EFESIOS 2:10 - Enhlit Bible

¹⁰ Nincoo ningilinyema Dios aptomja singmescama ingvalhoc alhnanco ayinyema Cristo Jesús yoyam ongilyiplovcasojo actemaclha actamila. Dios aptomja singillanesquiscama yoyam ongilyiplovcasojo actemaclha actamila.

EFESIOS 2:10 Iomraidhean Croise

SALMOS 100:3

Elyasingvom sat quellhip, apvamlha pac lhama aptomja Visqui ingac Dios. Aptomja singilantipquiscama nincoo, ningiltomja enlhit apancaoc. Ningiltomja enlhit apancaoc, malha apnatoscama apquileyvam actamilaclha paat.

SALMOS 119:3

Apquiltomja mataa mepqui apquiltemaclha acmasom. Apquiltomja apquilyiplayclha mataa amay pac Visqui ingac.

SALMOS 138:8

Epenacsojoc sat Visqui ingac, yoyam omyovalhcac coo. Visqui ingac. Lhip aptomja singasicjayo cotmongvoycamlha nelha. Isavojo sat lhip aptamjaycam singiltimesquiscama.

SALMOS 51:10

Visqui ingac, itnesquis evalhoc yoyam cotnejic ayalhnayo. Itnesquis alhnancoc acyascamco anco evalhoc.

SALMOS 81:13

Altamjoc alhta inyicje elaylhojo sicpayvam enlhitaoc. Altamjoc alhta inyicje elyiplovcasojo siyanamaclha coo.

ISAÍAS 19:25

Conyemac sat Dios Visqui ingac apvaticjapquiscama, etnejic sat ingyanic: Ovaticjapsic sat co Egipto enlhit ajancaoc, najan co Asiria sillanay alhta siclho, najan co Israel silyacyescama coo otnejic enlhit ajancaoc — sat etnejic Dios — nic nat aptomjac profeta.

ISAÍAS 29:23

Elvitac sat quellhip sictomjaclha nipyesicsa quellhip, jeltimjic sat selayo sicvisay sicyimtalhnamo najan mayayo, sicvisay Santo mayayo nipyesicsa enlhitaoc Israel.

ISAÍAS 43:21

Coo alhta silantipquiscama enlhitaoc otnejic ajancaoc. Ellingacsic sat acma seyayo coo.

ISAÍAS 43:7

Apquiltomjacpec aplhamoclhojo Dios apquitquic. Coo alhta silantipquiscama yoyam colhic seyaco — sat otnejic ongvanic coo.

ISAÍAS 44:21

Eycaso sicpayvam Dios: Quellhip Jacob apquilmolhama, enlhitaoc Israel. Selancam quellhip actomjac. Elyasingvoclhojo quellhip. Alantipcasquic nat quellhip otnejic selancam ajancaoc. Nojelvonquim nasa coo.

ISAÍAS 60:21

Elyiplovcasojoc sat siyanamaclha apyovoclhojo enlhitaoc, melantipsacpejec sat mataa apquileyvomaclha. Ellhojoc sat ayimjaclha ninganma, ayinyema siyinayclha alhta coo. Coo alhta silantipquiscama, yoyam colhic seyaco gloria ajanco.

ISAÍAS 61:3

Colhic sat acmesa apquilnatanma apyitsicsaoc, jave mocjam tajap apyitsicsaoc. Colhic sat acmesa apquilitsovascama, jave mocjam apava acmayovsa apquilvalhoc. Colhic sat acmesa apquilayo, jave mocjam ayay apquilvalhoc. Colhic sat alyitquisa yamit actamila najan ayimjaclha acyilhna Visqui ingac, colhic sat ayaco Dios.

JEREMÍAS 31:33

Cotnejic sat pacto ningmiyovmalhca alhnancoc nipyesicsa enlhitaoc: Opquinic sat apquilvalhoc siyanamaclha coo, comoc sat apquilvalhoc, malha mactalhescama apquilvalhoc sat cotnejic. Otnejic sat Dios Visqui apancaoc, otnejic sat enlhit ajancaoc. Naso coo sicpayvam sicvisay Dios.

SAN MATEO 5:16

Ellhojo sat quellhip lha. Elapongmit sat nipyesicsa enlhitaoc. Colvitalhcac sat quellhip apquiltamjaycam altamila. Colhic sat ayaco Ingyapam netin —alhta aptomjac.

