EFESIOS 1:7 - Enhlit Bible

⁷ Avanjec anco singasicjayo Dios. Apyinyovquic Apquitca singyanmongam yoyam jingilvomsic tap. Apmascosquic mongilyascalhma ayinyema apquitsepma singilyanmongam.

EFESIOS 1:7 Iomraidhean Croise

JOB 33:24

Ingyimliclhojoc sat ángel, etnejic sat ingyanic: Lhip Dios Visqui ingac, imyov sat lhip, yoyam mengyitsepejec maa. Acvitac coo acyanmongam, yoyam emyovacpoc — sat etnejic ingyanic ángel.

SALMOS 130:4

Lhip aptomja apmascoscama mongilyascalhma. Ontimjic sat mataa ningilayo lhip.

SALMOS 130:7

Elalh sat Visqui ingac quellhip lha enlhitaoc Israel. Ellhojo sat enlhitaoc apquiljalhneycam alhtaa. Visqui ingac aptomja singasicjayo, aptomja singasicjayclha mataa.

SALMOS 86:5

Aptasi nac lhip Visqui ingac. Aptomjac singasicjayclha mocjam. Avanjec lhip apquilasicjayo. Apvita inlhojo apquilmalhnancama enlhit.

ÉXODO 34:7

Silasicjayo aplhamoclhojo aptovana niptamin enlhitaoc. Siyasicjayquiclho mocjam apquilsilhnanomap apanco enlhitaoc, najan apquilinmelhaycam enlhitaoc, najan apquiltemaclha apancaoc apquilmapsomcaa, ongvasicjiclhojo sat mocjam. Oyanmongsiclhac sat apquiltemaclha apquilsilhnanomap apanco. Najan apquiltemaclha apancaoc apyapmayc. Najan apquiltemaclha apancaoc apquitquic. Najan aplhamoclhojo aptovana, najan aplhamoclhojo aptovana niptamin — nic nat aptomjac Dios.

ISAÍAS 43:25

Coo sicvisay Dios. Coo ayinyema sicmascoscama melyascalhma quellhip. Ongvasicjiclhojoc sat mocjam. Jelvoncomoc sat apquiltemaclha apancaoc almasomcaa.

JEREMÍAS 31:34

Coymalhquejec sat, yoyam eltamsacpoc ingmoc najan ningmolhama, elyicpilcojoc sat Dios. Elyiplovcasojoc sat Dios apyovoclhojo enlhitaoc, najan apquilvanyam, najan apquitcavoc. Omascocsic sat apquiltemaclha apquilsilhnanomap apanco, jelvoncamoc sat apquiltemaclha melyascalhma nano. Nasoc sicpayvam sicvisay Dios — alhta aptomjac.

DANIEL 9:19

¡Dios Visqui ingac, Dios Visqui ingac! ¡Ingyeylhojo ningilmalhnancama! ¡Jingilasicjiclhojo sat mocjam! ¡Dios Visqui ingac, jingilpasingvota nincoo! ¡Ayinyema lhip apvisay, ayinyema lhip tingma pac, ayinyema lhip singilyacyescama, ningiltomja ningilayo lhip, imoncajangvota sat lhip! — nic nat aptomjac Daniel.

DANIEL 9:9

Lhip Dios aptomja singasicjayclha mocjam najan singmasma, apvita inlhojo nintemaclha ningilinmelhaycam lhip.

JONÁS 4:2

Aptomjac nic nat Jonás apcanya Dios, apquilmalhna: —Lhip Dios Apyimtalhnamo, ingyeylhojo sicpayvam. Eycaso siclhanma siclhoc alhta siyinyemayaclha coo. Inlhenquic alhta evalhoc ongvinyejic sat tingma Tarsis. Acyasamcoc coo, lhip aptemaclha apcasicjayquiclho mocjam, aptemaclha apquimlaycmo, aptemaclha acmasilhte aplom pac. Aptemaclha lhip appayquimquiscama apvalhoc, acvaa inlhojo amyaa apyanmongsayclha lhip apquiltemaclha apancaoc enlhitaoc.

MIQUEAS 7:18

Lhip apvamlha pac lhama Dios Apyimtalhnamo, paj poc. Apcasicjaclhec mocjam lhip apmoscosa nintemaclha acmasom. Inquilvoncacmec lhip ningilinmelhaycam lhip, ningilaymalhca incanit. Ingilasicjaclhec mocjam nincoo, apquilvatesa aptemaclha aplom cotningvoyam nelha.

ZACARÍAS 13:1

Aptomjac alhta mocjam Visqui ingac: Coytic sat tingma Jerusalén actiyapmaclha yingmin, actomja ayalhnascama meyascalhma najan apquilsilhnanomap apanco David aptovana niptamin najan apnaycam tingma Jerusalén.

