EFESIOS 2:2 - Enhlit Bible

² Apquilvajanamquic alhta quellhip apquiltemaclha enlhitaoc lhalhma anco. Apquilyajaclhoc alhta quellhip actemaclha somquic quilyicjamo. Acmovan innac somquic quilyicjamo actomja mocjam avisqui nipyesicsa enlhitaoc apquiltomja melilyajayquiclho Dios appayvam.

EFESIOS 2:2 Iomraidhean Croise

JOB 1:16

Naysicsa apquiltimnascama ilhnic nat amyaa, pilapcasquic nic nat apvaa poc apsoycam amyaa apnaclha Job. Aptomjac nic nat apcanya: —Tacja lhac inquilnapoc apquilancam nipquesic najan apyovoclhojo apnatoscama. Ayinyec lhac coo, oltimnasquitac as amyaa — nic nat aptomjac apquilancam.

JOB 1:19

Pilapcasquic lhac apquilhcajacmo yatapiyam apvanyam. Apyanincasquic lhac tingma apcanaclhilha lhip apquitquic. Apquilitsepquic lhac apyovoclhojo. Ayinyec lhac coo, oltimnasquitac as amyaa — nic nat aptomjac.

JOB 1:7

Aptomjac nic nat Dios apcanya singyipconma: —¿Co laa apquinyectamlha lhip? — nic nat aptomjac. Apcatingmavoc nic nat singyipconma: —Actiyasam ajanco nalhpop lhalhma anco — nic nat aptomjac.

JOB 31:7

Acyinyovquic sat ancoc amay acpeyvomo. Esilhnanaquic sat ancoc ejataoc, esilhnanaquic ancoc emeoc.

SALMOS 17:14

Visqui ingac. Jemyov coo napatavo enlhitaoc lhalhma anco. Ilane sat ellhamasiclha apquilnatam. Eltasomoc sat apquitquic. Elmiclhac sat aptovana.

ISAÍAS 30:1

Aptomjac nic nat Dios Apyimtalhnamo: Enlhit layi apquiltomja selinmelhaycam coo. Yitnec apquilpamejitsomap quellhip mepqui sicpasmom. Jave coo ayinyema alquitamsama apquilvalhoc quellhip. Inyangvocmec mataa apquilsilhnanomap apanco quellhip.

ISAÍAS 57:4

¿Naso ya selasmescama quellhip? ¿Naso ya sevenéycam quellhip? ¿Apquiltipcasqui ya apalhcaoc quellhip? Apquilmopvancaa amyaa nac quellhip najan melyascalhma.

JEREMÍAS 23:10

Avanjec apquilmapsomcaa enlhitaoc lhalhma anco, apquilvisay apquilyamasma. Avanjec apquiltemaclha apancaoc mepqui apquilpeyvomo. Aptovasquic Visqui ingac ningaoclha nincoo, inyamamquic ayimjaclha paat, malha actomja acmeta — alhta aptomjac.

OSEAS 10:9

Aptomjac alhta Dios Apyimtalhnamo: Actiyapmaclha melyascalhma enlhitaoc payjoc tingma Gabaa. Am elvatsamcoc mocjam, apquilyiplovcasquic mataa apquiltemaclha apancaoc. Ellingamcojoc sat as enlhitaoc apquilmapsomcaa apquilnapomap apquilimpocjay.

LEVÍTICO 11:16

najan lhapin, najan sovaya, najan gaviota, najan actemaclha gavilanes,

SAN MATEO 11:19

Acvaac alhta coo sicvisay Sictiyam Sictomja Enlhit. Actovquic coo, acyinquic najan. Apquiltomja inyicje quellhip sellhena: Quip elanojo, enlhit mengyascama etovc aptom najan mengyascama eynic uva yingmenic. Aptomja apnaymacoc apquilmam tacja solyayem najan enlhit melyascalhma —inyicje apquiltomja sellhena. Inpeyvoc anco acyascamcolhma ayinyema Dios Ingyapam. Invitalhquic mataa apyascamcolhma actemaclha acpeyvomo —alhta aptomjac.

SAN MATEO 13:22

Poc enlhit eyca acyitsomalhco actic mayinayclha coning yammeyac. Apquillinga inyicje amyaa. Moc asoc eyca inquilvanatescacmoc amyaa: Asoc allhanma apquilvalhoc lhalhma anco najan acsilhnanoncama solyayem. Coylhejec acyilhna apquilvalhoc enlhit.

