EFESIOS 2:3 - Enhlit Bible

³ Ningilvajanamquic alhta nincoo lha nintemaclha inganco. Ningilyajaclhoc alhta mataa actemaclha ningmayjayoclha najan actemaclha ayitsepma ingnenyic. Covanquejec alhta jingyeycajac apyanmongsayclha Dios nintemaclha inganco. Ningno nincoo enlhitaoc lhalhma anco.

EFESIOS 2:3 Iomraidhean Croise

GÉNESIS 5:3

Invocmec nic nat 130 años aptiyascam Adán. Aptiyacmec nic nat apquitca apvisay Set. Innoc nic nat aptemaclha apyap.

GÉNESIS 6:5

Apvitac nic nat Dios Apyimtalhnamo apquiltemaclha apquilmapsomcaa enlhitaoc lhalhma anco. Inquilquitamquic nic nat mataa apquilvalhoc asoc almasomcaa.

GÉNESIS 8:21

Inticjancasquic nic nat Dios Apyimtalhnamo actemaclha acmasis. Intomjac nic nat apvalhoc Dios Apyimtalhnamo: —Motvacsejec sat mataa as nalhpop ayinyema apquilsilhnanomap apanco enlhitaoc. Asomcoc mataa alquitamsama apquilvalhoc enlhitaoc ayenmo aptemaclha apquitcoc. Motvacsejec sat mataa aclhamoclhojo asoc aleyvam lhalhma anco. Motniclhejec sat mocjam sictomjaclha alhta.

JOB 14:4

Mepqui ayalhnayo mataa apvalhoc enlhit, mepqui mataa aptemaclha appeyvomo.

JOB 25:4

¿Apvanqui ya enlhit apanco etningvomoc napato Dios, naysicsa aptemaclha apsilhnanomap apanco?

SALMOS 51:5

Naso, sicmasom coo ayenmo sictiyaycamlha. Sicmasom nac coo ayenmo motyaycamlha coo.

ISAÍAS 53:6

Ningillhinganyam innac ninlhamoclhojo, malha nipquesic apquillhinganyam. Ningilyasquic mataa ningilyasaclha inganco. Aplingamcoc acmasca Dios apquilancam ayinyema nincoo mongilyascalhma, malha appatimquiscama acyimtalhnama Dios.

SAN MARCOS 4:19

moc asoc eyca ayinyemaclha inquilvanatescacmoc amyaa: Asoc aclhanma apvalhoc lhalhma anco, najan acsilhnanoncama solyayem, najan ayitsepma apnenyic asoc acmasom. Coylhejec acyilhna apvalhoc enlhit.

SAN JUAN 1:13

Jave apquiltamongvoyam apanco. Jave appaliyam ayinyema enlhit. Jave najan enlhit ayinyema apquiltimesquiscama. Dios Ingyapam eyca apquiltimesquiscama apquitquic.

SAN JUAN 8:44

Innec quellhip apquilyap acvisay yavey diablo. Quellhip apquiltomja ayitquic. Apquililtamjoc mataa elvajanamcoc quellhip actemaclha ayitsepma inquenyic apquilyap. Siclhoc anco nic nat acvocmo quilhvo nac jay actomja ticyovam inyap. Am coyitnac mataa actimem nasoc anco. Jave nasoc anco actemaclha. Intimec mataa acmovan amyaa, ayinyemaclha yavey diablo acvisay acmovan amyaa inyap. Actemaclha anco acmovan amyaa.

LOS HECHOS 14:16

Apcavoc nic nat Dios Ingyapam, yoyam elvajanamcoc apquiltemaclha apancavo apquilanomacpo enlhitaoc lhalhma anco.

ROMANOS 1:24

Am alhta elyasalhma Dios apquiltemaclha as enlhitaoc. Apquilyiplovcasquic alhta actemaclha alitsepma apnenyaoc najan actemaclha apquilanatama. Apquiltovasquic alhta apquilyovoclhojo apancaoc.

