EFESIOS 1:18 - Enhlit Bible

¹⁸ Altamjoc coo yoyam eyascasingvomoc Dios apquilvalhoc quellhip. Natamin elyicpilcangvomoc sat quellhip asoc yoyam colvac sat actemaclha aljalhneycam apquilvalhoc. Elyicpilcangvomoc sat quellhip cotlaycaoc singaycaoc altamila acnaycaoc netin. Elmesic sat Dios apquiltomja apquilyacyescama.

EFESIOS 1:18 Iomraidhean Croise

JOB 42:5

Aclingac alhta amyaa aplhenacpo lhip. Quilhvo eyca sicvita lhip najato.

SALMOS 119:18

Imayesiclha ejataoc coo. Comoc evalhoc simpilapquiscama ayinyema appayvam.

ISAÍAS 11:2

Elhic sat mataa espíritu apanco Dios apvalhoc maa. Colhic sat acyascamco apvalhoc, najan acyimtalhnamo apvalhoc, najan acmovan apvalhoc, najan acyicpilquemo apvalhoc, najan alyajayquiclho apvalhoc napato Dios.

ISAÍAS 29:10

Visqui ingac aptimesquiscama apnatiyanma quellhip. Apquilyitsomacpo profetas quellhip apataoc alpilhquetamalhca, yoyam melvityejec quellhip.

ISAÍAS 29:18

Ellingac sat as acnim mepqui appaycaoc vaycajac alyipsatomalhca. Najan mepqui apataoc elviticlhac sat olhma, comascoc sat actemaclha melvitay olhma.

ISAÍAS 32:3

Colmayjiclhac sat apataoc enlhit mepqui apataoc. Ellingac sat mocjam enlhit mepqui apjaycaoc.

ISAÍAS 42:7

Elmayesiclhac sat apataoc enlhitaoc mepqui apataoc. Elantipsic sat apquilmomap apnaycam singilpilhtetomaclha. Elantipsic sat apnaycam yatesaclhilhma congne singilpilhtetomaclha.

ISAÍAS 6:10

Iltimesquis sat coyasingvoyam apquilvalhoc enlhitaoc. Iltimesquis sat mepqui apaycaoc najan mepqui apataoc as enlhitaoc. Yoyam melvityejec sat mataa. Yoyam melingejec sat mataa. Yoyam colyasingvomejec sat mataa apquilvalhoc. Yoyam melyanmongsejec sat mataa apquilvalhoc. Yoyam meltamilvomejec sat mataa as enlhitaoc— alhta aptomjac seyanya.

SAN MATEO 13:15

Alyimtalhnama apquilvalhoc as enlhitaoc. Invoncacmec apaycaoc as enlhitaoc. Innatincasquic apataoc as enlhitaoc. Melvityejec sat acna apataoc. Mellingejec sat acna apaycaoc. Colyasingvomejec sat apquilvalhoc. Melyanmongsejec sat apquilvalhoc, yoyam moltamilquiscomoc —nic nat intomjac appayvam.

SAN MARCOS 10:17

Apquimpaclhec alhta mocjam Jesús. Yejemoc alhta apquinincantamo lhama enlhit. Apquilticlhiquic alhta aptapnaoc nalhpop apquinmamcaclha. Appamejitsa alhta: —Visqui aptamalma. ¿Jalhco sat otnejic, yoyam momasquingvomoc? —alhta aptomjac.

SAN LUCAS 24:45

Apyascasingvocmec alhta Jesús actemaclha aclhanma vaycajac actalhesomalhca nano.

LOS HECHOS 16:14

Innec alhta lhama quilvana acvisay Lidia. Tingma Tiatira alhta inquinyemac. Alhacjam alhta mataa apava apquilyapamatem apquilyilhyevay. Inquilmalhnaquic alhta mataa Dios Ingyapam. Injalhnoc alhta ningiltimnaycam Visqui ingac alhta aptimesquiscama, yoyam colcojoc avalhoc apquiltimnaycam Pablo.