SAN MATEO 13:38

Apquilcacjam acvisay lhalhma anco as nalhpop. Dios apquitquic eyca apquilyitsomacpo actic altamila. Somquic quilyicjamo ayitquic apquilyitsomacpo yammilovqui.

SAN MARCOS 4:19

moc asoc eyca ayinyemaclha inquilvanatescacmoc amyaa: Asoc aclhanma apvalhoc lhalhma anco, najan acsilhnanoncama solyayem, najan ayitsepma apnenyic asoc acmasom. Coylhejec acyilhna apvalhoc enlhit.

SAN LUCAS 16:8

Aptomjac nic nat apcanya apvisqui: “Mayordomo apmapsom nac lhip. Aptemaclha apyascamco apanco lhip” —nic nat aptomjac. Aptomjac alhta mocjam Jesús: Apquilyascamco apanco enlhit lhalhma anco nipyesicsa apnaymacoc. Am elhnoc enlhit apquileyvam ayitsayoclhilhma —alhta aptomjac.

SAN LUCAS 22:31

Aptomjac alhta mocjam Visqui ingac: —Simón, Simón, quip ilanojo. Apquillhenacpe inyicje quellhip. Inquiltamjoc Satanás colyipconic quellhip, malha ningimposcay motajap apactic.

SAN JUAN 12:31

Quilhvoc olyicpilcojo apquiltemaclha enlhit lhalhma anco. Quilhvoc sat colhic actipsa avisqui ac as nalhpop.

SAN JUAN 13:2

Intalhnec alhta yavey diablo apvalhoc Judas, Simón apquitca, yoyam etnejic apcanem sat emacpoc Jesús. Apyasamcoc alhta Jesús aptomja apquinyemay Dios Ingyapam najan yoyam etajojoc mocjam apnaclha Dios Ingyapam. Apmesquic alhta Apyap aclhamoclhojo asoc, yoyam etnejic apyimtalhnamo Jesús. Naysicsa aptoycaoc alhta intomjac. Apquinmaclhec alhta netin Jesús. Apyinyovquic alhta apcalomap. Appilhtitquic alhta niplhit toalla apava ninliclama ingmeoc.

SAN JUAN 13:27

Lhama alhta apma quilpasmongam Judas. Yejemoc alhta actalhna apvalhoc yavey Satanás. Aptomjac alhta Jesús apcanya Judas: —Ipecjicsojo sat elana actomjaclha aclhanma apvalhoc —alhta aptomjac.

SAN JUAN 14:30

‘Inmasquec quilhvo sicpamejitquiscama quellhip. Inlhingacmec quilhvo avisqui ac as nalhpop, eyca paj acmovan tecjelhit yoyam oyiplovjoc (yoyam jesilhnana).

SAN JUAN 15:19

Apquilvajanamquic sat ancoc quellhip apquiltemaclha enlhit lhalhma anco, malha apquilpalhaviyam, elasicjacpojoc sat quellhip. Inmasquec apquilpalhaviyam quellhip, ayinyemaclha alyacyesquic alhta coo quellhip nipyesicsa enlhit lhalhma anco. Eycaso ayinyema apquiltanovmap quellhip nipyesicsa enlhit lhalhma anco.

SAN JUAN 16:11

Intovasalhquic nalhpop avisqui ac —acvisay apyicpilquemo Dios Ingyapam, yoyam elyicpilcojo apquiltemaclha apancaoc.

SAN JUAN 7:7

Am eltanovacpoc mocjam quellhip nipyesicsa enlhitaoc lhalhma anco. Coo eyca actanovalhcac, ayinyemaclha aclingasquic coo apquiltemaclha almasomcaa enlhit lhalhma anco.

SAN JUAN 8:23

Aptomjac alhta Jesús apquilanya: —Am elinyemayac netin quellhip. Coo eyca siyinyemay maa netin. Quellhip apquilinyemaclha apanco as nalhpop. Am ongvinyemac coo as nalhpop —alhta aptomjac.

