EFESIOS 1:17 - Enhlit Bible

¹⁷ Dios aptomja Jesucristo Visqui ingac Apyap najan aptomja Ingyapam apyimtalhnamo. Almalhnescasquic coo mataa yoyam ellhovac quellhip actemaclha ningyascamco najan actemaclha singyascasingvoyam ayinyema Espíritu apanco Dios. Coyangvomoc sat apquilyasingvoyam quellhip aptemaclha Dios.

EFESIOS 1:17 Iomraidhean Croise

1 CRÓNICAS 29:11

¡Lhip nac apyimtalhnamo, najan apmopvan, najan mayayo, najan apyimnatem apanco Visqui ingac! Lhip apanco aclhamoclhojo asoc netin najan as nalhpop. Lhip apanco apcanamaclha lhalhma anco, aptomja apyimtalhnamo apanco, am elhno poc.

JOB 42:5

Aclingac alhta amyaa aplhenacpo lhip. Quilhvo eyca sicvita lhip najato.

SALMOS 24:10

¿Soc enlhit apvisay Apvisqui apyimtalhnamo? Apvisay Apvisqui apyimtalhnamo nipyesicsa aplhamoclhojo apquilancam.

SALMOS 24:7

Eltime sat nitnoc atong alyivey. Eltime sat alyivey apatong tingma acyitna nano. Etalhningvac sat Apvisqui apyimtalhnamo.

SALMOS 29:3

Cayjec appayvam apanco Dios Visqui ingac tacjalhit yingmin acvanyam. Cayjec appayvam apanco Dios Visqui ingac ayilhtingyavoyam. Visqui apyimtalhnamo tacjalhit yingmin acvanyam.

ÉXODO 28:3

Itingya sat lhip enlhit apquilmopvan apquillanay apava apquilantalhnama aptema nac jay, ayinyema coo sicmescama apquilmopvan. Ellanac sat apava apquilantalhnama Aarón, aptomja sacerdote apyimtalhnamo najato.

PROVERBIOS 18:15

Inlhenquic mataa ingvalhoc, yoyam coyangvomoc actemaclha ningyascamco. Ningiljalhnoc mataa singyascasingvoyam, comoc sat ingilvalhoc.

PROVERBIOS 2:5

Eyasamcojoc sat actemaclha ningayo Dios Visqui ingac, najan eyicpilcangvomoc sat lhip apvisay Dios.

ISAÍAS 11:2

Elhic sat mataa espíritu apanco Dios apvalhoc maa. Colhic sat acyascamco apvalhoc, najan acyimtalhnamo apvalhoc, najan acmovan apvalhoc, najan acyicpilquemo apvalhoc, najan alyajayquiclho apvalhoc napato Dios.

JEREMÍAS 2:11

¿Naso ya apquilyamasma quilaycmasquiscama enlhitaoc, yoyam elmoc najan eltimjic apquilayo moc quilaycmasquiscama? ¡Mepqui acmovan as quilaycmasquiscama! Coo alhta selayo apquilmolhama Israel, apquiltomja selyamasma coo. Apquiltingyac mataa quilaycmasquiscama mepqui acmovan.

JEREMÍAS 24:7

Elyicpilcojoc sat sicvisay Dios Visqui apancaoc, otnejic sat enlhit ajancaoc, otnejic Visqui apancaoc nipyesicsa maa. Elyanmongsic sat apquilvalhoc as enlhitaoc, jelyotac sat maa — alhta aptomjac Visqui ingac.

JEREMÍAS 31:34

Coymalhquejec sat, yoyam eltamsacpoc ingmoc najan ningmolhama, elyicpilcojoc sat Dios. Elyiplovcasojoc sat Dios apyovoclhojo enlhitaoc, najan apquilvanyam, najan apquitcavoc. Omascocsic sat apquiltemaclha apquilsilhnanomap apanco, jelvoncamoc sat apquiltemaclha melyascalhma nano. Nasoc sicpayvam sicvisay Dios — alhta aptomjac.

JEREMÍAS 9:24

Yitnec sat ancoc ayajamalhco apvalhoc enlhit, elhenic sat sicvisay sictomja Visqui apanco. Coo sictimesquiscama as nalhpop nintemaclha ningasicjayo, najan actemaclha acpeyvomo, sictomja sicyisponcama as actemaclha — alhta aptomjac Visqui ingac.

