EFESIOS 2:5 - Enhlit Bible

⁵ Ingilmasquic alhta acyimnatem ingnenyaoc ayinyema ningilpasmeyquiclha Cristo. Ayinyemaclha malha ningilitsepma alhta nincoo napato Dios ayinyema mongilyascalhma. Nasoc anco, apquilvomsomap tap quellhip ayinyema apcasicjayo Dios.

EFESIOS 2:5 Iomraidhean Croise

SAN LUCAS 15:24

Apquitsepmec alhta sictamongvoyam, apyimnavocmec mocjam. Aplhinganacmec alhta, ningvitaclhec mocjam” —nic nat aptomjac apyap. Yejemoc nic nat apquiltamjacpo caya.

SAN JUAN 5:21

Apnalhaticjascacmec coo Tata enlhit apquilmasquingvaycmo. Apquilyimnatescasquic apnenyaoc. Acno coo lha, evanquic olyimnaticsic apnenyaoc enlhitaoc siltamjoclha olmesic.

SAN JUAN 6:63

Ningvanmoncama eyca ayinyema acyimnatem ingnenyic. Am conyemac ningyovoclhojo acyimnatem ingnenyic. Altimnasquic lhac quellhip sicpayvam. Eyca as sicpayvam actomja nasoc anco ayinyema Espíritu Santo aptomja apyimnatescama ingnenyic.

LOS HECHOS 15:11

Montimjic nincoo. Mongilyascacmoc ningiltomja ningilvomsomalhca tap ayinyema singmescama Visqui ingac. Ningnoc nincoo lha metnaja judíos —alhta aptomjac Pedro.

ROMANOS 16:20

Dios aptomja singmescama actamilaycam ingvalhoc. Quilhvoc sat eltamam Dios yavey Satanás acna nipyesicsa quellhip. Altamjoc coo yoyam epasmoc quellhip Jesucristo Visqui ingac.

ROMANOS 3:24

Eyca Dios aptomja singiltimesquiscama ningilpeyvomo, actomja singaycaoc actemaclha singmescama nasa. Ayinyemaclha ingilvomcasquic tap ayinyema Cristo Jesús.

ROMANOS 4:16

Nasoc anco as amyaa: Inlhenalhquic actemaclha mongyasquiyam najan actemaclha singamliyam ayinyema Dios. Eycaso aplhanma ilhnic nat Dios actomja nasoc anco yoyam elmesic aplhamoclhojo aptovana niptamin Abraham. Jave apquilvamlha yoyam ellhovac apquiltomja apquilyiplovquiscama singanamaclha. Eyca yoyam ellhovac aplhamoclhojo apquiltomja melyasquiyam, acno ilhnic nat actemaclha meyasquiyam Abraham. Eycaso ayinyema ningiltimem ingilyap Abraham.

ROMANOS 5:10

Nincoo ningiltomja siclhoc anco ningilinmelhaycam Dios, malha metnaja apnaymacoc napato Dios. Ingilasicjaclhec alhta Dios naysicsa nintemaclha inganco ayinyema apmatnam Apquitca singyanmongam. Quilhvo eyca acyitna actamilaycam ingilvalhoc napato Dios aptomja singasicjayclho mocjam. Nasoc anco jingilmeyvoc sat yoyam ongileyoc sat lhama Cristo.

ROMANOS 5:6

Invocmec alhta acnim yoyam jingilvomsic tap nincoo Dios. Apquitsepquic alhta Cristo singyanmongam ningiltomja mongilyascalhma. Ayinyemaclha mongvanquejec alhta ongilmiyovalhcojo inganco.

ROMANOS 5:8

Ingillhicmosquic alhta Dios actemaclha singasicjayo. Apyinyovquic alhta Apquitca apvisay Cristo yoyam ematong singyanmongam naysicsa ningyiplovquiscama alhta mongilyascalhma.

ROMANOS 8:2

Actemaclha ayinyema Espíritu apanco Dios actomja acyimnatescama ingnenyaoc, ayinyema ninpasmeyquiclha Cristo Jesús. Eycaso actomja singilvomquiscama tap naysicsa ningyiplovquiscama actemaclha mongilyascalhma najan actemaclha ningitsepmaclha.

2 CORINTIOS 13:14

Altamjoc yoyam ellhovac quellhip apcaycaoc ayinyema Jesucristo Visqui ingac. Yoyam ellhovac singasicjayo ayinyema Dios najan yoyam epasmoc sat Espíritu Santo. Amén.

EFESIOS 2:1

Collhen apquilvalhoc apquiltemaclha alhta nano quellhip. Apquilyiplovcasquic alhta quellhip apquiltemaclha almasomcaa najan melyascalhma. Malha apquilitsepma alhta quellhip napato Dios.

EFESIOS 2:8

Lhama mocjam siclhanma: Apquilvomsomap tap quellhip ayinyema apcasicjayo Dios, ayinyema najan melyasquiyam quellhip. Jave apquiltimem apanco quellhip, eyca actomja singmescama Dios.

EFESIOS 5:14

Eycaso actomja aclhanmaclha: Ilhaticja sat lhip aptomja aptiyanma. Ilhaticja sat nipyesicsa apquilmasquingvaycmo. Etac sat lhip ayitsayolhma ayinyema Cristo —nic nat intomjac.

COLOSENSES 2:13

Quellhip apquiltomja nano malha apquilitsepma napato Dios, ayinyema melyascalhma quellhip najan actemaclha mepqui aclhanma apquilvalhoc Dios. Am alhta coyitnac quellhip asoc monquinatquiscama apyimpeoc. Quilhvo eyca apmasquic Dios acyimnatem apnenyaoc quellhip ayinyema apquilpasmeyquiclha Cristo. Apmascosquic aclhamoclhojo melyascalhma quellhip.

TITO 2:11

Ingillhicmosquic Dios aptemaclha singasicjayo yoyam elvomsacpoc tap aplhamoclhojo enlhitaoc lhalhma anco. Eycaso actomja ayimja amamyi yoyam ongilyiplovcasojo.

TITO 3:5

Am nat ongiltamilcasalhcac inganco. Eyca ingilvomcasquic alhta tap ayinyema singamliyam Dios. Najan ayinyema singyapasquisaycaoc acvisay malha nintiyam alhnancoc. Najan ayinyema Espíritu Santo singiltimesquiscama ingjalhnancaoc.

EL APOCALIPSIS 22:21

Altamjoc coo yoyam epasmoc quellhip aplhamoclhojo Jesucristo Visqui ingac. Amén.