EFESIOS 2:12 - Enhlit Bible

¹² Mepqui Cristo alhta apquileyvam quellhip. Am nic nat elpalhavocmoc quellhip enlhitaoc Israel apquiltomja Dios apquilyacyescama. Am nic nat elyasamcoc quellhip asoc monquinatquiscama apmayjayoclha Dios, ayinyema aplhanmaclha nic nat Dios actomja nasoc anco. Mepqui aljalhneycam apquilvalhoc alhta quellhip. Najan mepqui allhanma apquilvalhoc alhta Dios quellhip naysicsa apquileyvam as nalhpop.

EFESIOS 2:12 Iomraidhean Croise

GÉNESIS 15:18

Eyca as acnim apquillanac nic nat Dios asoc monquinatquiscama actemaclha apmayjayoclha apanco. Aptomjac nic nat Dios apcanya Abram: —Pac omquecsic as yoclhilhma lhip aptovana niptamin. Yoclhilhma nipiyam acvocmo nicja vatsam acvisay Egipto. Yoclhilhma nilhqueyja acvocmo nicja vatsam acyivey acvisay Eufrates.

2 CRÓNICAS 15:3

Aclhamoclhojo años alhta mepqui Dios Visqui apancaoc enlhitaoc Israel, najan mepqui sacerdotes najan mepqui apquillhicmoscama sacerdotes.

ESDRAS 4:3

Apquilatingmavoc nic nat Zorobabel, najan Josué najan poc apquilviscaa: —Mongvanquejec nimpasmeyquiclha ongillana tingma apponquinomap, ningilvamlha nincoo ningilvisay enlhitaoc Israel. Eycaso alhta singanama apvisqui Ciro yoclhilhma Persia.

ÉXODO 12:45

Copvanquejec etasomoc metnaja aptemolhama najan aptomja aptimesaycam.

ISAÍAS 14:1

Naso, ingyasicjiclhojoc sat mocjam apquilmolhama Israel Visqui ingac. Eltimjic sat mocjam israelitas Dios apquilyacyescama, eltajiclhac sat mocjam apquilaoclha. Elpalhavomoc sat metnaja israelitas nipyesicsa enlhitaoc Israel.

ISAÍAS 44:6

Eycaso sicpayvam Dios: —Sictimem Apvisqui nipyesicsa enlhitaoc Israel. Sictomja silvomquiscama tap sictomja Apvisqui sicyimtalhnamo. Coo sictomja siyimja emamyi najan siyimja alhayi. Paj poc Dios, sicvamlha coo.

ISAÍAS 45:20

Ingyaniclhac sat quellhip. Jelyota sat aplhamoclhojo quellhip apquinyajaycaoc nipyesicsa enlhitaoc lhalhma anco. Malha ayanem aptomja enlhit acyitna quilaycmasquiscama acyitsomalhca dios yoyam epayicsojo. Covanquejec mataa covomsic tap enlhitaoc.

ISAÍAS 61:5

Elpalhavotac sat metnaja apquiltemolhama, eltamilsic apnatoscama quellhip, eltamilsic sat apquilcaycaoc najan uva avjac.

JEREMÍAS 14:8

Lhip Visqui ingac aptomja singvomquiscama tap naysicsa ninlingaycamco acyimtalhnama, ningiljalhnec mataa lhip. Lhip aptomjaclha malha maycaa apvoy ningyesicsa, yoyam elhic lhama alhtaa, malha metnaja nintemolhama, ¿so actomja yi?

JEREMÍAS 17:13

Lhip Visqui apancaoc israelitas najan apquilmasma. Elmancangvomoc sat apquiltomja apquilyamasma lhip. Apquilyitsomacpo as enlhit, acyitna acnatalhesomalhca apquilvisay lhopactic, yoyam colmascosalhca. Ayinyema apquiltemaclha apquilyamasma lhip, apvisay actiyapmaclha yingmin actamila, aptomja singmasma.

EZEQUIEL 13:9

Oyanmongsiclhac sat apquiltemaclha apancaoc profetas apquilmopvancaa amyaa. Colapvanquejec ingyaniclhac sat apquilpasmeyquiclha enlhitaoc Israel. Colhejec sat acnatalhesamco apquilvisay vaycajac co Israel, melpalhavomejec sat yoclhilhma apancaoc co Israel. Jelyicpilcangvomoc sat coo, sicvisay Dios Visqui apancaoc.

EZEQUIEL 37:26

Ollanac sat pacto ningmiyovmalhca nipyesicsa maa, yoyam colhic sat actamilaycam apquilvalhoc cotmongvoycamlha nelha. Elhamiclhac sat israelitas eltimjic appintalhnama. Elvitac sat mataa tingma apponquinomap nipyesicsa, jeltimjic selayo.