ZACARÍAS 13:7

Eycaso appayvam ayinyema alhta Visqui ingac: ¡Sovo acvinatem cajic sat apquilancam nipquesic najan aplhalhma! ¡Ematong sat apquilancam, ingyilhpanic sat apnatoscama! ¡Olinmelham sat nipquesic apquitcavoc!

ZACARÍAS 9:11

Eycaso appayvam Visqui apyimtalhnamo: Quellhip co Jerusalén, otajicsojoc sat mocjam apquilmomap nano, malha apnaycam malhic congno mepqui yingmin congne. Ema actomja macmescama Dios, actomja monquinatquiscama pacto ningmiyovmalhca.

SAN MATEO 20:28

Acvaac coo sicvisay Sictiyam Sictomja Enlhit, yoyam olanam enlhitaoc. Am oltamjoc jelanam enlhit malha visqui. Altamjoc oyinyoc sicyimnatem acyanmongam aplhamoclhojo enlhitaoc —alhta aptomjac.

SAN MATEO 26:28

Eycaso actomja ema ajac, asoc monquinatquiscama apmayjayoclha Dios Ingyapam aplhanma alhnancoc. Ema ajac acyinquinomalhca, yoyam colmascosalhca melyascalhma aplhamoclhojo enlhitaoc.

SAN MATEO 6:12

Imascos mongyascalhma. Ayinyemaclha ningasicjaclhec nincoo lha aptomja singinmelhaycam.

SAN MARCOS 14:24

Aptomjac alhta apquilanya: —Eycaso actomja ema ajac actomja asoc monquinatquiscama apmayjayoclha Dios aplhanma alhnancoc., Acyinquinomalhca acyanmongam aclhamoclhojo enlhit.

SAN LUCAS 1:77

Elyascasingvomoc sat lhip enlhitaoc actemaclha ningilvomsomalhca tap. Najan actemaclha acmascosomalhca mongilyascalhma.

SAN LUCAS 24:47

Colngalhcac sat amyaa lhalhma anco. Tingma Jerusalén sat cotyapoc amyaa. Elanyacpoc sat enlhitaoc elyanmongsic apquilvalhoc, yoyam colmascosalhcac melyascalhma.

SAN JUAN 20:23

Apquilmascosquic sat ancoc quellhip melyascalhma enlhitaoc, colmascosalhcac sat. Am sat ancoc elmascosac quellhip melyascalhma enlhitaoc, colmascosalhquejec sat —alhta aptomjac.

LOS HECHOS 10:43

Aplhenacpec nic nat Jesús. Profetas Dios apquillingascama ilhnic nat apquillhanma, yoyam colmascosalhca melyascalhma aplhamoclhojo enlhit apquiltomja melyasquiyam apvisay Jesús —alhta aptomjac Pedro.

LOS HECHOS 2:38

Apcatingmavoc alhta Pedro: —Elyanmonquis apquilvalhoc napato Dios Ingyapam. Eltingya macyapascaseycaoc yingmin actema apquillhanma apvisay Jesucristo. Colmascosalhcac sat melyascalhma quellhip. Ellhovac sat Espíritu Santo Dios apmescama.

LOS HECHOS 20:28

Eltamilsacpojo apanco quellhip. Eltamilquis sat najan apquilanacpo Jesucristo apmolhama, malha quilancam nipquesic apquiltamilquiscama apnatoscama. Quellhip apquiltomja apquilimja apmamyi ayinyema Espíritu Santo yoyam eltamilsic Jesucristo apmolhama. Apyanmoncasquic alhta em pac Jesús apmolhama.

LOS HECHOS 3:19

Elyanmonquis apquilvalhoc quellhip, yoyam colmascosalhca melyascalhma. Comoc sat acnim, yoyam colhic actamilquiscacmo apquilvalhoc ayinyema Visqui ingac.

ROMANOS 2:4

¿Aptomja ya lhquip apvinéycam Dios aptomja singasicjayo najan aptomja singiljalhanma? ¿Apyasamco ya lhquip aptemaclha Dios? Apquiltamjoc Dios yoyam eyanmongsic apvalhoc lhip ayinyema singasicjayo.

ROMANOS 3:24

Eyca Dios aptomja singiltimesquiscama ningilpeyvomo, actomja singaycaoc actemaclha singmescama nasa. Ayinyemaclha ingilvomcasquic tap ayinyema Cristo Jesús.