SAN JUAN 3:21

Apquilyoctac mataa ayitsayolhma enlhit apquiltomja apquilyiplovquiscama actomja nasoc anco. Apquililtamjoc yoyam colvitalhca apquiltemaclha altamila ayinyema Dios Ingyapam —alhta aptomjac.

LOS HECHOS 9:31

Yitnec alhta altamilaycam apquilvalhoc Jesucristo apmolhama yoclhilhma Judea najan yoclhilhma Galilea najan yoclhilhma Samaria. Inquilyimnatesalhquic alhta apquilvalhoc. Apquilacoc alhta mataa Visqui ingac. Aplhameclhec alhta ayinyema appasmom Espíritu Santo.

LOS HECHOS 9:36

Innec alhta tingma Jope quilvana coyasquiyam tasic amyaa acvisay Tabita. Griego appayvam acvisay Dorcas (nincoo ningiltimem popyit). Intasic alhta mataa actemaclha as quilvana. Inquimlacmoc alhta mataa actomja alaymomalhca inlhojo asoc.

ROMANOS 8:1

Nasoc anco, mongiltovasalhquejec sat ningiltomja ninpasmeyquiclha Cristo Jesús. Mongilyiplovsejec mocjam nintemaclha inganco. Ongilyiplovsic sat mataa actemaclha ayinyema Espíritu apanco Dios.

ROMANOS 8:29

Ingilyicpilcoc nincoo Dios siclhoc anco aptomja singilyacyescama. Apquiltamjoc Dios yoyam onlhojoc nincoo Apquitca. Apquiltamjoc yoyam etnejic Apquitca apvaneycaoc apmamyi, malha apjapquininga nipyesicsa aplhamoclhojo apquilyalhinga.

1 CORINTIOS 3:9

Acvamlha nincoo ningiltomja ningiltamjaycamo lhama Dios. Quellhip apquiltomja malha Dios amyip apác yoyam ecniclhac appayvam apquilvalhoc. Quellhip apquiltomja malha tingma Dios apquillanay.

2 CORINTIOS 5:17

Ningiltomjac sat ancoc ningilpasmeyquiclha Cristo, ongiltimjic sat ingjalhnancaoc. Inmasquec nintemaclha nano, ingjalhnancaoc ningiltomjaclha.

2 CORINTIOS 5:5

Dios aptomja singillanesquiscama yoyam ongvita as asoc. Appiquinquic ingvalhoc Espíritu Santo actomja ningillhoy amamyi. Ongillhovac sat mocjam tap cotlaycaoc asoc.

2 CORINTIOS 9:8

Apvanquic Dios elmesic apcaycaoc quellhip actemaclha acyeycajangvaycmo. Coymalhquejec sat mataa quellhip lhama asoc. Coytic sat najan asoc quellhip yoyam elninquinic mataa, yoyam elpasmoc apnaymacoc.

GALATAS 6:15

Ningiltomjac sat ancoc ningilpasmeyquiclha Jesucristo, colhenalhquejec sat ningilvisay judíos najan ningilvisay metnaja judíos. Colhenalhcac sat acvamlha actemaclha ingvalhoc alhnancoc ayinyema Dios.

EFESIOS 1:1

Coo nac Pablo, sictimem apóstol siyapajasomalhca ayinyema Jesucristo. Eycaso actomja apmayjayoclha Dios.

EFESIOS 1:4

Dios aptomja singilyacyescama yoyam ongiltimjic apquitquic ayinyema Cristo. Eycaso appenescamo ilhnic nat aclhanma apvalhoc amamyi apquilantipquiscama aclhamoclhojo asoc. Apquiltamjoc nic nat Dios yoyam ongiltimjic ningiltamila napato mepqui ningilsilhnanomalhca.

EFESIOS 2:13

Tepec alhta inyicje quellhip Cristo. Quilhvo eyca apquilamquitvaa quellhip. Eycaso ayinyema Cristo apquitsepma singyanmongam. Quilhvoc apquiltomja quellhip apquilpasmeyquiclha Cristo.

