EFESIOS 1:4 - Enhlit Bible

⁴ Dios aptomja singilyacyescama yoyam ongiltimjic apquitquic ayinyema Cristo. Eycaso appenescamo ilhnic nat aclhanma apvalhoc amamyi apquilantipquiscama aclhamoclhojo asoc. Apquiltamjoc nic nat Dios yoyam ongiltimjic ningiltamila napato mepqui ningilsilhnanomalhca.

EFESIOS 1:4 Iomraidhean Croise

2 SAMUEL 22:24

Mepqui alhta sicsilhnanomalhca napato Visqui ingac. Am alhta otnajac sicmasom.

SALMOS 135:4

Aptomja apquilyacyescama nic nat Jacob apquilmolhama, apquilvisay Israel. Eltimjic sat apquilmolhama apquilponquinomap.

ISAÍAS 42:1

Eycaso sicpayvam Dios: Quip elanojo. Eycaso aptomja selancam, aptomja sicmasma, aptomja sicyacyescama, aptomja siyasicjayo. Acpiquinquic apvalhoc Espíritu ajanco. Elngacsic sat actomja nasoc anco nipyesicsa enlhitaoc lhalhma anco.

LEVÍTICO 19:2

Iltimnas sat lhip sicpayvam silanya enlhitaoc Israel: Eltime sat mataa apquilpeyvomo. Coo sicvisay sicpeyvomo, sicvisay Dios Sicyimtalhnamo.

LEVÍTICO 20:7

Eltamilsacpojo apanco quellhip. Jellhojo sat sictemaclha actamilaycam evalhoc coo. Coo sicvisay Dios Visqui apancaoc quellhip.

SAN MATEO 24:22

Am sat ancoc eyavatasoc Dios Ingyapam acmasca, melvomejec sat tap enlhitaoc. Dios apquitquic apquilyacyesomap ayinyemaclha apyavatescasac acmasca.

SAN MATEO 24:24

Elilhyemoc sat enlhit apquiltimesomap apanco Cristo najan apquilsoycam apquilmopvan amyaa. Ellhicmocsic sat asoc monquinatquiscama najan apquiltamjaycam sinpilapquiscama. Apquililtamjo inyicje elyinimsic Dios apquitquic apquilyacyesomap.

SAN MATEO 24:31

Olapajacsic sat ayilhtingyovam apquilpayvascama ángeles. Elansiclhac sat apquitquic apquilyacyesomap. Elinyintac sat lhalhma anco. Elinyintac sat netin najan nalhpop.

SAN MATEO 25:34

Sat etnejic Apvisqui elanic enlhit apquilnescama apquilyascamaclha: “¡Elquilhyim quellhip apquiltomja coo Tata apquilyacyescama! Elma quellhip silnancascama. Quellhip apancaoc sat cotnejic. Malanescama quellhip silnancascama ayenmo siclhoc anco apquilantipquiscama Dios as nalhpop.

SAN JUAN 10:16

Apquilyancac mocjam poc nipquesic. Jave apquilyanca nac aso congne apjalhtam. Incaymalhquic onalovsingvoclha nipquesic. Elilyejiclhojoc sat sicpayvam. Acvamlha lhama sat cotniclha apquilyinatamaclha. Apvamlha pac lhama sat etnejic apquilancam nipquesic.

SAN JUAN 15:16

Jave quellhip selyacyescama alhta coo. Coo eyca sictomja silyacyescama quellhip. Alasinaquic coo quellhip, yoyam ellhong quellhip, yoyam colhamojo apyilhna quellhip. Coytic sat mataa apyilhna quellhip. Apquililmalhnaquic sat ancoc asoc coo Tata naysicsa apquillhanma sicvisay, elmesacpoc sat quellhip.