EZEQUIEL 47:22

Acvisay apquilmayclha quellhip, najan apquilpalhcomap apquitquic. Cotnejic sat apquileyvomaclha maa, malha appaliyam siclho as yoclhilhma. Cotnejic sat actemaclha apquilpalhcomap israelitas najan apquilpalhaviyam nipyesicsa israelitas.

OSEAS 3:4

Acvoncaclhojo sat cotnejic mepqui apvisqui nipyesicsa enlhitaoc Israel, mepqui apvisqui rey, mepqui asoc macmescama Dios, mepqui mataymong apquilmalhnancamaclha, mepqui apquilantalhnama sacerdotes, mepqui quilaycmasquiscama congne aplhancoc.

NÚMEROS 18:19

Itne sat lhip apanco acyovoclhojo asoc selmescama coo israelitas. Eltasomoc sat mataa lhip apquitquic apquilinava najan quilvanaa. Comasquejec sat mataa siyanamaclha nac jay. Acvisay ningmiyovmalhca cotmongvoycamlha nelha najato coo najan lhip najan aptovana niptamin — nic nat aptomjac Dios.

SAN LUCAS 1:72

Apquilinlhanacmec nic nat apquimlaycmojo ningilyeyjamcaa. Inlhanvocmec mataa apvalhoc actemaclha aplhanmaclha nasoc anco Dios.

SAN JUAN 10:16

Apquilyancac mocjam poc nipquesic. Jave apquilyanca nac aso congne apjalhtam. Incaymalhquic onalovsingvoclha nipquesic. Elilyejiclhojoc sat sicpayvam. Acvamlha lhama sat cotniclha apquilyinatamaclha. Apvamlha pac lhama sat etnejic apquilancam nipquesic.

SAN JUAN 15:5

‘Coo sictimem uva avjac, quellhip maa actingaoc. Apquilinlhanacmec sat ancoc quellhip selyipitcaycam coo acno silyipitcaycam quellhip, colhamiclhac sat apyilhna quellhip. Colapvanquejec quellhip ellanac lhama asoc mepqui coo.

SAN JUAN 4:22

Am elyasamcoc quellhip co Samaria Ingyapam naysicsa apquilpayescama. Nincoo eyca co Judea ningyasamcoc actemaclha ningilpayescamo Ingyapam. Co Judea inquinyemac actomja ningilvomsomalhca tap.

LOS HECHOS 2:39

Eycaso aptomja aplhanmaclha Dios Ingyapam. Quellhip alhta apquillhenacpoc yoyam ellhovac najan apquitquic najan apnaycam mocjay. Najan aplhamoclhojo aptomja apquilanyomap, aptomja apquilanem Dios Visqui ingac —alhta aptomjac.

LOS HECHOS 28:20

Eycaso ayinyemaclha silanyamcaa quellhip. Altamjoc olvita quellhip, yoyam olpamejitsic. Quilhvoc sictomja silpilhtetomalhca cadenas, eyca ayinyemaclha acyitna ningiljalhanma (Visqui ingac) ningilvisay israelitas.

LOS HECHOS 3:25

Quellhip apquiltomja profetas Dios apquillingascama apquitquic. Apquilmaycam quellhip pacto (aplhanmaclha nasoc anco) ayinyema Dios Ingyapam. Apquilmasquic nic nat ningilyeyjamcaa Dios Ingyapam. Aptomjac nic nat apcanyacpo Abraham: “Ellhovac sat altamila asoc aplhamoclhojo enlhitaoc lhalhma anco ayinyema lhip aptovana niptamin.”

ROMANOS 9:8

Jave ayinyema apquilvisay Abraham aptovana niptamin yoyam eltimjic Dios apquitquic. Apquilvamlha enlhitaoc eltimjic sat Dios apmolhama ayinyema aplhanma ilhnic nat actomja nasoc anco.

GALATAS 4:8

Am alhta elyicpilcac quellhip Dios Ingyapam. Apquilyiplovcasquic alhta quellhip actemaclha quilaycmasquiscama acyitsomalhca Dios, malha apquilancam apquilmomap alhta quellhip.

EFESIOS 2:19

Inmasquec apquiltomja quellhip malha “quilhvo apquilvoy” cotnajaclha apquilaoclha. Dios apmolhama apquiltomja quellhip apquilpasmeyquiclha Dios apquilyacyescama.

EFESIOS 4:18

Somcoc mataa alquitamsama apquilvalhoc. Malha yatescamalhma intomjac apquilvalhoc. Am elyasamcoc as enlhitaoc actemaclha acyimnatem ingnenyic ayinyema Dios. Am colmac apquilvalhoc Dios appayvam.

COLOSENSES 1:21

Najan apquiltemaclha alhta quellhip. Apquiltomja alhta malha cotnaja poc Dios, ayinyema alquitamsama apquilvalhoc almasomcaa najan ayinyema apquiltemaclha almasomcaa. Quilhvo eyca acyitna altamilaycam apquilvalhoc quellhip napato Dios ayinyema Cristo.

