EFESIOS 1:3 - Enhlit Bible

³ Pac ontimjic mataa ningayo Dios aptomja Jesucristo Visqui ingac Apyap. Ningillhocac nincoo aclhamoclhojo actemaclha singaycaoc ayinyema netin. Eycaso ayinyema ningilpasmeyquiclha Jesucristo.

EFESIOS 1:3 Iomraidhean Croise

GÉNESIS 14:20

Ningilayo ningiltomja Dios Apyimtalhnamo, ayinyema apyimnatem lhip yoyam elnapoc cotnaja ingmoc— nic nat aptomjac Melquisedec. Aplhocac nic nat apvisqui Melquisedec nicja asoc apancaoc Abram. Apmasquic nic nat mataa Abram lhama asoc acyitna inlhojo diez asoc.

GÉNESIS 22:18

Olpasmoc sat mataa aplhamoclhojo enlhitaoc lhalhma anco, ayinyema apquilyajayquiclho lhip sicpayvam”— nic nat intomjac Dios Apyimtalhnamo appayvam.

1 CRÓNICAS 29:20

Aptomjac nic nat mocjam apvisqui David apquilanya enlhitaoc: Eltime sat apquilayo Dios Visqui ingac — nic nat aptomjac. Yiplovcoc nic nat apquilayo Visqui apancaoc apquilyeyjamcaa. Apquiljalhec nic nat, apquilticlha aptapnaoc napato Dios najan napato apvisqui rey.

1 CRÓNICAS 4:10

Yitnec nic nat apquilmalhnancama Jabes napato Dios Visqui apancaoc Israel: Jevaticjapquis coo, jimques coo amyip acvanyam, jepasim coo, jeyas actemaclha acmasom, molngamquejec sat acyimtalhnama. Apjalhnoc nic nat Dios apquilmalhnancama Jabes.

2 CRÓNICAS 31:8

Pilapcasquic nic nat Ezequías najan apquilviscaa mayayo apquilvita mayicjescama asoc. Apquilvaticjapcasquic nic nat (apquiltimec nic nat apquilayo) Visqui ingac najan apnaymacoc co Israel.

NEHEMÍAS 9:5

Apnam maa levitas: Josué, Cadmiel Binuy, Hasbnías, Serebías, Hodías, Sebanías najan Petaías, apquiltomja apquilanya: ¡Ingyaniclha netin quellhip! ¡Eltime sat apquilayo Dios Visqui ingac! ¡Mayayo nac Dios, ontimjic altamila nimpayvam najan ningilayo apvisay apanco apna netin! — nic nat apquiltomjac.

SALMOS 134:3

Elpasmoc sat quellhip Visqui ingac, apna tingma Sión. Aptomja apquilantipquiscama nic nat netin najan nalhpop.

SALMOS 72:17

Comasquejec sat mataa apvisay apanco. Colhic sat mataa ayaco. Colhic sat acvaticjapquisa apyovoclhojo enlhitaoc lhalhma anco. Apquilinyejemo sat elhenacpoc apvisqui rey.

SALMOS 72:19

Innec ayaco apvisay apanco cotmongvoycamlha nelha. Najan maa gloria apyimtalhnamo. Naso. Naso.

ISAÍAS 61:9

Colhic sat ayaco aptovana nipyesicsa metnaja apquiltemolhama. Elyasingvomoc sat maa, apquiltomja nasoc anco Dios apquilyacyescama, ayinyema apvaticjapquiscama.

DANIEL 4:34

Coo sicvisay Nabucodonosor. Invocmec alhta nelha siete años allhenamalhca. Acsicjaclhec alhta netin, inmasquec alhta sictemaclha ayanem. Actomjac alhta siyayo Dios Apyimtalhnamo apna netin cotmongvoycamlha nelha. Apmopvan innac Dios Visqui Apyimtalhnamo, cotningvoyam nelha apcanamaclha.

SAN LUCAS 2:28

Yejemoc alhta apcayna sicaa Simeón. Apcacoc alhta Dios appametamcaa:

SAN JUAN 14:20

Elyasingvomoc sat quellhip acvocmo sat acnim sictomja sicyipitcayo coo Tata. Najan lha quellhip apquiltomja selyipitcayo coo. Najan lha coo sictomja sicyipitcayo quellhip.

SAN JUAN 17:21

Altamjoc eltimjic lhama apquilpasmeyquiclha as enlhitaoc, acno lhip Tata aptomja seyipitcayo najan coo lha sictomja sicyipitcayo lhip. Yoyam ongiltimjic nincoo lha ninpasmeyquiclha as enlhitaoc. Elyicpilcangvomoc sat enlhitaoc lhalhma anco, aptomja seyapajascama lhip.

SAN JUAN 20:17

Aptomjac alhta Jesús apcanya quilvana: —Avanquic lhiya jemamcoc coo. Am omyaclhac mocjam netin apnaclha coo Tata. Coltimnasquiclha sat elyalhinga. Cotne sat canic lhiya: Omyaclhac sat apnaclha coo Tata aptomja najan apquilyap quellhip. Apnaclha Dios ajanco najan quellhip Dios apancaoc —alhta aptomjac.

ROMANOS 12:5

Innoc najan nincoo lha ningiltomja ningilpasmeyquiclha Cristo ningiltomja lhama ningyovoclhojo. Ningiltomja malha singilyipitsayclha ingmoc, acno alyiptetaclha alyipitcayo moc.