SAN JUAN 8:44

Innec quellhip apquilyap acvisay yavey diablo. Quellhip apquiltomja ayitquic. Apquililtamjoc mataa elvajanamcoc quellhip actemaclha ayitsepma inquenyic apquilyap. Siclhoc anco nic nat acvocmo quilhvo nac jay actomja ticyovam inyap. Am coyitnac mataa actimem nasoc anco. Jave nasoc anco actemaclha. Intimec mataa acmovan amyaa, ayinyemaclha yavey diablo acvisay acmovan amyaa inyap. Actemaclha anco acmovan amyaa.

LOS HECHOS 19:35

Yejemoc alhta apquilvatesquisa yatapvisqui apquilpalhamaycam enlhitaoc. Aptomjac alhta apquilanya: —Quellhip co Efeso. Apquilyasamcoc lhalhma anco ningiltomja nincoo co Efeso ningiltamilquiscama tingma apponquinomap ayimjaclha Diana acyitsomalhca dios. Najan maa quilaycmasquiscama Diana ayinyema nic nat netin.

LOS HECHOS 5:3

Aptomjac alhta apcanya Pedro: —Ananías, ¿soctomja actalhna nac apvalhoc yavey Satanás? Apquiltamjoc lhip eyinimsam Espíritu Santo. Apmiyovquic lhip nicja solyayem acyanmongam apquilcacjam pac.

ROMANOS 12:2

Noelvajanaoc nasa apquiltemaclha enlhitaoc lhalhma anco. Elyanmonquis apquilvalhoc quellhip yoyam cotnejic alhnancoc actemaclha apquilvalhoc. Elyasingvomoc sat quellhip actemaclha apmayjayoclha Dios. Elyasingvomoc sat actemaclha actamila napato Dios najan actemaclha apyisponcama najan actemaclha acpeyvomo.

1 CORINTIOS 5:10

Am otnajac ongvanic quellhip yoyam melpasmiclha enlhitaoc lhalhma anco apquiltomja apquilanatama najan apquiltomja apquilmasma asoc najan apquiltomja apquilminyilhma najan apquiltomja apquilayo quilaycmasquiscama acyitsomalhca Dios. Apquilyamyiclhec sat ancoc quellhip enlhitaoc lhalhma anco, incaymalhquic najan elyinyoc quellhip as nalhpop.

1 CORINTIOS 6:11

Eycaso apquiltemaclha quellhip nano. Quilhvo eyca almascosalhco melyascalhma quellhip, apquiltomja Dios apquilyacyescama. Innec altimesa apquilpeyvomo napato Dios. Eycaso ayinyema Jesucristo Visqui ingac najan ayinyema Espíritu apanco Dios.

2 CORINTIOS 4:4

Ayinyemaclha apquilyascacmec tasic amyaa as enlhitaoc. Yatescamalhma intimescasac apquilvalhoc somquic quilyicjamo. Yoyam melvityejec sat ayitsayolhma actamila ayinyema tasic amyaa najan ayitsayolhma ayinyema Cristo. Ayinyemaclha Cristo apnoc Dios yoyam ongvita.

GALATAS 1:4

Apyinyovsomacpo apanco acyanmongam mongilyascalhma, ayinyema apmayjayoclha Dios Ingyapam. Aptomja singilvayclha ningiltomja ningileyvam naysicsa ayasomquilha as ningvamlha nac jay.

EFESIOS 1:21

Quilhvoc aptomja Apvisqui apyimtalhnamo tacjaplhit apquilviscaa najan apquilyimtalhnamo najan apquilmopvancaa. Aptomja Apvisqui as ningvamlha nac jay najan cotmongvoycamlha nelha.

EFESIOS 2:11

Lhama mocjam siclhanma: Collhen apquilvalhoc quellhip apquiltemaclha apancaoc nano. Quellhip apquiltomja metnaja judíos. Apquiltomjacpec alhta quellhip apquilvisay “mepqui asoc monquinatquiscama apyimpeoc”. Judíos alhta apquillhanma, ayinyemaclha “acyitna maa asoc monquinatquiscama apyimpeoc”.

EFESIOS 2:13

Tepec alhta inyicje quellhip Cristo. Quilhvo eyca apquilamquitvaa quellhip. Eycaso ayinyema Cristo apquitsepma singyanmongam. Quilhvoc apquiltomja quellhip apquilpasmeyquiclha Cristo.

