EFESIOS 4:12 - Enhlit Bible

¹² Apquiltamjoc Cristo yoyam eltamjam apquilancam nipyesicsa Jesucristo apmolhama. Yoyam ellhamasiclha Jesucristo apmolhama, malha apquilvanimquiscama Cristo apyovoclhojo.

EFESIOS 4:12 Iomraidhean Croise

SAN LUCAS 22:32

Almalhnescasquic mataa coo, yoyam comasqueje meyasquiyam lhip. Apyanmoncasquic sat ancoc apvalhoc lhip, ilyimnaticsojo apquilyalhinga —alhta aptomjac.

LOS HECHOS 1:17

Sinpalhalhem alhta nincoo Judas. Ingilpasmec alhta mataa ningiltamjaycam.

LOS HECHOS 1:25

Yoyam etnejic aptamjaycamo lhama apóstoles apyanmongsayclha Judas. Apyamasmec alhta Judas. Apmiyaclhec alhta lhama yoclhilhma acno aptemaclha apanco —alhta apquiltomjac.

LOS HECHOS 11:23

Lhama alhta apvoclho maa Bernabé. Apquilitsovasoc alhta apvita actemaclha appasmom Dios Ingyapam enlhitaoc. Apquililtimnasquic alhta, yoyam elinlhanmojo mataa apquilyiplovquiscama Visqui ingac.

LOS HECHOS 20:24

Am colhenam mataa evalhoc, yoyam otnejic sicyimnatem. Altamjo inyicje mataa osavojo sictamjaycam seyanem olana Visqui ingac Jesús. Apquiltamjoc mataa olngacsic tasic amyaa aclhenomalhca Dios Ingyapam singaycaoc.

LOS HECHOS 20:28

Eltamilsacpojo apanco quellhip. Eltamilquis sat najan apquilanacpo Jesucristo apmolhama, malha quilancam nipquesic apquiltamilquiscama apnatoscama. Quellhip apquiltomja apquilimja apmamyi ayinyema Espíritu Santo yoyam eltamilsic Jesucristo apmolhama. Apyanmoncasquic alhta em pac Jesús apmolhama.

LOS HECHOS 9:31

Yitnec alhta altamilaycam apquilvalhoc Jesucristo apmolhama yoclhilhma Judea najan yoclhilhma Galilea najan yoclhilhma Samaria. Inquilyimnatesalhquic alhta apquilvalhoc. Apquilacoc alhta mataa Visqui ingac. Aplhameclhec alhta ayinyema appasmom Espíritu Santo.

ROMANOS 12:5

Innoc najan nincoo lha ningiltomja ningilpasmeyquiclha Cristo ningiltomja lhama ningyovoclhojo. Ningiltomja malha singilyipitsayclha ingmoc, acno alyiptetaclha alyipitcayo moc.

ROMANOS 12:7

Ningillhocac sat ancoc ningmovan yoyam ongiltimjic ningilancam, incaymalhquic ongilyiplovsic actemaclha nintamjaycam actamila. Ningillhocac sat ancoc ningmovan yoyam ongillhicmocsic ingnaymacoc, incaymalhquic ongilyiplovsic actemaclha ningillhicmoscama.

ROMANOS 14:19

Ingilane sat ongilinlhanmojo ningyiplovquiscama yoyam coytic mataa actamilaycam ingvalhoc. Yoyam najan ongiltimjic mataa ningilpasmeyquiclha yoyam coyangvomoc actemaclha mongyasquiyam.

ROMANOS 15:14

Quellhip elyalhinga. Acyasamcoc coo, avanjec acyitna apquimlaycmo quellhip, avanjec najan apquilyascamco quellhip. Apvancaac quellhip elpamejitsacpojo apanco.

ROMANOS 15:2

Incaymalhquic moclhama nincoo ongilpayesiclha apvalhoc ingyalhing yoyam eyiplovcasojo actemaclha actamila. Yoyam najan coyangvomoc meyasquiyam.

ROMANOS 15:29

Acyasamcoc coo, acvoclhec sat ancoc nipyesicsa quellhip, oltimnacsic sat avanjec amyaa ayinyema Cristo, malha cotlaycaoc asoc altamila.