SAN JUAN 17:24

‘Tata, altamjoc coo jelhojoc lhama as enlhitaoc selmescama alhta lhip. Elvitangvomoc sat gloria ajanco simquescama alhta lhip. Eyasicjavoc nat lhip siclhoc anco, yicpintama yoyam collanalhcac as nalhpop.

LOS HECHOS 13:48

Lhama alhta apquillinga amyaa. Apquilitsovasoc alhta metnaja judíos. Apquilacoc alhta Visqui ingac appayvam (Dios appayvam). Am alhta elyascacmoc aplhamoclhojo apquiltomja apquilyacyesomap ayinyema Dios Ingyapam, yoyam colhic acyimnatem apnenyaoc.

LOS HECHOS 15:18

Eycaso actemaclha appayvam Visqui ingac apcanem nic nat yoyam collanalhca. Ningyasamcoc nincoo nano aplhanmaclha —nic nat apquiltomjac.

LOS HECHOS 18:10

Actimec coo mataa siclhalhma lhip. Copvanquejec lhama enlhit, yoyam etvacsic lhip. Aplhamoclhojo enlhitaoc ajanco apnaycam as tingma —alhta aptomjac.

ROMANOS 8:33

¿Soc enlhit apquiltamjoc yoyam jingilpejesca ningilmasomcaa ningiltomja Dios singilyacyescama? Paj, copvanquejec lhama enlhit. Apnec Dios aptomja singiltimesquiscama ningilpeyvomo.

1 CORINTIOS 1:8

Elmeyvoc sat quellhip Jesucristo acvaycmo actamongvomlha nelha acnim. Yoyam eltimjic quellhip mepqui apquilsilhnanomap apvoctamo sat Jesucristo Visqui ingac.

GALATAS 5:13

Quellhip elyalhinga. Dios aptomja apquilanama quellhip, malha apquevoycam yoyam eltimjic mepqui apquilmomap. Noelquinatquis nasa: Nocollhen nasa apquilvalhoc apquiltomja mepqui apquilmomap, yoyam elvajanamcoc mocjam ayitsepma apnenyaoc apquiltemaclha nano. Elpasim sat mataa poc nipyesicsa quellhip, naysicsa apquilyiplovquiscama actemaclha ningasicjayo.

GALATAS 5:22

Asoc altamila eyca, malha acyilhna ayinyema Espíritu apanco Dios acvisay: actemaclha ningasicjayo najan actemaclha acpayjayclha ingvalhoc najan actemaclha actamilaycam ingvalhoc najan actemaclha nintamilquiscamo ingvalhoc najan actemaclha acliclamo ingvalhoc najan actemaclha ningamliyam najan actemaclha mongilvatseycaoc ningyiplovquiscama.

GALATAS 5:6

Ningilanalhco ningiltomja ninpasmeyquiclha Cristo Jesús. Colhenalhquejec mataa asoc monquinatquiscama ingyimpejic najan mepqui asoc monquinatquiscama ingyimpejic. Incaymalhquic coytic mongyasquiyam naysicsa ningyiplovquiscama actemaclha ningasicjayo.

EFESIOS 2:10

Nincoo ningilinyema Dios aptomja singmescama ingvalhoc alhnanco ayinyema Cristo Jesús yoyam ongilyiplovcasojo actemaclha actamila. Dios aptomja singillanesquiscama yoyam ongilyiplovcasojo actemaclha actamila.

EFESIOS 3:17

Almalhnescasquic coo mocjam yoyam elhic Cristo apquilvalhoc quellhip ayinyema melyasquiyam. Yoyam elyiplovcasojo actemaclha ningasicjayo actomja ayimja amamyi.

EFESIOS 4:2

Elyiplovquis sat mataa actemaclha mongilyimtalhnesomalhco inganco najan actemaclha ningasicjayo. Eltamilsojo apquilvalhoc nipyesicsa quellhip. Elasicjacpojo nipyesicsa quellhip.