LOS HECHOS 26:18

Ongvapajacsic sat lhip, yoyam elvitasiclha olhma enlhitaoc. Yoyam meleyoc mocjam yatesaclhilhma, eyca eleyoc sat ayitsayoclhilhma. Yoyam melyiplaclha Satanás acmovan, eyca elyiplovjoc sat Dios Ingyapam. Yoyam mejelyascamejec sat coo najan yoyam colmascosalhca melyascalhma. Yoyam najan elpalhacsacpoc enlhit apquilponquinomap” —alhta aptomjac Jesús seyanya coo —alhta aptomjac Pablo.

ROMANOS 11:29

Memyongvoclhejec mataa Dios singaycaoc ningillhoy nincoo. Melvatescamejec najan singilanem, malha singilevoycam.

ROMANOS 2:4

¿Aptomja ya lhquip apvinéycam Dios aptomja singasicjayo najan aptomja singiljalhanma? ¿Apyasamco ya lhquip aptemaclha Dios? Apquiltamjoc Dios yoyam eyanmongsic apvalhoc lhip ayinyema singasicjayo.

2 CORINTIOS 4:4

Ayinyemaclha apquilyascacmec tasic amyaa as enlhitaoc. Yatescamalhma intimescasac apquilvalhoc somquic quilyicjamo. Yoyam melvityejec sat ayitsayolhma actamila ayinyema tasic amyaa najan ayitsayolhma ayinyema Cristo. Ayinyemaclha Cristo apnoc Dios yoyam ongvita.

2 CORINTIOS 4:6

Aptomjac nic nat Dios: “Colsacsic sat olhma naysicsa yatescamalhma” —nic nat aptomjac. Eyca as Dios aptomja apquitsasquiscama olhma ingilvalhoc. Apquiltamjoc Dios yoyam ongyicpilcojo ayitsayolhma apanco, acyitna apvalhoc Jesucristo.

GALATAS 5:5

Apnec nincoo ingilvalhoc Espíritu apanco Dios ayinyema mongyasquiyam. Yitnec aljalhneycam ingvalhoc yoyam jingiltimesic ningilpeyvomo Dios.

EFESIOS 1:11

Nincoo ningiltomja ninpasmeyquiclha Cristo. Ayinyemaclha Dios aptomja singilyacyescama siclhoc anco yoyam ongillhovac asoc singaycaoc. Eycaso appenescamo ilhnic nat aclhanma apvalhoc Dios. Aptimec mataa Dios actemaclha apquiltamjoclha etnejic.

EFESIOS 1:7

Avanjec anco singasicjayo Dios. Apyinyovquic Apquitca singyanmongam yoyam jingilvomsic tap. Apmascosquic mongilyascalhma ayinyema apquitsepma singilyanmongam.

EFESIOS 2:12

Mepqui Cristo alhta apquileyvam quellhip. Am nic nat elpalhavocmoc quellhip enlhitaoc Israel apquiltomja Dios apquilyacyescama. Am nic nat elyasamcoc quellhip asoc monquinatquiscama apmayjayoclha Dios, ayinyema aplhanmaclha nic nat Dios actomja nasoc anco. Mepqui aljalhneycam apquilvalhoc alhta quellhip. Najan mepqui allhanma apquilvalhoc alhta Dios quellhip naysicsa apquileyvam as nalhpop.

EFESIOS 3:16

Almalhnescasquic quellhip Ingyapam yoyam colyimnac almam apquilvalhoc ayinyema Espíritu apanco. Ayinyemaclha cotlaycaoc asoc altamila acnaycaoc Dios Ingyapam.

EFESIOS 3:8

Coo sictomja moyimtalhnamo, am olhnoc coo enaymacoc Dios apquilyacyescama. Seyimlaycmo alhta Dios. Eyasinaquic alhta yoyam olngacsic nipyesicsa enlhitaoc lhalhma anco actemaclha cotlaycaoc singaycaoc cotmongvoyam nelha ayinyema Cristo.