ROMANOS 3:25

Apyinyovquic alhta Dios Apquitca apvisay Cristo, malha macmescama asoc acyanmongam mongilyascalhma. Am sat ancoc ongilyascacmoc nincoo aptomja apquitsepma singyanmongam, colmascosalhcac sat mongilyascalhma. Apquiltamjoc alhta Dios jingillhicmocsic aptemaclha appeyvomo. Am nat epecjasac Dios eyanmongsiclha mongilyascalhma nano.

ROMANOS 9:23

Apquiltamjoc Dios yoyam cotalhca gloria aptemaclha apyimtalhnamo ningyesicsa nincoo naysicsa singimlaycmo. Aptomja singilanesquiscama Dios yoyam ongilpasmoc sat gloria aptemaclha apyimtalhnamo yoyam covac sat.

1 CORINTIOS 1:30

Quellhip apquiltomja apquilpasmeyquiclha Cristo ayinyema Dios. Cristo ayinyema actemaclha ningyascamcolhma najan actemaclha ningilpeyvomo najan actemaclha ningiltamilcasomalhco inganco najan actemaclha ningilvomsomalhca tap. Eycaso ayinyema apmayjayoclha Dios.

2 CORINTIOS 8:9

Apquilyasamcoc quellhip actemaclha singilasicjayo Jesucristo Visqui ingac. Cotlaycaoc nic nat apquilnatam Visqui ingac. Apyinyovquic nic nat apquilnatam. Aptomjac nic nat mepqui asoc yoyam eltimjic quellhip malha acma apquilnatam, ayinyema mepqui asoc Visqui ingac.

EFESIOS 1:14

Ningillhocac nincoo amamyi Espíritu Santo yoyam monquinatsejec actomja nasoc anco, yoyam ongilvomsalhcac sat tap ningiltomja apquitquic. Pac ontimjic ningilayo Dios aptomja apyimtalhnamo.

EFESIOS 1:18

Altamjoc coo yoyam eyascasingvomoc Dios apquilvalhoc quellhip. Natamin elyicpilcangvomoc sat quellhip asoc yoyam colvac sat actemaclha aljalhneycam apquilvalhoc. Elyicpilcangvomoc sat quellhip cotlaycaoc singaycaoc altamila acnaycaoc netin. Elmesic sat Dios apquiltomja apquilyacyescama.

EFESIOS 1:6

Pac ontimjic mataa ningayo Dios ayinyema singaycaoc altamila. Aptomja singmescama nasa Apquitca aptomja apcasicjayo.

EFESIOS 1:8

Ingillhicmosquic nincoo Dios cotlaycaoc singaycaoc, malha acyeycajangvaycmo. Ingmasquic nincoo actemaclha ningyascamco najan actemaclha ningyasingvoyam.

EFESIOS 2:4

Avanjec anco alhta singimlayquiclho Dios. Avanjec anco alhta singasicjayo Dios.

EFESIOS 2:7

Ayinyemaclha apquiltamjoc Dios cotmongvoycamlha nelha elhicmocsic actemaclha singasicjayo najan actemaclha singamliyam ayinyema Cristo Jesús. Acyiviy anco singasicjayo, malha acyeycajangvaycmo.

EFESIOS 3:16

Almalhnescasquic quellhip Ingyapam yoyam colyimnac almam apquilvalhoc ayinyema Espíritu apanco. Ayinyemaclha cotlaycaoc asoc altamila acnaycaoc Dios Ingyapam.

EFESIOS 3:8

Coo sictomja moyimtalhnamo, am olhnoc coo enaymacoc Dios apquilyacyescama. Seyimlaycmo alhta Dios. Eyasinaquic alhta yoyam olngacsic nipyesicsa enlhitaoc lhalhma anco actemaclha cotlaycaoc singaycaoc cotmongvoyam nelha ayinyema Cristo.

FILIPENSES 4:19

Apyasamcoc Dios asoc ayaymomalhca quellhip. Eyeycajascomjoc sat asoc apcaycaoc Dios ayinyema acnaycamcolha apquilnatam altamila anco Cristo Jesús.

COLOSENSES 1:14

Ingilvomcasquic alhta tap ayinyema apquitsepma singyanmongam nincoo. Apmascosquic alhta mongilyascalhma.

COLOSENSES 1:27

Apquiltamjoc Dios yoyam ellhicmosacpoc enlhitaoc lhalhma anco asoc acyilhomalhca nano, acvisay cotlaycaoc asoc altamila. Eycaso acvisay asoc acyilhomalhca: Cristo aptomja apyipitcayo quellhip. Yitnec najan aljalhneycam apquilvalhoc yoyam elvitac ayitsayoclhilhma actamila yoyam covac sat.

