apcanamaclha Cristo aptomja Apvisqui. Aptimesacpec Cristo apquimja apmamyi nipyesicsa apmolhama.

EFESIOS 1:4

Dios aptomja singilyacyescama yoyam ongiltimjic apquitquic ayinyema Cristo. Eycaso appenescamo ilhnic nat aclhanma apvalhoc amamyi apquilantipquiscama aclhamoclhojo asoc. Apquiltamjoc nic nat Dios yoyam ongiltimjic ningiltamila napato mepqui ningilsilhnanomalhca.

EFESIOS 2:21

Invocmec netin apyovoclhojo tingma macninquinaycaoc netin tacjalhit mataymong acyiviy. Etnejic sat tingma apponquinomap, tingma pac Visqui ingac.

EFESIOS 4:25

Elvatsaoc sat apquilmopvan amyaa. Eltime sat mataa nasoc anco apquilpayvam apquilpamejitquiscama poc. Ayinyemaclha ninlhamoclhojo ningiltomja Jesucristo apmolhama.

EFESIOS 5:23

Atava aptomja apquimja apmamyi, apno Cristo aptomja apquimja apmamyi apmolhama najan aptomja apquilvomquiscama tap. Cristo apmolhama apquiltomja malha Cristo apyovoclhojo.

1 SAN PEDRO 1:22

Apquilyajaclhoc alhta quellhip amyaa actomja nasoc anco. Apquilalhnasquic alhta apquilvalhoc quellhip yoyam elasicjojo ingilyalhinga. Elinlhanmojo sat apquilasicjamacpo nipyesicsa.

1 SAN PEDRO 2:2

Elaylhojo amyaa acyitsomalhca: Dios appayvam actomja malha neme apyingmenic actamila anco. Eltingya sat quellhip mataa Dios appayvam, malha sicaa ayitcoc ayitamsama neme. Yoyam elyimnac sat quellhip yoyam najan elvomoc ningilvomsomalhquilha tap.

2 SAN PEDRO 3:18

Elyasingvom sat mocjam actemaclha singasicjayo Jesucristo Visqui ingac aptomja singvomquiscama tap. Pac ongiltimjic ningilayo Visqui ingac quilhvo nac jay acvocmo actamongvomlha nelha acnim. Amén.

1 SAN JUAN 3:18

Quellhip eyitquic. Noeltime nasa alhto apquilpayvam yoyam elasicjojo. Elyiplovcasojo sat mataa actemaclha ningasicjayo actomja nasoc anco.

JUECES 16:15

Intomjac nic nat Dalila ayanya: —Apmopvan amyaa nac lhip. ¡Mepqui seyasicjayo nac lhip! Natqui intomjac seyinimquiscama lhip. Am jeltimnasac mocjam ayinyemayaclha apyimnatem apanco lhip — nic nat intomjac.