EFESIOS 4:1

Acnec coo singilpilhtetomaclha, malha sicmomalhca ayinyema Visqui ingac. Altamjoc coo yoyam eltamilsacpojo apanco quellhip apquiltomja Dios apquilyacyescama malha Dios apquevoycam.

EFESIOS 4:4

Quellhip apquiltomja malha lhama apyovoclhojo najan apvamlha lhama Espíritu apanco Dios apna apquilvalhoc najan acvamlha lhama actemaclha aljalhneycam apquilvalhoc ayinyema Dios aptomja apquevoycam quellhip.

EFESIOS 5:8

Quellhip apquiltemaclha nano acvisay apquileyvam naysicsa yatescamalhma. Quilhvo eyca apquiltomja apquilpasmeyquiclha Visqui ingac apquiltomja apquileyvam naysicsa ayitsayolhma. Eltime sat quellhip enlhit apquilsasquiscamalhma.

FILIPENSES 3:14

Altamjoc ovomjoc actomjaclha nelha yoyam olhcac acyanmongam acmamnave ayinyema Dios. Aplhanma yoyam jimquesic, ayinyemaclha sicyipitcayo Cristo Jesús.

COLOSENSES 1:12

Eltimjic sat gracias Ingyapam naysicsa acpayjayclha apquilvalhoc. Apquiltamjoc yoyam ellhovac quellhip apmescama apquilpasmeyquiclha Dios apquilyacyescama naysicsa ayitsayoclhilhma apanco.

COLOSENSES 1:23

Elinlhanmojo sat quellhip apquilyiplovquiscama actemaclha melyasquiyam. Noelojo nasa comasquingvomoc aljalhneycam apquilvalhoc ayinyema tasic amyaa apquillingay alhta quellhip. Inpayesalhquic alhta as amyaa nac jay lhalhma anco. Coo nac Pablo siyanyomalhca otnejic sicsoycam amyaa.

COLOSENSES 1:27

Apquiltamjoc Dios yoyam ellhicmosacpoc enlhitaoc lhalhma anco asoc acyilhomalhca nano, acvisay cotlaycaoc asoc altamila. Eycaso acvisay asoc acyilhomalhca: Cristo aptomja apyipitcayo quellhip. Yitnec najan aljalhneycam apquilvalhoc yoyam elvitac ayitsayoclhilhma actamila yoyam covac sat.

COLOSENSES 1:5

Yitnec quellhip aljalhneycam apquilvalhoc asoc acnaycaoc netin yoyam ellhovac sat. Inquillhenalhquic alhta as asoc naysicsa apquillingay quellhip tasic amyaa Dios appayvam actomja nasoc anco.

COLOSENSES 2:2

Altamjoc coo mataa yoyam colyimnac acliclamo apquilvalhoc. Yoyam eltimjic lhama apquilpasmeyquiclha. Yoyam najan elyasingvomoc actemaclha cotlaycaoc asoc altamila, acvisay asoc acyilhomalhca ayinyema Dios. Eycaso apvisay Cristo.

COLOSENSES 3:15

Elane sat coytic actamilaycam apquilvalhoc ayinyema Cristo. Eycaso actomja apmayjayoclha Dios. Apquiltamjoc eltimjic apquilpasmeyquiclha quellhip, malha alyiptetaclha acyitna ningyovoclhojo nincoo. Eltime sat mataa gracias Dios Ingyapam.

1 TESALONICENSES 2:12

Ningiltimnaseclhec alhta quellhip yoyam eltamilsacpojo apanco quellhip napato Dios. Apquiltamjoc Dios yoyam elpasmoc quellhip apquilnancascama najan gloria aptemaclha apyimtalhnamo.