EFESIOS 2:15

Apmascosquic alhta Cristo actemaclha acmovan singanamaclha najan singascamaclha actalhesomalhca. Apyipitcaseclhec alhta poc enlhitaoc lhalhma anco najan judíos. Lhama apmolhama apquiltomjaclha ayinyema apquilpasmeyquiclha Cristo. Aptimescasquic alhta actemaclha actamilaycam ingvalhoc.

EFESIOS 2:2

Apquilvajanamquic alhta quellhip apquiltemaclha enlhitaoc lhalhma anco. Apquilyajaclhoc alhta quellhip actemaclha somquic quilyicjamo. Acmovan innac somquic quilyicjamo actomja mocjam avisqui nipyesicsa enlhitaoc apquiltomja melilyajayquiclho Dios appayvam.

EFESIOS 2:6

Dios aptomja malha singnalhaticjasquiyam lhama Cristo Jesús yoyam jingilnecsic lhama netin.

EFESIOS 4:1

Acnec coo singilpilhtetomaclha, malha sicmomalhca ayinyema Visqui ingac. Altamjoc coo yoyam eltamilsacpojo apanco quellhip apquiltomja Dios apquilyacyescama malha Dios apquevoycam.

EFESIOS 4:24

Elyiplovquis actemaclha alhnancoc ayinyema apmayjayoclha Dios., Yoyam cotalhcac apquiltemaclha alhnancoc actomja nasoc anco najan actomja acpeyvomo najan actomja actamila.

DEUTERONOMIO 32:6

¿Naso ya mepqui apquilayo as enlhit Visqui ingac? Acyeyjamelhma nac, najan mepqui apquilyascamco. Naso inyicje apquilyap, aptomja apquilantipquiscama enlhit. Apmescama acyimnatem apnenyaoc.

DEUTERONOMIO 5:33

Elyiplovcasojo quellhip, malha ningyiplayclha amay singillhicmoscama Dios. Colhic sat actamilaycam apquilvalhoc najan actamilaycam apquileyvam aclhamoclhojo años as yoclhilhma Dios apmescama yoyam ellhovamcoc quellhip.

FILIPENSES 1:6

Acyasamcoc coo actomja nasoc anco: Visqui ingac aptomja apquenmo apquilvalhoc apquiltemaclha actamila. Epenacsojoc sat najan apquiltemaclha actamila acvocmo acnim apvoyctamlha Jesucristo.

FILIPENSES 2:13

Epasmoc sat Dios yoyam eliltamjoc quellhip actemaclha actamila yoyam elpenacsojo quellhip. Eycaso actomja apmayjayoclha Dios Ingyapam.

COLOSENSES 1:10

Coyiplovjoc sat apquiltamilcasomacpo apanco quellhip actemaclha apyisponcama Dios najan actemaclha yoyam colhic ayaco. Cotalhcac sat actemaclha apquilyiplovquiscama quellhip asoc altamila, malha ningvitay acyilhna. Coyangvomoc sat apquilyasingvoyam quellhip aptemaclha Dios Ingyapam.

COLOSENSES 3:10

Apquilmaclhec quellhip actemaclha apquilvalhoc alhnancoc. Apquiltamjoc Dios jingilaniclhac mataa yoyam sat ongilinmalhingvoclha aptemaclha apanco. Yoyam najan ongilyicpilcangvomoc acyovoclhojo aptemaclha apanco Dios.

2 TESALONICENSES 2:17

Ningiltamjoc nincoo yoyam epayesiclha apquilvalhoc Dios. Yoyam elyimnaticsojoc apquilvalhoc naysicsa apquilpameteycam actamila najan naysicsa apquiltamjaycam actamila.

1 TIMOTEO 2:10

Incaymalhquic colyiplovcasojo nintemaclha actamila, actemaclha ningiltamilcasomalhco inganco. Eycaso actamila anco actemaclha quilvanaa.

1 TIMOTEO 5:10

Incaymalhquic alhta colhenalhcac mataa actemaclha acyiplovquiscama actamila: actemaclha alvanimquiscama ayitquic najan alyascasingvoyam. Najan actemaclha almam tacja maycaa apquilvoy tingma ac. Najan actemaclha acliquiscama yingmin apmancoc Dios apquitquic. Najan actemaclha ayamliyam enlhit apquillingaycamco acmasca. Najan moc actemaclha acyiplovquiscama actamila.