COLOSENSES 2:13

Quellhip apquiltomja nano malha apquilitsepma napato Dios, ayinyema melyascalhma quellhip najan actemaclha mepqui aclhanma apquilvalhoc Dios. Am alhta coyitnac quellhip asoc monquinatquiscama apyimpeoc. Quilhvo eyca apmasquic Dios acyimnatem apnenyaoc quellhip ayinyema apquilpasmeyquiclha Cristo. Apmascosquic aclhamoclhojo melyascalhma quellhip.

COLOSENSES 2:2

Altamjoc coo mataa yoyam colyimnac acliclamo apquilvalhoc. Yoyam eltimjic lhama apquilpasmeyquiclha. Yoyam najan elyasingvomoc actemaclha cotlaycaoc asoc altamila, acvisay asoc acyilhomalhca ayinyema Dios. Eycaso apvisay Cristo.

1 TIMOTEO 2:6

Apyinyovquic apanco acyimnatem apnenyic Jesucristo acyanmongam ningilvomsomalhca tap. Aplhenquic nic nat Dios acnim yoyam sat elvomsic tap aplhamoclhojo enlhitaoc.

TITO 2:14

Apyinyovsomacpo apanco yoyam ematong singyanmongam nincoo. Yoyam jingilvomsic tap naysicsa asoc almasomcaa. Yoyam ongiltimjic ningilalhnayo mepqui ningmasom. Yoyam ongiltimjic apquitquic yoyam ongilyiplovcasojoc actemaclha actamila.

TITO 3:6

Ingilmasquic nincoo Dios Espíritu actemaclha acyeycajangvaycmo, ayinyema Jesucristo singvomquiscama tap.

HEBREOS 9:22

Apquilhpajac nic nat ema aclhamoclhojo asoc, inquitlhincasquic nic nat esavojo. Eycaso ayinyema ilhnic nat singanamaclha Dios. Comascosalhquejec mataa mongilyascalhma mepqui ema acyinquinomalhca.

1 SAN PEDRO 2:24

Appatmeclhec alhta apanco Cristo mongilyascalhma. Apyipitsacpec alhta asoc timyescama acyiplomo appatam mongilyascalhma. Ingilvatescasquic alhta mongilyascalhma yoyam ongiltimjic ningilpeyvomo naysicsa ningileyvam. Innec alhta alyimsasa apyimpejic yoyam eltamalvomoc quellhip.

1 SAN PEDRO 3:18

Ayinyemaclha Cristo aplingamco alhta apmatnam acyanmongam mongilyascalhma nincoo. Apvamlha lhama apmatnam, paj moc yoyam ematong mocjam. Appeyvomo apanco alhta Cristo. Apmatnec alhta singyanmongam ningiltomja ningilmasomcaa yoyam jingnalaclha apnaclha Dios. Apquitsepquic alhta apyovoclhojo. Espíritu Santo aptomja apyimnatescama apjangaoc Cristo.

1 SAN JUAN 2:12

Quellhip eyitquic. Actalhoscasquic quellhip as vaycajac. Ayinyemaclha inquilmascosalhquic melyascalhma quellhip ayinyema apvisay Jesucristo.

1 SAN JUAN 2:2

Apyinyovacpec Jesucristo aptomja macmescama Dios acyanmongam mongilyascalhma. Jave acvamlha acyanmongam mongilyascalhma nincoo. Najan lha acyanmongam melyascalhma enlhitaoc lhalhma anco.

1 SAN JUAN 4:10

Eycaso actemaclha anco ningasicjayo: Am ongilasicjac nat nincoo Dios. Dios eyca aptomja singasicjayo siclhoc anco. Apcapajasquic nat Apquitca yoyam emascocsic mongilyascalhma.

EL APOCALIPSIS 14:4

Am alhta elanoc quilvana as enlhitaoc, paj najan apquilyipitcaycam quilvana. Malha mepqui apnatamcaa as enlhitaoc. Apquilyiplaclhec mataa apyasaclha Nipquesic Apquitcoc. Apyinyovquic alhta acyanmongam Dios yoyam elvomsacpoc tap as enlhitaoc. Malha asoc amamyi macmescama Dios najan macmescama Nipquesic Apquitcoc alhta as enlhitaoc.

EL APOCALIPSIS 5:9

Apquilminaycmasquic alhta ningminaycmascama alhnancoc: Lhip aptomja apyimtalhnamo yoyam emoc as vaycajac macpilhyamcameycaoc. Yoyam najan elcoc malyipitquiscama vaycajac. Ayinyemaclha apmatnec alhta lhip. Inyinquinalhquic alhta em pac acyanmongam singilmam Dios. Apyanmoncasquic lhip enlhitaoc apnaycam lhalhma anco: aclhamoclhojo apquilmolhama, aclhamoclhojo cotnaja apquilpayvamo lhama, aclhamoclhojo apquilaoclha lhalhma anco.