1 TESALONICENSES 5:8

Incaymalhquic ontimjic mepqui singilyeyjamelhma ayinyemaclha nincoo ningileyvam acnim anco. Yitnec mataa apquilajapquiscama apnenyaoc singilpilhtetemo najan apquilajapquiscama apcatcoc naysicsa apquilnapomap. Incaymalhquic nincoo lha coytic mongyasquiyam najan ningilasicjayo najan aljalhneycam ingvalhoc ongilvomsalhca tap.

2 TESALONICENSES 1:11

Eycaso ayinyema ningilmalhnesquiscama mataa quellhip Dios Ingyapam yoyam elpasmoc quellhip lha apvactamo sat Visqui ingac. Ningilmalhnescasquic najan yoyam elpayesiclhac apquilvalhoc quellhip naysicsa apquilyiplovquiscama asoc altamila. Yoyam najan elyimnaticsojoc Dios naysicsa apquiltamjaycam quellhip ayinyema melyasquiyam.

2 TESALONICENSES 2:16

Jesucristo Visqui ingac najan Dios Ingyapam aptomja singilasicjayo nincoo. Dios singaycaoc ayinyema ningillhoy acpayjayclha ingvalhoc cotmongvoycamlha nelha najan aljalhneycam ingvalhoc actamila.

1 TIMOTEO 6:12

Ivascap sat actemaclha mongyasquiyam, malha ningilnapomalhca. Ipatjit sat acyimnatem ingnenyic cotmongvoyam nelha actemaclha Dios apcanama alhta lhip. Aplingasquic alhta lhip actemaclha meyasquiyam napatavo aplhamoclhojo enlhit.

TITO 2:13

Apquiltamjoc yoyam ongilaylhic acnim yoyam ongvita Dios apyimtalhnamo najan Visqui ingac Jesucristo aptomja singvomquiscama tap.

TITO 3:7

Ingiltimescasquic ningilpeyvomo ayinyema singamliyam apanco. Ongillhovac sat acyimnatem ingnenyaoc cotmongvoycamlha nelha, actemaclha aljalhneycam ingvalhoc.

HEBREOS 10:32

Colyit apatic quellhip nintamin alhta. Apquilyanmoncasquic alhta apquilvalhoc quellhip, malha apquilvitay ayitsayolhma alhta intomjac. Apquilinlhanacmec quellhip naysicsa apquillingaycamco acmasca, malha apquilnapomap alhta intomjac.

HEBREOS 6:4

Mongvanquejec nincoo lhama asoc: Ningvitac sat ancoc ayitsayolhma, ningyipconquic sat ancoc singaycaoc ayinyema Dios, ningillhocac sat ancoc Espíritu Santo,

1 SAN PEDRO 1:3

Pac ongilavojoc sat mataa Dios Ingyapam najan Jesucristo Visqui ingac. Avanjec alhta singamliyam Dios. Ingiltimescasquic alhta ingjalhnancaoc singmescama ingvalhoc alhnancoc, ayinyema aplhaticjangvoycamlha Jesucristo nipyesicsa apquilmasquingvaycmo. Singmescama alhta aljalhneycam ingvalhoc alhnancoc.

1 SAN PEDRO 3:9

Noelyanmongsiclha nasa apquiltovasomap quellhip najan apquiltanovmap quellhip. Elilmalhnesquis sat mataa aptomja aptanoncama yoyam epasmoc Dios. Ayinyemaclha apquilyacyesquic alhta quellhip Dios yoyam epasmoc sat mataa.

1 SAN PEDRO 5:10

Apquillingamcoc sat ancoc acmasca quellhip acyavataclhojo. Dios sat elpenacsojo quellhip najan elyimnaticsojoc sat quellhip najan epasmoc yoyam elinlhanmojoc quellhip. Ayinyemaclha Dios aptomja singmescama cotlaycaoc singaycaoc. Apquiltamjoc yoyam ongnam sat lhama Jesucristo aptomja apyimtalhnamo cotmongvoycamlha nelha.