EFESIOS 2:22 - Enhlit Bible

²² Quellhip najan lha apquiltomja malha macninquinaycaoc netin apquilpasmeyquiclha Cristo. Etnejic sat tingma apponquinomap yoyam elhic Dios ayinyema Espíritu apanco.

EFESIOS 2:22 Iomraidhean Croise

1 CORINTIOS 3:16

¿Am ya elyasamcoc quellhip apquiltomja malha tingma pac Dios? ¿Am ya elyasamcoc apna Espíritu apanco Dios apquilvalhoc quellhip?

1 CORINTIOS 3:9

Acvamlha nincoo ningiltomja ningiltamjaycamo lhama Dios. Quellhip apquiltomja malha Dios amyip apác yoyam ecniclhac appayvam apquilvalhoc. Quellhip apquiltomja malha tingma Dios apquillanay.

1 CORINTIOS 6:19

¿Am ya elyasamcoc quellhip apquilyovoclhojo aptomja Espíritu Santo tingma pac aptomja apponquinomap? Apnec apquilvalhoc quellhip Espíritu Santo Dios apmescama. Colapvanquejec quellhip ellanac apquiltamjoclha ellana.

2 CORINTIOS 6:16

Mongvanquejec najan tingma apponquinomap ongninquinic quilaycmasquiscama alyitsomalhca Dios. Nincoo ningiltomja malha Dios tingma pac apponquinomap. Dios aptomja apquilmilaneycaoc. Aptomjac nic nat Dios: Otnejic sat tingma ajac nipyesicsa enlhitaoc, otyisam sat nipyesicsa. Otnejic sat Dios Apvisqui apancaoc enlhitaoc. Otnejic sat sicmolhama aplhamoclhojo enlhitaoc.

EFESIOS 3:17

Almalhnescasquic coo mocjam yoyam elhic Cristo apquilvalhoc quellhip ayinyema melyasquiyam. Yoyam elyiplovcasojo actemaclha ningasicjayo actomja ayimja amamyi.

1 SAN JUAN 3:24

Ningyiplovcasquic sat ancoc singanamaclha Dios, ontimjic sat ninpasmeyquiclha Dios. Etnejic sat najan sinpasmeyquiclha nincoo. Monginatsejec sat actemaclha sinpasmeyquiclha Dios, ayinyemaclha ingilmasquic Espíritu apanco.

1 SAN JUAN 4:13

Ingmasquic nincoo Espíritu apanco Dios. Eycaso ayinyema monquinatquiscama aptomja sinpasmom Dios najan ningiltomja ninpasmeyquiclha Dios nincoo lha.

1 SAN JUAN 4:16

Ningilyasingvocmec nincoo najan mongilyascacmoc nincoo actemaclha singasicjayo Dios. Dios apvisay ningasicjayo. Ningilinlhanacmec sat ancoc ningasicjayo, ongilpasmoc sat mataa Dios, jingilpasmoc sat mataa nincoo lha Dios.