DANIEL 10:1

Invocmec nic nat tercer año aptimem apvisqui Ciro co Persia. Apnec nic nat Daniel, moc apvisay Beltsasar. Invitac nic nat apvanmoncama, malha mepqui apyascamco actemaclha maa. Avanjec nic nat alquitameycam apvalhoc, acvaycmo apyasingvoyam acvitay apvanmoncama.

DANIEL 5:11

Apnec lhama enlhit as ningileyvomaclha, apna apvalhoc espíritu apanco Dios. Apvitac alhta lhip apyap ninga, apya'monquiscama lhip apvisqui, aptemaclha apyascamco as enlhit, acno alyascamco nincoo dioses quilaycmasquiscama ingancaoc. Aptimescasquic alhta apyap ninga Nabucodonosor, etnejic as enlhit apquimja apmamyi nipyesicsa apquilyojolhma, najan apquilyascamco actemaclha ingjangaoc, najan apquilyascamco apquiltemaclha, najan apquilyascamco apyová.

SAN MATEO 11:25

Yejemoc alhta aptomja apquilmalhna Jesús: —Ingyapam netin (coo Tata), lhip nac Visqui netin najan as nalhpop. Inlhenquic coo evalhoc lhip. Apyilhascasquic lhip as asoc enlhitaoc apquilyascamco lhalhma anco (najan enlhit acma apvalhoc). Am eyilhascasac lhip as asoc enlhit melyascamco malha sicaa.

SAN MATEO 11:27

‘Aptomjac alhta Jesús apquilanya: Elmesquic coo Tata aclhamoclhojo asoc sicmovan. Paj lhama apyascamco sicvisay Apquitca. Apvamlha coo Tata apyasamco. Paj lhama apyascamco apvisay coo Tata. Acvamlha coo sicyascamco apvisay coo Tata. Najan maa apquilyasamcoc sictomja silyascasingviyam apvisay coo Tata.

SAN MATEO 16:17

Aptomjac alhta Jesús apcanya Pedro: —Apquilinyejemo nac lhip Simón, Jonás apquitca. Am conyemac enlhit apyasingvoyam lhip as asoc. Coo Tata apna netin eyca aptomja apyascasingviyam.

SAN MATEO 20:33

Apquilatingmavoc alhta: —Visqui, ningiltamjoc ongilviticlha olhma —alhta apquiltomjac.

SAN MATEO 6:13

Nongyane nasa ongilyejiclhojo singyipconma. Jingmiyov nincoo naysicsa acvoya somquic quilyicjamo. [Apvamlha pac lhip aptomja Apvisqui najan acma apmopvan najan mayayo cotmongvoycamlha nelha. Amén.]

SAN LUCAS 12:12

Cotlapsic sat elhicmocsic quellhip Espíritu Santo, yoyam elatingmojo quellhip —alhta aptomjac.

SAN LUCAS 2:14

Gloria apcapongmatem Dios apna netin. Coltamilsojoc apquilvalhoc enlhit apquilasicjayo Dios Ingyapam —alhta apquiltomjac.

SAN LUCAS 21:15

Olmesic sat apquilpayvam najan apquilyascamcolhma quellhip. Colapvanquejec sat cotnaja ingmoc elatingmojo najan elyacsilhma apquilpayvam.

SAN JUAN 14:17

Colapvanquejec enlhit lhalhma anco ellhovac Espíritu nac maa. Colapvanquejec elvita najan elyicpilcojo. Quellhip eyca apquilyicpilcoc, ayinyemaclha elhojoc sat mataa lhama quellhip. Elhic sat najan apquilvalhoc quellhip.

SAN JUAN 14:26

Evac sat Espíritu Santo, yoyam epasmoc quellhip. Coo Tata sat ingyapajacsic actemaclha aplhanma sicvisay. Elyascasingvomoc sat Espíritu Santo aclhamoclhojo asoc. Elyasingvoclhojoc sat quellhip actemaclha siltimnascama mataa quellhip.

