EFESIOS 2:4 - Enhlit Bible

⁴ Avanjec anco alhta singimlayquiclho Dios. Avanjec anco alhta singasicjayo Dios.

EFESIOS 2:4 Iomraidhean Croise

NEHEMÍAS 9:17

Am nic nat colyacmoc elilyejiclhojo, am nic nat colhenam apquilvalhoc lhip aptamjaycam simpilapquiscama. Cayjec nic nat apquilvalhoc, apquilyacyesa apvisqui apancaoc aptimesquiscama acyimtalhnama, yoyam colhic actajesa enlhitaoc mocjam yoclhilhma Egipto. Am nic nat eyinyavac lhip as ningilyeyjamcaa, ayinyema lhip aptomja Dios apcasicjayquiclha mocjam, aptomja apcamliyam, aptomja apcasicjayo mataa.,

SALMOS 145:8

Visqui ingac aptomja singasicjayo najan singimlaycmo. Avanjec anco singasicjayo, mepqui appecjescama yoyam elvoc.

SALMOS 51:1

Dios Visqui ajac, jeyasicjiclhojo sat mocjam. Lhip aptomja singilasicjayo. Imascos sat sicsilhnanomalhca ajanco, lhip aptomja singasicjayclho.

SALMOS 86:15

Lhip eyca Visqui ajac. Aptomja seyasicjayo najan seyimlaycmo. Actamila anco apvalhoc lhip najan aplhanma mepqui apyeycajascaoc.

SALMOS 86:5

Aptasi nac lhip Visqui ingac. Aptomjac singasicjayclha mocjam. Avanjec lhip apquilasicjayo. Apvita inlhojo apquilmalhnancama enlhit.

ÉXODO 33:19

Apcatingmavoc nic nat Dios: —Gloria siyapongmatem ajanco coyeycajac sat napato lhip. Olngacsic sat sicvisay ajanco Dios. Ongvimlimojoc sat acvamlha aclhanma evalhoc coo. Ongvasicjojoc sat acvamlha aclhanma evalhoc coo.

ISAÍAS 63:7

Olngacsic sat aptemaclha singasicjayo Dios Apyimtalhnamo. Omnaycmacsic sat, yoyam colhic ayaco singiltimesquiscama actamila anco. Najan aptemaclha apcamliyam Dios apquilmolhama Israel. Ayinyema apcasicjayo najan apcapeycam apquilmolhama.

JEREMÍAS 31:3

Ayinyictac coo mocjay — alhta aptomjac. Ayasicjavoc mataa quellhip cotningvoyam nelha, mepqui silvatescama aclhamoclhojo acnim.

DANIEL 9:9

Lhip Dios aptomja singasicjayclha mocjam najan singmasma, apvita inlhojo nintemaclha ningilinmelhaycam lhip.

JONÁS 4:2

Aptomjac nic nat Jonás apcanya Dios, apquilmalhna: —Lhip Dios Apyimtalhnamo, ingyeylhojo sicpayvam. Eycaso siclhanma siclhoc alhta siyinyemayaclha coo. Inlhenquic alhta evalhoc ongvinyejic sat tingma Tarsis. Acyasamcoc coo, lhip aptemaclha apcasicjayquiclho mocjam, aptemaclha apquimlaycmo, aptemaclha acmasilhte aplom pac. Aptemaclha lhip appayquimquiscama apvalhoc, acvaa inlhojo amyaa apyanmongsayclha lhip apquiltemaclha apancaoc enlhitaoc.

SAN LUCAS 1:78

Dios Ingyapam ayinyema acliclamo apvalhoc. Acvaa ningyesicsa ayitsayolhma ayinyema netin.

ROMANOS 10:12

Collhenalhqueje apquilvisay judíos najan apquilvisay enlhit lhalhma anco, apquilanomacpo apno poc. Ningilanalhco ningiltomja lhama Visqui ingac. Cotlaycaoc asoc acyitna Visqui ingac yoyam jingilmesic ningiltomja ningilmalhnaycam.

ROMANOS 2:4

¿Aptomja ya lhquip apvinéycam Dios aptomja singasicjayo najan aptomja singiljalhanma? ¿Apyasamco ya lhquip aptemaclha Dios? Apquiltamjoc Dios yoyam eyanmongsic apvalhoc lhip ayinyema singasicjayo.

ROMANOS 5:8

Ingillhicmosquic alhta Dios actemaclha singasicjayo. Apyinyovquic alhta Apquitca apvisay Cristo yoyam ematong singyanmongam naysicsa ningyiplovquiscama alhta mongilyascalhma.

ROMANOS 9:23

Apquiltamjoc Dios yoyam cotalhca gloria aptemaclha apyimtalhnamo ningyesicsa nincoo naysicsa singimlaycmo. Aptomja singilanesquiscama Dios yoyam ongilpasmoc sat gloria aptemaclha apyimtalhnamo yoyam covac sat.

EFESIOS 1:7

Avanjec anco singasicjayo Dios. Apyinyovquic Apquitca singyanmongam yoyam jingilvomsic tap. Apmascosquic mongilyascalhma ayinyema apquitsepma singilyanmongam.

EFESIOS 2:7

Ayinyemaclha apquiltamjoc Dios cotmongvoycamlha nelha elhicmocsic actemaclha singasicjayo najan actemaclha singamliyam ayinyema Cristo Jesús. Acyiviy anco singasicjayo, malha acyeycajangvaycmo.

EFESIOS 3:8

Coo sictomja moyimtalhnamo, am olhnoc coo enaymacoc Dios apquilyacyescama. Seyimlaycmo alhta Dios. Eyasinaquic alhta yoyam olngacsic nipyesicsa enlhitaoc lhalhma anco actemaclha cotlaycaoc singaycaoc cotmongvoyam nelha ayinyema Cristo.

2 TESALONICENSES 2:13

Quellhip ingilyalhinga apquiltomja apquilasicjamacpo ayinyema Visqui ingac. Ningilinlhanacmec mataa nincoo nintimem gracias Dios Ingyapam naysicsa ningilmalhnesquiscama quellhip. Ayinyemaclha Dios aptomja apquilyacyescama quellhip siclhoc anco apquilantipquiscama aclhamoclhojo asoc. Apquiltamjoc yoyam elvomsacpoc tap quellhip ayinyema Espíritu apanco Dios aptomja apponquinquiscama quellhip. Najan ayinyema actomja nasoc anco apquiltomja apquilyiplovquiscama quellhip.

1 TIMOTEO 1:14

Avanjec anco seyimlayquiclho Visqui ingac, malha mongmovan onsavojo. Emcasquic alhta actemaclha moyasquiyam najan actemaclha siyasicjayo ayinyema sicpasmeyquiclha Cristo Jesús.

2 TIMOTEO 1:9

Ingilvomcasquic nincoo tap Dios. Ingilasinaquic nincoo Dios, malha singevoycam. Eycaso ayinyema apmayjayoclha Dios. Am conyemac asoc actamila nincoo. Yitnec nic nat apmayjayoclha Dios actemaclha yoyam jingilasina, amamyi yoyam ellanac as nalhpop. Jesucristo aptomja apsovjomo apmayjayoclha Dios.

1 SAN PEDRO 1:3

Pac ongilavojoc sat mataa Dios Ingyapam najan Jesucristo Visqui ingac. Avanjec alhta singamliyam Dios. Ingiltimescasquic alhta ingjalhnancaoc singmescama ingvalhoc alhnancoc, ayinyema aplhaticjangvoycamlha Jesucristo nipyesicsa apquilmasquingvaycmo. Singmescama alhta aljalhneycam ingvalhoc alhnancoc.