EFESIOS 5:2

Elyiplovcasojo actemaclha ningasicjayo. Ayinyemaclha ingilasicjavoc nincoo Cristo. Apyinyovsomacpo apanco singyanmongam nincoo, malha macmescama Dios actemaclha apyisponcama.

EFESIOS 5:27

Apquiltamjoc elanojo apmolhama yoyam eltimjic apquiltamila najan mepqui alpaysameycaoc najan mepqui alpilhnanma. Yoyam eltimjic alalhnayo apquilvalhoc najan mepqui apquilsilhnanomap.

FILIPENSES 2:15

Yoyam melsilhnanacpoc quellhip. Eltime sat Dios apquitquic apquilpeyvomo nipyesicsa enlhitaoc apquilmapsomcaa. Eltime sat quellhip malha apquilapongmateycaoc apyova netin.

COLOSENSES 1:22

Aplingamcoc alhta apyovoclhojo acmasca apquitsepma. Apquiltamjoc alhta eltimesquisic apquilponquinomap mepqui alpaysameycaoc najan mepqui apquilsilhnanomap quellhip napato Dios.

COLOSENSES 2:2

Altamjoc coo mataa yoyam colyimnac acliclamo apquilvalhoc. Yoyam eltimjic lhama apquilpasmeyquiclha. Yoyam najan elyasingvomoc actemaclha cotlaycaoc asoc altamila, acvisay asoc acyilhomalhca ayinyema Dios. Eycaso apvisay Cristo.

COLOSENSES 3:12

Quellhip apquiltomja Dios apquilyacyescama aptomja apquilasicjayo. Elpiquin sat apquilvalhoc alhnancoc actemaclha actamila. Actemaclha ningamliyam najan actemaclha ningiltamila najan actemaclha conjamalhca ingvalhoc najan actemaclha actamilaycam ingvalhoc najan actemaclha ningilinlhanyacmo.

1 TESALONICENSES 3:12

Ningiltamjoc nincoo yoyam eyancasiclhac Visqui ingac actemaclha apquilasicjayo nipyesicsa quellhip najan nipyesicsa aplhamoclhojo enlhitaoc. Acno nincoo lha ningilasicjayo quellhip.

1 TESALONICENSES 4:7

Apquiltamjoc Dios yoyam ontimjic ningiltamilcasomalhco inganco yoyam cotnejic ayalhnayo ingvalhoc. Dios aptomja singanama, malha singevoycam yoyam mongilvajanamquejec actemaclha ayitsepaycam ingnenyic.

2 TIMOTEO 1:9

Ingilvomcasquic nincoo tap Dios. Ingilasinaquic nincoo Dios, malha singevoycam. Eycaso ayinyema apmayjayoclha Dios. Am conyemac asoc actamila nincoo. Yitnec nic nat apmayjayoclha Dios actemaclha yoyam jingilasina, amamyi yoyam ellanac as nalhpop. Jesucristo aptomja apsovjomo apmayjayoclha Dios.

2 TIMOTEO 2:10

Aclingamco inyicje acmasca. Altamjo eyca opasmoc apquiltomja Dios apquilyacyescama. Yoyam elvitac sat ningilvomsomalhca tap cotmongvoyam nelha ayinyema ninpasmeyquiclha Cristo Jesús.

2 TIMOTEO 2:19

Apquinimcasquic alhta Dios asoc monquinatquiscama acyimnatem, actomja malha mataymong avjac yoyam coyaninejec. Intomjac aclhanma asoc monquinatquiscama: “Apquilyicpilcoc Visqui ingac apquiltomja apmolhama”. Najan moc aclhanma: “Aplhamoclhojo Jesucristo apmolhama, noelvajaniclhojo nasa actemaclha acmasom” —alhta intomjac Dios appayvam.