SAN JUAN 16:3

Elvajanamcoc sat apquiltemaclha apancaoc. Ayinyemaclha am elyicpilcangvocmoc Dios Ingyapam. Am najan jelyicpilcangvocmoc coo lha.

SAN JUAN 17:3

Apquiltamjoc lhip, yoyam elyicpilcangvomoc enlhitaoc, lhip aptomja Dios Ingyapam apvamlha pac lhama aptomja nasoc anco. Yoyam elyicpilcangvomoc sicvisay Jesús sictomja Cristo aptomja lhip apcapajascama. Eyca as acvisay acyimnatem ingnenyic cotmongvoycamlha nelha.

SAN JUAN 20:17

Aptomjac alhta Jesús apcanya quilvana: —Avanquic lhiya jemamcoc coo. Am omyaclhac mocjam netin apnaclha coo Tata. Coltimnasquiclha sat elyalhinga. Cotne sat canic lhiya: Omyaclhac sat apnaclha coo Tata aptomja najan apquilyap quellhip. Apnaclha Dios ajanco najan quellhip Dios apancaoc —alhta aptomjac.

LOS HECHOS 6:10

Am alhta colapvancaac elyacsilhma appayvam. Apquiltimnasam alhta actemaclha apyascamco apna apvalhoc Espíritu Santo.

LOS HECHOS 7:2

Apcatingmavoc alhta Esteban: —Quip elaylhojo, elyipmaa najan elyapmayc. Apvitomacpec nic nat Dios apyimtalhnamo. Ningilyeyjamcaa Abraham nic nat apvitay. Apmaclha ilhnic nat Mesopotamia. Amamyi ilhnic nat yoyam elhnamoc tingma Harán.

ROMANOS 1:28

Am colyacmoc as enlhitaoc elyasamcojo aptemaclha Dios. Am alhta elyasalhma Dios apquiltemaclha apancaoc. Apquilyiplovcasquic alhta alquitamsama apquilvalhoc almasomcaa, yoyam elvajanamcoc apquiltemaclha apancaoc.

ROMANOS 15:6

Yoyam coyeycajalhquejec moc apquilvalhoc naysicsa apquilayo quellhip Dios Ingyapam najan Jesucristo Visqui ingac.

1 CORINTIOS 12:8

Apvanquic mataa poc elhicmocsic actemaclha apyascamco ayinyema Espíritu apanco Dios. Poc mataa apmopvan apanco yoyam elhicmocsic Dios appayvam acyilhomalhca ayinyema Espíritu apanco Dios.

1 CORINTIOS 14:6

Acvoclhec sat ancoc nipyesicsa quellhip, ¿evanqui ya olpamejitsic moc actemaclha sicpayvam yoyam colyimnatesquisic apquilvalhoc quellhip? Ayanayquic coo, paj. Actamila anco oltimnacsic quellhip actemaclha singyascasingvoyam Dios najan actemaclha ningyascamco actomja nasoc anco najan actemaclha amyaa ayinyema Dios najan actemaclha singillhicmoscama.

1 CORINTIOS 2:10

Eyca as asoc aptomja singyascasingvoyam Dios ayinyema Espíritu apanco. Espíritu apanco Dios aptomja apyicpilquemo aclhamoclhojo asoc. Apyicpilcoc najan Espíritu actemaclha apvalhoc Dios.

1 CORINTIOS 2:8

Am elhnam lhama apvisqui apyimtalhnamo apyasingvoyam actemaclha ningyascamco ayinyema Dios. Apquilyasingvocmec alhta anco, colapvanquejec alhta elyipitsic asoc timyescama Visqui ingac apyimtalhnamo.

2 CORINTIOS 12:1

Alhto inyicje actemaclha siyajamalhco ajanco. Movanquejec lhac mepqui siclhanma. Altamjoc oltimnacsic quellhip actemaclha sicvitayo ningaat najan asoc acyilhomalhca, actemaclha selhicmoscama Visqui ingac.

EFESIOS 1:3

Pac ontimjic mataa ningayo Dios aptomja Jesucristo Visqui ingac Apyap. Ningillhocac nincoo aclhamoclhojo actemaclha singaycaoc ayinyema netin. Eycaso ayinyema ningilpasmeyquiclha Jesucristo.