ROMANOS 11:30

Quellhip apquiltemaclha nano melilyajayquiclho Dios. Quilhvo eyca apquilvita aptemaclha Dios apcamliyam, ayinyemaclha am elilyajaclhoc mataa judíos.

ROMANOS 13:14

Elyiplovquis sat aptemaclha Jesucristo. Elma sat apquilmaycam ayinyema Jesucristo Visqui ingac. Noelvajaniclhojo nasa quellhip actemaclha alitsepma apnenyaoc.

ROMANOS 2:14

Am elyasamcoc enlhitaoc lhalhma anco actemaclha singanamaclha. Apquiltimem apanco altamila, malha apquilyiplovquiscama singanamaclha.

ROMANOS 5:10

Nincoo ningiltomja siclhoc anco ningilinmelhaycam Dios, malha metnaja apnaymacoc napato Dios. Ingilasicjaclhec alhta Dios naysicsa nintemaclha inganco ayinyema apmatnam Apquitca singyanmongam. Quilhvo eyca acyitna actamilaycam ingilvalhoc napato Dios aptomja singasicjayclho mocjam. Nasoc anco jingilmeyvoc sat yoyam ongileyoc sat lhama Cristo.

ROMANOS 5:9

Quilhvo eyca innec sintimesa ningilpeyvomo napato Dios ayinyema apquitsepma Cristo singyanmongam nincoo. Ningyasamcoc nincoo yoyam ongilmiyovalhcac sat ayinyema Cristo, acvaa sat acnim apyanmongsayclha Dios apquiltemaclha enlhitaoc.

ROMANOS 6:12

Noelane nasa quellhip cotniclhac mocjam acmovan melyascalhma malha avisqui. Noelyiplovquis nasa apquilyovoclhojo quellhip. Noelyiplovquis nasa apquilvalhoc quellhip actemaclha ayitsepma apnenyaoc.

ROMANOS 7:18

Acyasamcoc coo, paj lhama sictemaclha ajanco actamila. Inlhenquic inyicje evalhoc yoyam oyiplovcasojo actemaclha actamila, am eyca oyiplovcasac mataa.

ROMANOS 9:22

Apquiltamjoc Dios yoyam cotalhca actemaclha apyanmongsayclha, yoyam najan cotalhca actemaclha apmopvan. Iyasamcojo sat lhip: Am epecjasac mataa Dios yoyam eyanmongsiclha apquiltemaclha apancaoc enlhit apquilmapsomcaa. Appenasoc nic nat Dios aclhanma apvalhoc yoyam eyanmongsiclha apquiltemaclha apancaoc, yoyam najan enatovasacpoc enlhitaoc.

1 CORINTIOS 4:7

¿Apne ya lhama aptamila melhno poc? ¿Yitne ya lhquip lhama asoc apanco cotnaja ayinyema Dios? Nasoc sat ancoc lhip actomja aplhoy ayinyema Dios. ¿Soctomja apyimtalhnesomacpo apanco lhip, malha cotnaja ayinyema Dios?

2 CORINTIOS 7:1

Quellhip elyalhinga. Eycaso actemaclha aplhanma ilhnic nat Dios actomja nasoc anco. Nincoo ilhnic nat ingillhenac. Incaymalhquic ongilvatsamcoc actemaclha actomja acpaysimquiscama ningyovoclhojo nincoo najan acpaysimquiscama ingvalhoc ingac. Incaymalhquic nincoo ongiltamilsalhcojo inganco napato Dios.

GALATAS 3:22

Yitnec Dios appayvam actalhesomalhca: Apquilyiplovcasquic aplhamoclhojo enlhitaoc actemaclha mongilyascalhma. Apquilyanmoncasquic sat ancoc apquilvalhoc enlhit, ellhovac sat apcaycaoc ayinyema aplhanma ilhnic nat Dios actomja nasoc anco yoyam elmesic ayinyema melyasquiyam Jesucristo.