1 CORINTIOS 12:27

Quellhip aplhamoclhojo apquiltomja malha Cristo apyovoclhojo. Moclhama quellhip apquiltomja malha alyiptetaclha ayinyema apyovoclhojo Cristo.

1 CORINTIOS 12:7

Ningillhocac sat ancoc ningmovan ayinyema Espíritu apanco Dios, incaymalhquic ongillanac mataa actamila yoyam colmoc apquilvalhoc aplhamoclhojo enlhitaoc.

1 CORINTIOS 14:12

Apquililtamjoc sat ancoc ellhovac quellhip singaycaoc ayinyema Espíritu apanco Dios, eltingya sat cotlaycaoc singaycaoc ningmovan, yoyam colyimnatesic apquilvalhoc Jesucristo apmolhama.

1 CORINTIOS 14:14

Actimec sat ancoc moc actemaclha sicpayvam naysicsa silmalhnancama, cotnejic sat acpamejitquiscama sicvanmoncama. Moyasamquejec coo actomjaclha acpayvam sicvanmoncama. Ayinyemaclha cotnaja sicpayvam ajanco.

1 CORINTIOS 14:26

Quellhip elyalhinga. Eycaso actomja actemaclha nintamilquiscamo: Apcaneyclhec sat ancoc quellhip, incaymalhquic lhama ingyalhing etnejic apmamyi ningminaycmascama salmo. Poc sat elhicmocsic Dios appayvam. Poc sat elhenic amyaa apyasingvoyam ayinyema Dios. Poc sat epamejitsic moc actemaclha appayvam yoyam epeyvescasiclha actomjaclha aplhanma. Incaymalhquic yoyam colyimnatesic apquilvalhoc Jesucristo apmolhama.

2 CORINTIOS 12:19

Apquilanayquic mataa quellhip ongillhenalhcoc inganco nipyesicsa quellhip. Paj, cotnaja nintemaclha. Ningiltimnasquic nincoo mataa amyaa napato Dios naysicsa ninlhanma apvisay Cristo. Quellhip elyalhinga, ningiltamjoc ongilpasmoc najan ongilyimnatesquisic apquilvalhoc quellhip.

2 CORINTIOS 13:11

Quellhip elyalhinga. Sas sat apnaycam, colpayjiclha apquilvalhoc quellhip. Ellaniclha sat aclhamoclhojo asoc nipyesicsa. Eltamilquisquim sat apquilvalhoc poc nipyesicsa quellhip. Elinlhanmojo sat apquilyiplovquiscama. Eltamilsojo sat mataa apquilvalhoc. Epasmoc sat quellhip Dios aptomja singasicjayo najan acyitna actamilaycam apvalhoc.

2 CORINTIOS 13:9

Inpayjeclhec nincoo ingvalhoc ningiltomja mepqui ningmovan, naysicsa ningvitay apquilmopvan quellhip. Eycaso actomja ningilmalhnesquiscama quellhip. Ningiltamjoc yoyam ellaniclhac quellhip aclhamoclhojo asoc.

2 CORINTIOS 3:8

Actamila anco amyaa ayinyema Espíritu Santo malha acyiviy ayapongmatem, am colhno ayapongmatem acyiplomo nic nat singanamaclha Moisés.

2 CORINTIOS 4:1

Pac ongilinlhanmojo mocjam actemaclha ningiltamjaycam. Ayinyemaclha Dios aptomja singilasinaycam ayinyema singimlaycmo.

2 CORINTIOS 5:18

Eycaso ayinyema aptimesquiscama Dios aptomja singasicjayclho mocjam ayinyema Cristo. Ingilasinaquic nincoo Dios, yoyam ongilpayecsic as amyaa actemaclha singasicjayclho mocjam.

2 CORINTIOS 6:3

Ningiltamilsalhcoc mataa inganco nincoo yoyam colhenalhqueje acmasom actemaclha ningiltamjaycam.

2 CORINTIOS 7:1

Quellhip elyalhinga. Eycaso actemaclha aplhanma ilhnic nat Dios actomja nasoc anco. Nincoo ilhnic nat ingillhenac. Incaymalhquic ongilvatsamcoc actemaclha actomja acpaysimquiscama ningyovoclhojo nincoo najan acpaysimquiscama ingvalhoc ingac. Incaymalhquic nincoo ongiltamilsalhcojo inganco napato Dios.

EFESIOS 1:23

Aplhamoclhojo apmolhama apquiltomja malha apyovoclhojo Cristo. Apquillhocac mataa apmolhama cotlaycaoc asoc, inyeycajangvocmoc asoc apancaoc. Epenacsojoc sat Cristo aclhamoclhojo asoc.

EFESIOS 4:16

Apquiltimec mataa apquilpasmeyquiclha Jesucristo apmolhama malha alyiptetaclha apyovoclhojo ayinyema mataa Cristo aptomja apquimja apmamyi. Apquiltamjam mataa moclhama apmolhama ayinyema apquillhoy apquilmopvan ayinyema Cristo. Inyangvocmec melyasquiyam aplhamoclhojo. Malha acváneycaoc intomjac melyasquiyam naysicsa apquilyiplovquiscama actemaclha ningasicjayo.

EFESIOS 4:29

Noelpametam nasa acmasom apquilpayvam. Elpametam mataa actamila apquilpayvam yoyam comoc apquilvalhoc apquiltomja apquillingay.

EFESIOS 4:4

Quellhip apquiltomja malha lhama apyovoclhojo najan apvamlha lhama Espíritu apanco Dios apna apquilvalhoc najan acvamlha lhama actemaclha aljalhneycam apquilvalhoc ayinyema Dios aptomja apquevoycam quellhip.

COLOSENSES 1:24

Inpayjeclhec evalhoc siclingamco acmasca acyanmongam quellhip. Incaymalhquic alhta elngamcojo mocjam acmasca Cristo acyanmongam apmolhama. Coo eyca pac osavojo siclingaycamco acmasca acyanmongam Jesucristo apmolhama. Malha Cristo apyovoclhojo apanco apquiltomja apmolhama.

COLOSENSES 1:28

Ninlingasquic nincoo apvisay Cristo. Ningiltimnasquic mataa nincoo moclhama enlhit najan ningilyascasingvocmec mataa, yoyam elsavojoc apquilyasingvoyam ayinyema apquilpasmeyquiclha Cristo.

COLOSENSES 4:17

Eltime sat elanic ingyalhing Arquipo: “Iyiplovquis sat actemaclha aptamjaycam ayinyema Visqui ingac yoyam esavojo” —sat eltime elanic.

1 TIMOTEO 1:12

Gracias actomjac coo Jesucristo Visqui ingac aptomja seyimnatescama. Eponquinquic alhta otnejic apquilancam.

2 TIMOTEO 4:11

Apvamlha ingyalhing Lucas apnac aso sicnaclha. Itne sat lhip aplhalhma ingyalhing Marcos. Iyantamenta sat aso. Apvanquic mataa jepasmoc naysicsa sictamjaycam.

2 TIMOTEO 4:5

Itne sat lhip mataa apyascamco, mepqui acyeyjamelhma. Ilinmalhacpojo sat lhip acmasca. Ilinlhanmojo sat aptamjaycam aptimem lhip soycam amyaa yoyam elngacsic tasic amyaa.

HEBREOS 13:17

Elilyejiclhojo sat quellhip apquilanem apquilimja apmamyi. Ayinyemaclha apquilimja apmamyi apquiltomja apquiltamilquiscama apquilvalhoc quellhip. Elanic sat Dios yoyam elatingmojo apquilimja apmamyi apquilmalhneclho sat Dios. Elyiplovcasojo sat mataa quellhip yoyam colpayjiclhac mataa apquilvalhoc apquilimja apmamyi. Noelyimtalhnes nasa apquilvalhoc apquilimja apmamyi, elsilhnanacpoc sat apanco quellhip.

HEBREOS 6:1

Ningiltamjoc quilhvo mongillhicmocsejec mocjam asoc ayilhyevay ayinyema singillhicmoscama Cristo. Ningiltamjoc yoyam coyangvomoc ningilyasingvoyam singillhicmoscama Cristo. Am ongiltamjoc ongillhenic mocjam amyaa siclhoc anco acvisay ningyanmonquiscama ingvalhoc najan actemaclha ningillhacjam nintemaclha nano najan actemaclha mongyasquiyam Dios Ingyapam.