EFESIOS 3:5

Am nic nat elyascacmoc enlhitaoc asoc acyilhomalhca. Quilhvo eyca apquillhicmosquic Dios asoc acyilhomalhca nipyesicsa apóstoles najan profetas Dios apquillingascama ayinyema Espíritu apanco.

EFESIOS 4:13

Apquiltamjoc yoyam ontimjic ninpasmeyquiclha ayinyema mongyasquiyam. Apquiltamjoc yoyam ongilyasingvomoc aclhamoclhojo aptemaclha Dios Apquitca. Apquiltamjoc yoyam coyangvomoc mongyasquiyam, malha acvoyam nelha ningváneycaoc. Yoyam ongilinmalhingvoclhac sat aptemaclha Cristo.

FILIPENSES 3:15

Quellhip najan. Inyangvocmec sat ancoc melyasquiyam, elyiplovcasojo actema nac siclhanma lhac. Yitnec sat ancoc quellhip allhanma apquilvalhoc ayaymomalhca moc asoc yoyam elyiplovcasojo, Dios Ingyapam sat elyascasingvomoc quellhip.

2 TIMOTEO 2:25

najan naysicsa aptamilquiscasquiclha apquilvalhoc enlhit apquiltomja apquillom. Apvanquic Dios eltimesquisic yoyam elyanmongsic apquilvalhoc as enlhitaoc. Yoyam najan elyicpilcangvomoc actomja nasoc anco.

TITO 1:1

Coo nac Pablo sictomja Dios apquilancam. Sictomja najan apóstol siyapajasomalhca ayinyema Jesucristo. Inlhenquic evalhoc lhip Tito, ayinyemaclha lhip aptomja malha sictamongvoyam ayinyema mongyasquiyam actomja seyipitquiscama lhip. Altamjoc coo yoyam epasmoc lhip Dios Ingyapam najan Jesucristo Visqui ingac aptomja singvomquiscama tap yoyam najan ingyimlimojo najan coytic actamilaycam apvalhoc. Eyasinaquic alhta Dios yoyam otnejic sicsoycam actemaclha mongyasquiyam nipyesicsa Dios apquilyacyescama. Yoyam elyasingvomoc actemaclha amyaa actomja nasoc anco najan actemaclha ningiltamilsomalhco inganco. Yoyam coytic aljalhneycam apquilvalhoc actemaclha acyimnatem ingnenyic cotmongvoycamlha nelha. Metnejec apmopvan amyaa Dios. Aplhenquic nic nat Dios siclhoc anco yicpintama apquillanay as nalhpop yoyam jingilmesic acyimnatem ingnenyic. Ingmesquic quilhvoc as ningvamlha nac jay yoyam ongilyasingvomoc actemaclha acyimnatescama ingnenyic. Eyasinaquic alhta yoyam opayecsic as amyaa. Ayinyema alhta seyanama Dios aptomja singvomquiscama tap.

SANTIAGO 2:1

Quellhip elyalhinga. Quellhip apquiltomja melyasquiyam Jesucristo Visqui ingac aptomja apyimtalhnamo. Noelyacyes nasa quellhip nipyesicsa enlhitaoc yoyam eltimjic apquilayo najan poc melayo.

2 SAN PEDRO 1:3

Apmopvan innac Dios. Ingilmasquic aclhamoclhojo asoc alaymomalhca nincoo yoyam ongiltimjic nasoc anco ningilayo Dios. Ningilyicpilcangvocmec nincoo Dios aptomja apyimtalhnamo, aptomja singilanem ongilyoclhojo apnaclha.

2 SAN PEDRO 3:18

Elyasingvom sat mocjam actemaclha singasicjayo Jesucristo Visqui ingac aptomja singvomquiscama tap. Pac ongiltimjic ningilayo Visqui ingac quilhvo nac jay acvocmo actamongvomlha nelha acnim. Amén.

EL APOCALIPSIS 7:12

Apquiltomjac alhta ángeles apquilyimnatesa apquilpayvam: Amén, nasoc anco. Colhic sat mataa ayaco Dios najan gloria apyimtalhnamo najan apyascamcolhma najan colhic sat actimesa gracias najan apmopvan najan apyimnatem cotmongvoycamlha nelha. Amén —alhta apquiltomjac.