EFESIOS 2:2

Apquilvajanamquic alhta quellhip apquiltemaclha enlhitaoc lhalhma anco. Apquilyajaclhoc alhta quellhip actemaclha somquic quilyicjamo. Acmovan innac somquic quilyicjamo actomja mocjam avisqui nipyesicsa enlhitaoc apquiltomja melilyajayquiclho Dios appayvam.

EFESIOS 4:22

Elvatsaoc sat quellhip apquiltemaclha nano, ayinyemaclha elnatovasacpoc sat apanco ayinyema ayitsepma apnenyaoc.

COLOSENSES 1:21

Najan apquiltemaclha alhta quellhip. Apquiltomja alhta malha cotnaja poc Dios, ayinyema alquitamsama apquilvalhoc almasomcaa najan ayinyema apquiltemaclha almasomcaa. Quilhvo eyca acyitna altamilaycam apquilvalhoc quellhip napato Dios ayinyema Cristo.

1 TESALONICENSES 4:13

Quellhip ingilyalhinga. Ningiltamjoc ongilyascasingvomoc quellhip apquiltemaclha apquilmasquingvaycmo alhta. Yoyam coyitnocjejec apquilvalhoc quellhip aptema nac poc enlhitaoc mepqui aljalhneycam apquilvalhoc.

1 TESALONICENSES 5:6

Am eliljalhnac Visqui ingac enlhitaoc lhalhma anco, malha apnatiyanma apquiltomjac. Mongvanquejec nincoo ongnateynic. Incaymalhquic ongilantiyapmojo najan ontimjic mepqui singilyeyjamelhma.

1 TIMOTEO 6:9

Apquiltamjoc sat ancoc enlhit eyeycajasacpojo apquilnatam, esilhnanacpoc sat. Malha acmam quiljanma actomja ayitsepma ingnenyic. Cotsapoc sat apnenyic aclhamoclhojo asoc almasomcaa. Apvajanamquic sat ancoc actemaclha ayitsepma apnenyic, elingamcoc sat acmasca, etvasacpoc sat.

TITO 3:3

Yitnec nat nincoo lha nintemaclha inganco, actemaclha mongilyascamco najan actemaclha mongilyajayquiclho Dios. Ningillhinganacmec nat ninlhamoclhojo. Ningyiplovcasquic nat actemaclha ayitsepma ingnenyaoc asoc almasomcaa. Najan actemaclha ningyasipquiscama ingmoc. Najan actemaclha ningiltanoncama ingnaymacoc najan actemaclha ningiltanovmalhca ningyesicsa.

1 SAN PEDRO 1:14

Elilyejiclhojo sat mataa Dios, malha apquitcoc apquilyajayquiclho apquilyap. Noncolitsip nasa apnenyaoc aclhamoclhojo nintemaclha nano, naysicsa melyascaoc Dios Ingyapam.

2 SAN PEDRO 2:14

Inquitsepquic mataa apnenyaoc apnaymacoc apquilano quilvanaa. Am coliclacmoc apquiltamongvaycmolhma. Apquilsilhnanaquic mataa poc yoyam elvajaniclhojo. Apquililtamjoc mataa ellhamasiclha solyayem apancaoc.

2 SAN PEDRO 2:18

Alhtoc mataa apquilyimtalhnesac apquilpayvam. Apquilvajanamquic mataa alitsepma apnenyaoc najan actemaclha apquiltamongvaycmolhma. Apquilsilhnanaquic mataa yoyam elvajaniclhojo quilhvo apquilyanmonquiscama apquilvalhoc.

1 SAN JUAN 2:16

Am conyemac mataa Dios apquiltemaclha enlhit lhalhma anco, eyca ayinyema as nalhpop. Acvisay: ayitsepma ingnenyic najan acmayjayo ingataoc najan nintemaclha ningajamalhco inganco. Eycaso apquiltemaclha enlhit lhalhma anco.

1 SAN JUAN 2:8

Nasoc anco, actalhoscasquic quellhip malha singanamaclha alhnancoc acyitna apvalhoc Jesucristo najan apquilvalhoc quellhip. Pa incomascoc yatescamalhma. Quilhvo eyca acvitalhco ayitsayolhma actomja nasoc anco.