ROMANOS 15:6

Yoyam coyeycajalhquejec moc apquilvalhoc naysicsa apquilayo quellhip Dios Ingyapam najan Jesucristo Visqui ingac.

1 CORINTIOS 1:30

Quellhip apquiltomja apquilpasmeyquiclha Cristo ayinyema Dios. Cristo ayinyema actemaclha ningyascamcolhma najan actemaclha ningilpeyvomo najan actemaclha ningiltamilcasomalhco inganco najan actemaclha ningilvomsomalhca tap. Eycaso ayinyema apmayjayoclha Dios.

1 CORINTIOS 12:12

Cristo apyitsomacpo actemaclha ningyovoclhojo acyitna aclhamoclhojo actemaclha alyiptetaclha. Aclhamoclhojo alyiptetaclha actomja lhama ningyovoclhojo.

2 CORINTIOS 1:3

Actimec mataa siyayo Dios aptomja Apyap Jesucristo Visqui ingac. Aptomja singamliyam inyap najan Dios aptomja aptamilquisquiyam ingvalhoc.

2 CORINTIOS 11:31

Apyasamcoc Dios aptomja apyap Jesucristo Visqui ingac actemaclha siclhanma actomja nasoc anco. Cotmongvomejec sat nelha siyayo Dios Ingyapam.

2 CORINTIOS 5:17

Ningiltomjac sat ancoc ningilpasmeyquiclha Cristo, ongiltimjic sat ingjalhnancaoc. Inmasquec nintemaclha nano, ingjalhnancaoc ningiltomjaclha.

2 CORINTIOS 5:21

Am coyitnac lhama meyascalhma Cristo. Dios aptomja appatimquiscama Cristo mongilyascalhma nincoo. Yoyam jingiltimesquisic ningilpeyvomo ayinyema ninpasmeyquiclha Cristo.

GALATAS 3:9

Nasoc anco, Dios sat epasmoc aplhamoclhojo apquiltomja melyasquiyam apquilpasmeyquiclha Abraham aptomja ilhnic nat meyasquiyam.

EFESIOS 1:10

Invaac sat ancoc acnim, comoc sat aplhanmaclha Dios. Etnesquisic sat Apvisqui Cristo yoyam etnejic malha apquimja apmamyi asoc acnaycaoc netin najan asoc acnaycaoc nalhpop.

EFESIOS 1:17

Dios aptomja Jesucristo Visqui ingac Apyap najan aptomja Ingyapam apyimtalhnamo. Almalhnescasquic coo mataa yoyam ellhovac quellhip actemaclha ningyascamco najan actemaclha singyascasingvoyam ayinyema Espíritu apanco Dios. Coyangvomoc sat apquilyasingvoyam quellhip aptemaclha Dios.

EFESIOS 1:20

naysicsa aplhaticjasquiyam Jesús nipyesicsa apquilmasquingvaycmo. Apnescaclhec alhta netin napocja actamilaclha.

EFESIOS 2:6

Dios aptomja malha singnalhaticjasquiyam lhama Cristo Jesús yoyam jingilnecsic lhama netin.

EFESIOS 3:10

Jesucristo apmolhama eyca ellingacsic sat quilhvo actemaclha apyascamco Dios yoyam elyasingvomoc apquilyimtalhnamo najan apquilmopvancaa apnaycam netin.

EFESIOS 6:12

Am ongilnapalhcac nincoo mataa enlhit. Ningilnapalhquic nincoo singinmelhaycam acmovan mongvitay najan singinmelhaycam actomja alyimtalhnamo naysicsa yatescamalhma as nalhpop najan singinmelhaycam quilyicjamo almasomcaa acnaycam tecjinlhit.

FILIPENSES 2:11

Ellhenic sat aplhamoclhojo: Jesucristo aptomja Visqui ingac, colhic ayaco Dios Ingyapam netin.

HEBREOS 8:5

Apquiltamjaycam Dios apquilancam congne tingma apponquinomap acyitsomalhca quilaycmasquiscama, malha pisquisca ancaoc asoc acnaycaoc netin. Aptomjac nic nat Dios apcanya Moisés naysicsa apquillanay appaclhanma apponquinomap: “Quip ilanojo, illana sat lhip aclhamoclhojo asoc appaclhanma apponquinomap, actemaclha alhta sillhicmoscama lhip netin inquilhe acvinatem” —nic nat aptomjac.

HEBREOS 9:23

Incaymalhquic sat ancoc elhpajac ema tingma apponquinomap, aptomja malha quilaycmasquiscama tingma apponquinomap apyitna netin. Incaymalhquic colmesalhca netin altamila anco asoc macmescama Dios, am colhnoc asoc acticyovam as nalhpop.

1 SAN PEDRO 1:3

Pac ongilavojoc sat mataa Dios Ingyapam najan Jesucristo Visqui ingac. Avanjec alhta singamliyam Dios. Ingiltimescasquic alhta ingjalhnancaoc singmescama ingvalhoc alhnancoc, ayinyema aplhaticjangvoycamlha Jesucristo nipyesicsa apquilmasquingvaycmo. Singmescama alhta aljalhneycam ingvalhoc alhnancoc.