EFESIOS 1:14 - Enhlit Bible

¹⁴ Ningillhocac nincoo amamyi Espíritu Santo yoyam monquinatsejec actomja nasoc anco, yoyam ongilvomsalhcac sat tap ningiltomja apquitquic. Pac ontimjic ningilayo Dios aptomja apyimtalhnamo.

EFESIOS 1:14 Iomraidhean Croise

SALMOS 74:2

Coyit apatic lhip singilyacyescama nano. Ontimjic sat lhip apnaymacoc. Coyit apatic lhip inquilhe Sión, apmaclha lhip nano.

SALMOS 78:54

Innec nic nat acnalantama Dios apquilyacyescama moc yoclhilhma. Innec nic nat acnalantama inquilhe alvinatem, actomja Dios apanco.

SAN LUCAS 21:28

Apquilvitac sat ancoc actomja siclhoc as asoc elinmelhojo sat quellhip. Elimpasiclha netin apcatcoc. Ayinyemaclha camquitvaac ningilvomsomalhca tap —alhta aptomjac.

LOS HECHOS 20:28

Eltamilsacpojo apanco quellhip. Eltamilquis sat najan apquilanacpo Jesucristo apmolhama, malha quilancam nipquesic apquiltamilquiscama apnatoscama. Quellhip apquiltomja apquilimja apmamyi ayinyema Espíritu Santo yoyam eltamilsic Jesucristo apmolhama. Apyanmoncasquic alhta em pac Jesús apmolhama.

LOS HECHOS 20:32

“Quellhip elyalhinga. Quilhvoc altamjoc eltamilsic quellhip Dios Ingyapam najan appayvam singmescama. Yitnec apmopvan, yoyam elyimnaticsojo apquilvalhoc quellhip. Apvanquic najan elpalhatesic quellhip nipyesicsa enlhit apquilponquinomap.

ROMANOS 8:23

Jave acvamlha aclhamoclhojo asoc allingaycamco acmasca. