EFESIOS 4:11 - Enhlit Bible

¹¹ Apquilmasquic alhta apquilmopvan Jesucristo apmolhama. Apquilasinaquic alhta napocja yoyam eltimjic apóstoles apquilapajasomap. Napocja alhta yoyam eltimjic apquillingascama amyaa ayinyema Dios. Napocja alhta yoyam eltimjic soycam amyaa. Napocja alhta yoyam eltimjic apquilimja apmamyi. Napocja alhta yoyam eltimjic apquillhicmoscama.

EFESIOS 4:11 Iomraidhean Croise

2 CRÓNICAS 15:3

Aclhamoclhojo años alhta mepqui Dios Visqui apancaoc enlhitaoc Israel, najan mepqui sacerdotes najan mepqui apquillhicmoscama sacerdotes.

JEREMÍAS 3:15

Olyacyecsic sat apquilviscaa sicyisponcama coo, eltimjic sat apquilviscaa nipyesicsa quellhip apquiltomja apquilyascamco najan apquilyicpilquemo.

SAN MATEO 28:20

Ellhicmos sat enlhitaoc, yoyam elyiplovcasojo aclhamoclhojo asoc silanya eltimjic quellhip. Quip elanojo, molyinyovejec sat mataa quellhip acvocmo actamongvomlha nelha acnim as nalhpop —alhta aptomjac Jesús. Amén.

LOS HECHOS 13:1

Nipyesicsa Jesucristo apmolhama tingma Antioquía apnaycam profetas Dios apquillingascama najan singillhicmoscama. Apnec alhta Bernabé najan Simón (moc apvisay Negro) najan Lucio co Cirene najan Manaén (apquictingaycamco lhama Herodes yatapvisqui yoclhilhma Galilea) najan Saulo.

LOS HECHOS 20:28

Eltamilsacpojo apanco quellhip. Eltamilquis sat najan apquilanacpo Jesucristo apmolhama, malha quilancam nipquesic apquiltamilquiscama apnatoscama. Quellhip apquiltomja apquilimja apmamyi ayinyema Espíritu Santo yoyam eltamilsic Jesucristo apmolhama. Apyanmoncasquic alhta em pac Jesús apmolhama.

LOS HECHOS 21:8

Moc acnim alhta intomjac ningilquimpaclho mocjam. Ningilvoclhoc alhta tingma Cesarea. Ningmiyaclhec alhta Felipe tingma pac aptomja soycam amyaa. Apvisay diácono, ningiltimem apquilancam. Siete alhta apquilyacyesomap diáconos. Ninnacmec alhta tingma pac.

ROMANOS 12:7

Ningillhocac sat ancoc ningmovan yoyam ongiltimjic ningilancam, incaymalhquic ongilyiplovsic actemaclha nintamjaycam actamila. Ningillhocac sat ancoc ningmovan yoyam ongillhicmocsic ingnaymacoc, incaymalhquic ongilyiplovsic actemaclha ningillhicmoscama.

1 CORINTIOS 12:4

Ingvanquic ongillhovac moclhama actemaclha singaycaoc ayinyema Espíritu apanco Dios. Apvamlha eyca lhama Espíritu apanco Dios aptomja singmescama.

EFESIOS 2:20

Quellhip apquiltomja malha tingma apquillanomap, apninquinaycaoc netin tingma apvojac apquillanay alhta apóstoles najan profetas Dios apquillingascama. Jesucristo eyca aptomja malha mataymong acyiviy tajescamaclha tingma apvojac.

EFESIOS 3:5

Am nic nat elyascacmoc enlhitaoc asoc acyilhomalhca. Quilhvo eyca apquillhicmosquic Dios asoc acyilhomalhca nipyesicsa apóstoles najan profetas Dios apquillingascama ayinyema Espíritu apanco.

EFESIOS 4:8

Eycaso aclhanma ilhnic nat Dios appayvam actalhesomalhca: Apmiyaclhec alhta netin. Apnalaclhec alhta enlhitaoc apquilmomap. Apquilmasquic alhta apquilmopvan ayinyema apcaycaoc Cristo —nic nat intomjac Dios appayvam.

2 TIMOTEO 4:5

Itne sat lhip mataa apyascamco, mepqui acyeyjamelhma. Ilinmalhacpojo sat lhip acmasca. Ilinlhanmojo sat aptamjaycam aptimem lhip soycam amyaa yoyam elngacsic tasic amyaa.

HEBREOS 5:12

Incaymalhquic elapvanic eltimjic quellhip apquillhicmoscama nipyesicsa poc enlhitaoc. Am eyca colapvancaac mocjam. Incaymalhquic elyasingvomoc siclho asoc alyilhyevay ayinyema singillhicmoscama Dios. Quellhip apquiltomja malha sicaa yoyam eltovamcoc neme. Colapvanquejec quellhip eltovamcoc mocjam nintom acyimnatem.

SAN JUDAS 1:17

Quellhip elyalhinga. Jesucristo Visqui ingac aptomja apquilapajascama apóstoles. Collhen apquilvalhoc quellhip actemaclha apquillhanma apóstoles siclhoc anco.

EL APOCALIPSIS 18:20

Elitsovacsojo sat quellhip apnaycam netin apquilvita aptovasomap tingma. Elitsovacsojo sat quellhip Dios apquilyacyescama najan quellhip apóstoles apquilapajasomap najan quellhip profetas Dios apquillingascama. Ayinyemaclha apyanmongsaclhec Dios apquiltemaclha enlhitaoc as tingma, acno actemaclha aclhanma apquilvalhoc quellhip —alhta aptomjac ángel apyimtalhnamo.

EL APOCALIPSIS 21:14

Yitnec alhta acjalhtamomalhca avjac, doce alhta mataymong alyiviy. Yitnec alhta acnatalhesomalhca mataymong alyiviy apquilvisay doce apóstoles apquiltomja Nipquesic Apquitcoc apquiltamsoycaoc.