EFESIOS 2:3

Ningilvajanamquic alhta nincoo lha nintemaclha inganco. Ningilyajaclhoc alhta mataa actemaclha ningmayjayoclha najan actemaclha ayitsepma ingnenyic. Covanquejec alhta jingyeycajac apyanmongsayclha Dios nintemaclha inganco. Ningno nincoo enlhitaoc lhalhma anco.

EFESIOS 4:17

Actomjac coo silanya quellhip naysicsa siclhanma apvisay Visqui ingac: Noelvajaniclhojo nasa apquiltemaclha enlhit lhalhma anco apquiltomja apquileyvam apanco.

EFESIOS 4:22

Elvatsaoc sat quellhip apquiltemaclha nano, ayinyemaclha elnatovasacpoc sat apanco ayinyema ayitsepma apnenyaoc.

EFESIOS 5:6

Noelyinimsap nasa quellhip apquillinga sat apquiltamongvaycmolhma apquilpayvam. Eyanmongsiclhac sat Dios apquiltemaclha enlhit meltamilsomacpo apanco.

EFESIOS 5:8

Quellhip apquiltemaclha nano acvisay apquileyvam naysicsa yatescamalhma. Quilhvo eyca apquiltomja apquilpasmeyquiclha Visqui ingac apquiltomja apquileyvam naysicsa ayitsayolhma. Eltime sat quellhip enlhit apquilsasquiscamalhma.

EFESIOS 6:12

Am ongilnapalhcac nincoo mataa enlhit. Ningilnapalhquic nincoo singinmelhaycam acmovan mongvitay najan singinmelhaycam actomja alyimtalhnamo naysicsa yatescamalhma as nalhpop najan singinmelhaycam quilyicjamo almasomcaa acnaycam tecjinlhit.

COLOSENSES 1:21

Najan apquiltemaclha alhta quellhip. Apquiltomja alhta malha cotnaja poc Dios, ayinyema alquitamsama apquilvalhoc almasomcaa najan ayinyema apquiltemaclha almasomcaa. Quilhvo eyca acyitna altamilaycam apquilvalhoc quellhip napato Dios ayinyema Cristo.

2 TIMOTEO 4:10

Eyinyovquic alhta ingyalhing Demas. Ayinyemaclha apquiltamjoc mataa asoc as nalhpop. Apmiyaclhec alhta tingma Tesalónica. Apmiyaclhec alhta ingyalhing Crescente yoclhilhma Galacia. Apmiyaclhec alhta ingyalhing Tito yoclhilhma Dalmacia.

SANTIAGO 1:27

Eycaso actomja nintemaclha ningiltamilcasomalhco inganco acpeyvomo napato Dios Ingyapam. Apquiltamjoc ongimlimojo najan apquilyeyjeycam najan lhintampaa altomja alaymomalhca asoc. Apquiltamjoc yoyam mongilvajanamcoc apquiltemaclha enlhit lhalhma anco, actomja malha yoyam cotvasalhcac ingvalhoc.

SANTIAGO 1:7

Mejingilmecsejec sat Visqui ingac lhama asoc naysicsa ningyasquiyam.

SANTIAGO 4:4

¿Apquillinga ya quellhip? ¡Enlhit apquilmapsomcaa nac quellhip! Ningyispaquic sat ancoc apquiltemaclha enlhit lhalhma anco, mongvanquejec ongilasicjojo Dios Ingyapam. Ningiltimec sat ancoc ingnaymacoc enlhit lhalhma anco yoyam ongilvajaniclhojo apquiltemaclha, natamin jintimjic nincoo metnaja apnaymacoc Dios Ingyapam.

1 SAN PEDRO 1:14

Elilyejiclhojo sat mataa Dios, malha apquitcoc apquilyajayquiclho apquilyap. Noncolitsip nasa apnenyaoc aclhamoclhojo nintemaclha nano, naysicsa melyascaoc Dios Ingyapam.

1 SAN PEDRO 4:3

Invocmec nelha quilhvo nac jay quellhip apquiltemaclha nano apquilvajaneycaoc enlhit lhalhma anco. Apquilvajanamquic alhta quellhip actemaclha mepqui apquiltamilcasomacpo apanco najan actemaclha apquilanatama najan actemaclha apyeyjamelhma ayinyema anmin najan mengyascama etovamcoc najan mengyascama elyinamcoc anmin najan actemaclha apquilpayescamo asoc apquilyitquiscama Dios singascamaclha ongilpayicsojo.