COLOSENSES 1:27

Apquiltamjoc Dios yoyam ellhicmosacpoc enlhitaoc lhalhma anco asoc acyilhomalhca nano, acvisay cotlaycaoc asoc altamila. Eycaso acvisay asoc acyilhomalhca: Cristo aptomja apyipitcayo quellhip. Yitnec najan aljalhneycam apquilvalhoc yoyam elvitac ayitsayoclhilhma actamila yoyam covac sat.

COLOSENSES 1:5

Yitnec quellhip aljalhneycam apquilvalhoc asoc acnaycaoc netin yoyam ellhovac sat. Inquillhenalhquic alhta as asoc naysicsa apquillingay quellhip tasic amyaa Dios appayvam actomja nasoc anco.

1 TESALONICENSES 4:13

Quellhip ingilyalhinga. Ningiltamjoc ongilyascasingvomoc quellhip apquiltemaclha apquilmasquingvaycmo alhta. Yoyam coyitnocjejec apquilvalhoc quellhip aptema nac poc enlhitaoc mepqui aljalhneycam apquilvalhoc.

1 TESALONICENSES 4:5

Noelvajaniclhojo nasa apquiltemaclha enlhitaoc lhalhma anco. Am elinyovcoc mataa apnatamcaa acyovoclhojo acnim.

2 TESALONICENSES 2:16

Jesucristo Visqui ingac najan Dios Ingyapam aptomja singilasicjayo nincoo. Dios singaycaoc ayinyema ningillhoy acpayjayclha ingvalhoc cotmongvoycamlha nelha najan aljalhneycam ingvalhoc actamila.

1 TIMOTEO 1:1

Coo nac Pablo, sictimem apóstol siyapajasomalhca ayinyema Jesucristo. Eyasinaquic alhta Dios aptomja singvomquiscama tap najan Jesucristo ayinyema aljalhneycam ingvalhoc.

HEBREOS 11:34

Apquilsaponcasquic nic nat talha. Apquinyajamquic nic nat apquilaca sovo acvinatem. Apquilyimnatem nic nat apquiltomjac, apquiltomja mepqui apquilyimnatem siclho. Apquiltomja ilhnic nat apquilyimtalhnamo naysicsa apquilnapomap. Apquiltomja ilhnic nat apminlhanma singilpilhtetemo cotnaja ingmoc.

HEBREOS 6:18

Apquiltamjoc nic nat Dios colhic actamilaycam ingvalhoc, ayinyema aplhanma apanco actomja nasoc anco najan ayinyema aplhenamacpo apanco yoyam colhejec acyascacmo. Ayinyemaclha copvanquejec Dios etnejic apmopvan amyaa. Dios aptomja sintamilquiscama. Ningilinlhanacmec nincoo actemaclha aljalhneycam ingvalhoc.

HEBREOS 8:6

Actamila anco aptamjaycam Jesús aptimem Dios apquilancam, am colhno apquiltamjaycam Dios apquilancam Leví apmolhama. Jesús aptomja singyipitcasquiclha Dios, ayinyema monquinatquiscama apmayjayoclha Dios actamila anco, am colhno siclho anco. Yitnec najan actamila anco aplhanma Dios actomja nasoc anco, am colhno siclhoc anco.

1 SAN PEDRO 1:21

Quellhip apquiltomja melyasquiyam Dios ayinyema Cristo aptomja aplhaticjangviyam nipyesicsa apquilmasquingvaycmo. Aplhaticjascacmec alhta Dios. Aptimescasquic alhta yoyam colhic ayaco Cristo. Eycaso ayinyema quellhip melyasquiyam Dios najan aljalhneycam apquilvalhoc.

1 SAN PEDRO 1:3

Pac ongilavojoc sat mataa Dios Ingyapam najan Jesucristo Visqui ingac. Avanjec alhta singamliyam Dios. Ingiltimescasquic alhta ingjalhnancaoc singmescama ingvalhoc alhnancoc, ayinyema aplhaticjangvoycamlha Jesucristo nipyesicsa apquilmasquingvaycmo. Singmescama alhta aljalhneycam ingvalhoc alhnancoc.

1 SAN PEDRO 3:15

Collhen sat mataa apquilvalhoc Cristo aptomja Visqui ingac. Elpenacsojo sat elyasamcojo quellhip. Apquilmalhnacpec sat ancoc quellhip actemaclha melyasquiyam acyitna apquilvalhoc, elatingmojo sat mataa. Eltamilsojo sat apquilvalhoc naysicsa apquilatingmaycam.

1 SAN JUAN 3:3

Enlhit acyitna aljalhneycam apvalhoc, incaymalhquic etamilsacpojo apanco, apno Jesucristo aptomja aptamilsomacpo apanco.