EFESIOS 3:21 - Enhlit Bible

²¹ Eltime sat apquilayo Dios aplhamoclhojo Jesucristo apmolhama apquilpasmeyquiclha Cristo Jesús. Eltime sat apquilayo mataa aplhamoclhojo piyam najan cotmongvoycamlha nelha. Amén.

EFESIOS 3:21 Iomraidhean Croise

1 CRÓNICAS 29:11

¡Lhip nac apyimtalhnamo, najan apmopvan, najan mayayo, najan apyimnatem apanco Visqui ingac! Lhip apanco aclhamoclhojo asoc netin najan as nalhpop. Lhip apanco apcanamaclha lhalhma anco, aptomja apyimtalhnamo apanco, am elhno poc.

SALMOS 115:1

Visqui ingac. Jave nincoo yoyam colhic singaco. Colhic sat ayaco lhip apvisay.

SALMOS 72:19

Innec ayaco apvisay apanco cotmongvoycamlha nelha. Najan maa gloria apyimtalhnamo. Naso. Naso.

ISAÍAS 42:12

Eltime sat selayo sicvisay Dios. Eltime sat selayo nipyesicsa enlhitaoc apnaycam nicja yingmin acvanyam.

ISAÍAS 6:3

Apquiltomjac alhta apquilpayvam: Aptamila apanco, aptamila apanco, aptamila apanco Visqui ingac apyimtalhnamo. Innec ayaco gloria pac lhalhma anco as nalhpop — alhta apquiltomjac.

SAN MATEO 6:13

Nongyane nasa ongilyejiclhojo singyipconma. Jingmiyov nincoo naysicsa acvoya somquic quilyicjamo. [Apvamlha pac lhip aptomja Apvisqui najan acma apmopvan najan mayayo cotmongvoycamlha nelha. Amén.]

SAN LUCAS 2:14

Gloria apcapongmatem Dios apna netin. Coltamilsojoc apquilvalhoc enlhit apquilasicjayo Dios Ingyapam —alhta apquiltomjac.

ROMANOS 11:36

Aclhamoclhojo asoc alinyema Dios. Aclhamoclhojo asoc apquillanay nic nat Dios. Aclhamoclhojo asoc altomja apancaoc Dios yoyam emiclhac mocjam. Innec mataa ayaco Dios cotmongvoycamlha nelha. Amén.

ROMANOS 16:27

Dios aptomja apvamlha pac lhama apyascamco. Altamjoc yoyam colhic ayaco mataa Dios ayinyema Jesucristo cotmongvoycamlha nelha. Amén.

GALATAS 1:5

Ningiltomjac ningilayo gloria aptemaclha apyimtalhnamo Dios cotmongvoycamlha nelha. Amén.

EFESIOS 1:6

Pac ontimjic mataa ningayo Dios ayinyema singaycaoc altamila. Aptomja singmescama nasa Apquitca aptomja apcasicjayo.

EFESIOS 2:7

Ayinyemaclha apquiltamjoc Dios cotmongvoycamlha nelha elhicmocsic actemaclha singasicjayo najan actemaclha singamliyam ayinyema Cristo Jesús. Acyiviy anco singasicjayo, malha acyeycajangvaycmo.

EFESIOS 4:1

Acnec coo singilpilhtetomaclha, malha sicmomalhca ayinyema Visqui ingac. Altamjoc coo yoyam eltamilsacpojo apanco quellhip apquiltomja Dios apquilyacyescama malha Dios apquevoycam.

FILIPENSES 1:11

Coyit apquilvalhoc actemaclha actamila ayinyema Jesucristo. Sat cotnejic malha acyilhna acnaclhamalhca. Colhic sat mataa ayaco Dios Ingyapam.

FILIPENSES 2:11

Ellhenic sat aplhamoclhojo: Jesucristo aptomja Visqui ingac, colhic ayaco Dios Ingyapam netin.

FILIPENSES 4:20

Sas, tasic anco. Innec ayaco mataa Dios Ingyapam cotmongvoycamlha nelha. Amén.

2 TIMOTEO 4:18

Jevomsic sat mocjam tap naysicsa ayasomquilha. Jemyoc sat yoyam jelhnesic apquilnancascama netin. Colhic sat mataa ayaco Visqui ingac cotmongvoycamlha nelha. Amén.

HEBREOS 13:21

Ningiltamjoc nincoo Dios eltimesquisic apquilpeyvomo quellhip yoyam elvajanamcoc quellhip actemaclha apmayjayoclha Dios. Jingilanecsic sat ingilvalhoc Dios ayinyema Jesucristo yoyam eyispac nintemaclha. Colhic sat mataa ayaco Cristo cotmongvoycamlha nelha. Amén.

1 SAN PEDRO 2:5

Ellhojo sat quellhip yatipjaymacaoc melmasquingvoyam. Dios sat ellanac malha tingma apponquinomap. Eltimjic sat quellhip Dios apquilancam. Eltimjic sat apquilpasmeyquiclha Jesucristo, malha apquilmescama quellhip asoc macmescama Dios, actemaclha apyisponcama.

1 SAN PEDRO 5:11

Yitnec apmopvan Dios najan apyimtalhnamo cotmongvoycamlha nelha. Amén.

2 SAN PEDRO 3:18

Elyasingvom sat mocjam actemaclha singasicjayo Jesucristo Visqui ingac aptomja singvomquiscama tap. Pac ongiltimjic ningilayo Visqui ingac quilhvo nac jay acvocmo actamongvomlha nelha acnim. Amén.