EFESIOS 3:18 - Enhlit Bible

¹⁸ Sat elyasingvomoc quellhip najan aplhamoclhojo Jesucristo apmolhama actemaclha singasicjayo Cristo: Acvamlha acvinatem apcasicjayo. Najan acvamlha acpayjem apcasicjayo. Najan acvamlha nitno apcasicjayo. Najan acvamlha congno apcasicjayo.

EFESIOS 3:18 Iomraidhean Croise

2 CRÓNICAS 6:41

Lhip Dios Visqui ajac, itamilquis sat yamit aysicsic acyitnama appayvam. Ilhnata as tingma apvisay apmaclha lhip, aplovquiscamalha apyampay. Lhip Dios Visqui ingac, ingyane sat sacerdotes eltimjic singvomquiscama tap (jingilmeyvoc nincoo). ¡Colpayjiclha apquilvalhoc Dios apquilyacyescama!

SALMOS 103:17

Comasquejec sat mataa actemaclha singilasicjayo ningiltomja ningilayo Visqui ingac. Comasquejec sat mataa aptemaclha acpeyvomo nintamin sat cotmongvoycamlha nelha.

SALMOS 116:15

Apyovsec apquilano Visqui ingac apvita apquitsepma enlhit appeyvomo. Ayinyemaclha aptomja apcasicjayo.

SALMOS 132:9

Ingyane sat lhip apquilancam eltimjic apquilpeyvomo, malha apquilantalhnayclha apava apquiltamila. Ingyane sat elitsovacsojo lhip apquilyacyescama.

SALMOS 139:6

Pilapcasquic sicvita aptemaclha lhip apyascamco. Paj coo ovanac oyasingvomoc aptemaclha lhip apyascamco.

SALMOS 145:10

Visqui ingac, innec ayaco lhip ayinyema asoc apquilantipquiscama lhip. Innec ayaco lhip ayinyema lhip apquilyacyescama.

ISAÍAS 55:9

Netin anco sicmaclha coo, coning eyca apquileyvomaclha quellhip. Netin anco actomja aclheneycam evalhoc, coning eyca allheneycam apquilvalhoc quellhip.

ZACARÍAS 14:5

Elinyajamcoc sat quellhip, acno apquinyajaycoc nic nat apquilyeyjamcaa quellhip. Ayinyema ilhnic nat acyovjeycam lhopactic (nalhpop) naysicsa aptimem apvisqui Uzías yoclhilhma Judá. Evotac sat Visqui ingac, apquillhalhmaa sat appintalhnama enlhit netin.

SAN JUAN 15:13

Apyinyovquic sat ancoc enlhit acyimnatem apnenyic acyanmongam apnaymacoc, eycaso actomja acyiviy anco apcasicjayo.

ROMANOS 10:3

Am elyasamcoc actemaclha yoyam eltimjic apquilpeyvomo napato Dios. Apquililtamjoc eltimjic apquilpeyvomo ayinyema apquiltemaclha apancaoc. Am colyacmoc eltimjic apquilpeyvomo ayinyema Dios.

2 CORINTIOS 13:13

Inquillhenquic apquilvalhoc quellhip aplhamoclhojo ingilyalhinga.

GALATAS 2:20

Malha siyitsepma lhama alhta Cristo asoc timyescama. Inmasquec actemaclha evalhoc nano. Cristo apnac evalhoc quilhvo. Yitnec coo acyimnatem enquenyic ayinyema moyasquiyam Dios Apquitca. Ayinyemaclha eyasicjavoc Dios Apquitca, apyinyovsomacpo apanco seyanmongam coo.

GALATAS 3:13

Apyinyovquic acyanmongam Cristo aptomja singilvayclha. Mongnatovasalhquejec sat ayinyema singanamaclha. Ayinyemaclha aptovasacpec alhta Cristo nincoo singyanmongam. Ayinyemaclha intomjac nic nat Dios appayvam actalhesomalhca: “Etvacsic sat Dios moclhama enlhit apyipitsomap netin yamit” —nic nat intomjac.

EFESIOS 1:10

Invaac sat ancoc acnim, comoc sat aplhanmaclha Dios. Etnesquisic sat Apvisqui Cristo yoyam etnejic malha apquimja apmamyi asoc acnaycaoc netin najan asoc acnaycaoc nalhpop.

EFESIOS 1:15

Aclingac coo actemaclha melyasquiyam quellhip Visqui ingac Jesús. Najan actemaclha apquilasicjayo quellhip aplhamoclhojo apquiltomja Dios apquilyacyescama.

EFESIOS 3:19

Mongvanquejec onsavojo ongilyasamcojo acvamlha singasicjayo Cristo. Apvanquic Dios elanesamcojo apquilvalhoc quellhip aptemaclha apanco.

COLOSENSES 1:4

Ninlingac nincoo amyaa actemaclha melyasquiyam quellhip Jesucristo. Najan actemaclha apquilasicjayo quellhip aplhamoclhojo Dios apquilyacyescama.

1 TIMOTEO 3:16

Nasoc anco acyiviy actomja acyilhomalhca actemaclha mongyasquiyam: Apvaac nat Jesucristo aptomja enlhit apanco. Innec nat actimesa appeyvomo ayinyema Espíritu apanco Dios. Apquilvitac nat ángeles Dios apquilasinancama. Inlingasalhquic nat apvisay nipyesicsa enlhitaoc lhalhma anco. Am nat elyascacmoc enlhitaoc as nalhpop. Innec nat acmiyasiclho netin yoyam colhic ayaco ayinyema Dios.

EL APOCALIPSIS 3:21

Apquilinlhanacmec sat ancoc enlhit apyiplovquiscama, olhnesic sat sicnaclha. Jelhojoc sat lhama sicmaclha netin sictajanem actomja Visqui aptajanem. Acno alhta coo lha silinlhanyacmo naysicsa sicyiplovquiscama. Acnacmec alhta lhama coo Tata apmaclha netin aptajanem actomja Visqui aptajanem.