SANTIAGO 2:5

Quellhip elyalhinga. Dios Ingyapam aptomja apquilyacyescama enlhit mepqui apquilnatam as nalhpop. Apquiltamjoc coytic acyiviy melyasquiyam, malha acyitna apquilnatam. Apquiltamjoc ellhovangvomoc sat Dios apquilnancascama. Aplhanma ilhnic nat actomja nasoc anco yoyam elmesic apquiltomja apquilasicjayo.

1 SAN PEDRO 1:2

Apquilyacyesquic nic nat Dios Ingyapam quellhip ayinyema aclhanma apvalhoc siclhoc ancoc. Dios aptomja apponquinquiscama quellhip ayinyema Espíritu apanco. Apquiltamjoc yoyam elilyejiclhojo quellhip Jesucristo yoyam colmascosalhca melyascalhma quellhip ayinyema em pac acyinquinomalhca. Altamjoc coo eyeycajasojo apcaycaoc Dios Ingyapam yoyam ellhova quellhip. Yoyam coytic najan actamilaycam apquilvalhoc quellhip.

1 SAN PEDRO 1:20

Siclhoc ancoc nic nat yicpintama apquillanay aclhamoclhojo asoc, aclhena apvalhoc Dios yoyam ingyapajacsic Cristo aso nalhpop. Am nic nat eyca ingyapajasac quilhvo. Invocmec alhta acnim apvoya Cristo yoyam elvomsic tap quellhip.

1 SAN PEDRO 2:9

Quellhip apquiltomja Dios apquilyacyescama. Quellhip apquiltomja Dios apquilancam Visqui apmolhama. Quellhip apquiltomja enlhitaoc apquilponquinomap, apquiltomja Dios apmolhama. Apquiltamjoc Dios yoyam ellingacsic quellhip aptamjaycam sinpilapquiscama. Aptomja najan apquilanama quellhip yoyam elvatsamcoc quellhip apquileyvam naysicsa yatescamalhma yoyam elvomoc ayitsayoclhilhma actamila.

2 SAN PEDRO 3:14

Quellhip elyalhinga. Ningiljalhnec inyicje asoc alyimtalhnamo yoyam colvac sat. Eltamilsacpojo apanco quellhip yoyam coytic actamilaycam apquilvalhoc napato Dios, najan mepqui apquiltamongvaycmolhma, malha mepqui alpaysameycaoc.

1 SAN JUAN 4:16

Ningilyasingvocmec nincoo najan mongilyascacmoc nincoo actemaclha singasicjayo Dios. Dios apvisay ningasicjayo. Ningilinlhanacmec sat ancoc ningasicjayo, ongilpasmoc sat mataa Dios, jingilpasmoc sat mataa nincoo lha Dios.

EL APOCALIPSIS 13:8

Elpayicsojoc sat asoc navjac aclom aplhamoclhojo enlhitaoc apquileyvam as nalhpop. Melpayicsoyc sat enlhitaoc acyitna acnatalhesomalhca apquilvisay vaycajac acvisay acyimnatem ingnenyic. Innatalhesalhquic nic nat apquilvisay amamyi apquilantipquiscama Dios as nalhpop. Nipquesic Apquitcoc apmatnam vaycajac apanco, acyitna apquilvisay enlhit acyimnatem apnenyaoc.

EL APOCALIPSIS 17:8

Actiyasam siclhoc alhta as asoc navjac aclom apvita lhac lhip, inmasquingvocmec alhta. Cotyapoc sat mocjam congne malhic. Natamin cotvasalhcac sat cotmongvoycamlha nelha. Cotlapsic sat enlhitaoc apnaycam as nalhpop apquiltomja mepqui acnatalhesomalhca apquilvisay vaycajac acvisay acyimnatem ingnenyic, actomja allanomalhca amamyi apquilantipquiscama Dios aclhamoclhojo asoc. Cotlapsic sat elvita asoc navjac aclom, actomja alhta actiyascam siclhoc alhta, actomja alhta acmasquingvoyam najan actomja actiyascam quilhvo nac jay —alhta aptomjac ángel.