2 SAN PEDRO 2:14

Inquitsepquic mataa apnenyaoc apnaymacoc apquilano quilvanaa. Am coliclacmoc apquiltamongvaycmolhma. Apquilsilhnanaquic mataa poc yoyam elvajaniclhojo. Apquililtamjoc mataa ellhamasiclha solyayem apancaoc.

1 SAN JUAN 3:10

Melquinatsacpejec sat enlhit ningyesicsa apquiltomja Dios apquitquic najan poc apquiltomja somquic quilyicjamo ayitquic. Am sat ancoc ongilyiplovcasac actemaclha acpeyvomo. Am sat ancoc ongilasicjac ingilyalhing, am najan ongiltomjac Dios apquitquic.

1 SAN JUAN 3:8

Ningilvajanamquic sat ancoc actemaclha nintamongvaycmolhma, ongiltimjic sat ninpasmeyquiclha somquic quilyicjamo. Somquic quilyicjamo actomja ayinyemayaclha siclhoc anco mongilyascalhma. Eycaso ayinyema apvoya nat Dios Apquitca, yoyam etvasquisic actamjaycam somquic quilyicjamo.

1 SAN JUAN 4:4

Quellhip eyitquic. Quellhip apquiltomja Dios apquitquic. Apquilmopvan innac quellhip, am elhnoc enlhit apquilmopvancaa amyaa. Apnec quellhip apquilvalhoc Espíritu apanco Dios aptomja apyimtalhnamo, am colhno somquic quilyicjamo acna apquilvalhoc enlhitaoc lhalhma anco.

1 SAN JUAN 5:19

Ningyasamcoc nincoo ningiltomja Dios apquitquic. Yitnec acmovan somquic quilyicjamo actomja avisqui nipyesicsa enlhitaoc lhalhma anco.

1 SAN JUAN 5:4

Nintimec sat ancoc Dios apquitquic, ongilyimnac sat. Am colhoyc sat apquiltemaclha enlhit lhalhma anco. Mongyasquiyam nincoo actomja acyimnatem, am colhno apquiltemaclha enlhit lhalhma anco.

EL APOCALIPSIS 12:9

Intipsalhquic alhta netin sinavocpo najan allhalhmaa, innec alhta alhantamo as nalhpop. Ayinyemaclha actomja mataa alsilhnanoncama enlhitaoc lhalhma anco. Actomja acvisay nano nimisma, moc acvisay yavey diablo najan acvisay yavey Satanás.

EL APOCALIPSIS 13:14

Insilhnanaquic aplhamoclhojo enlhitaoc as nalhpop ayinyema actamjaycam sinpilapquiscama. Ayinyema alhta ayasinaycam asoc navjac aclom actiyapma amamyi. Inquiltimnasquic mataa enlhitaoc lhalhma anco, yoyam ellanac quilaycmasquiscama acyitsomalhca asoc navjac aclom actiyapma amamyi, acyitna alhta acyimsem actamalviyam.

EL APOCALIPSIS 13:8

Elpayicsojoc sat asoc navjac aclom aplhamoclhojo enlhitaoc apquileyvam as nalhpop. Melpayicsoyc sat enlhitaoc acyitna acnatalhesomalhca apquilvisay vaycajac acvisay acyimnatem ingnenyic. Innatalhesalhquic nic nat apquilvisay amamyi apquilantipquiscama Dios as nalhpop. Nipquesic Apquitcoc apmatnam vaycajac apanco, acyitna apquilvisay enlhit acyimnatem apnenyaoc.

EL APOCALIPSIS 16:17

Acvitac alhta poc ángel, siete alhta apvocmoc. Apyanquinquic alhta ingjaycoc tacjalhit lhcajayam. Intipquic alhta tingma apponquinomap netin lhama appayvam acyimnatem ayinyema acyitnaclha Visqui netin aptajanem. Intomjac alhta appayvam: —Acpenasquic aclhamoclhojo asoc —alhta intomjac siclingay.

EL APOCALIPSIS 20:2

Appatjitquic alhta ángel sinavocpo actomja acvisay nano nimisma, moc acvisay yavey diablo najan yavey Satanás. Apquilpilhtitquic alhta cadena acvaycmo mil años.