1 TIMOTEO 5:25

Innoc najan lha actemaclha ningyiplovquiscama actamila actomja acvitomalhca as ningvamlha nac jay. Covanqueje cocposalhca mataa moc ningyiplovquiscama actamila. Alhayi sat cotalhca.

1 TIMOTEO 6:18

Ilane sat lhip enlhitaoc acma apquilnatam yoyam elimlimojo poc. Yoyam najan ellhamasiclha nintemaclha actamila, malha ninlhamasayclha ningilnatam.

2 TIMOTEO 2:21

Incaymalhquic mongilpasmiclhejec asoc acmasom. Onlhojoc sat nincoo asoc actamila anco mepqui ningmaycam acyovoclhojo acnim. Onlhojoc sat asoc acponquinomalhca najan asoc acmomalhca, actomja apvisqui apmaycam. Ontimjic sat malha ninpensomalhca yoyam ongillana nintamjaycam actamila.

2 TIMOTEO 3:17

Eycaso ayinyema singilpenescama ningilvisay Dios apquitquic yoyam coytic ningmovan ongillana aclhamoclhojo actemaclha nintamjaycam actamila.

TITO 2:14

Apyinyovsomacpo apanco yoyam ematong singyanmongam nincoo. Yoyam jingilvomsic tap naysicsa asoc almasomcaa. Yoyam ongiltimjic ningilalhnayo mepqui ningmasom. Yoyam ongiltimjic apquitquic yoyam ongilyiplovcasojoc actemaclha actamila.

TITO 2:7

Lhip Tito, ilhicmosacpojo apanco actemaclha ningyiplovquiscama actamila. Illhicmos sat nipyesicsa quilyimnanic tasic amyaa actemaclha actomja nasoc anco.

TITO 3:1

Ilane sat elyasingvomoc ingilyalhinga actemaclha ningilyajayquiclho apquilviscaa apquilyimtalhnamo. Najan actemaclha ningyiplovquiscama ongillana asoc actamila.

TITO 3:14

Ilane sat elyasingvomoc ingnaymacoc actemaclha ningyiplovquiscama actamila najan actemaclha ningmescama asoc ayaymomalhca. Incaymalhquic coytic apquilyiplovquiscama, malha acyilhna actamila ayinyema mongilyasquiyam.

TITO 3:8

Nasoc anco as amyaa siclhanma lhac. Altamjoc coo evascapoc lhip apyiplovquiscama. Ilane sat najan elyiplovsic poc. Yoyam najan quilhvo apquilyanmonquiscama apquilvalhoc elyiplovsic actemaclha actamila yoyam elvita apnaymacoc. Actamila anco as actemaclha yoyam ongiltimjic ningilmaycam ninlhamoclhojo.

HEBREOS 10:24

Ingilane sat colhic alpayesaclho ingvalhoc ningyesicsa yoyam ongilyiplovcasojo actemaclha ningasicjayo najan actemaclha actamila.

HEBREOS 13:21

Ningiltamjoc nincoo Dios eltimesquisic apquilpeyvomo quellhip yoyam elvajanamcoc quellhip actemaclha apmayjayoclha Dios. Jingilanecsic sat ingilvalhoc Dios ayinyema Jesucristo yoyam eyispac nintemaclha. Colhic sat mataa ayaco Cristo cotmongvoycamlha nelha. Amén.

1 SAN PEDRO 2:12

Eltamilsacpojo apanco nipyesicsa enlhit lhalhma anco. Ayinyemaclha inquilantipsalhquic mataa apquilvisay quellhip nipyesicsa apquilmopvancaa amyaa. Cotalhcac sat nipyesicsa maa actemaclha apquiltamilcasomacpo apanco quellhip. Eltimjic sat apquilayo Dios as enlhitaoc acvocmo sat acnim ningyicpilcomalhquilha.

1 SAN JUAN 1:7

Apnec mataa Dios naysicsa ayitsayolhma, ongiltimjic sat ningilpasmeyquiclha nincoo. Dios Apquitca Jesucristo em pac actomja acmascoscama mongilyascalhma.

1 SAN JUAN 2:6

Aptomjac sat ancoc ingyalhing elhenic: “Acpasmeclhec coo mataa Dios”. Incaymalhquic elhnasojoc aptemaclha Jesucristo.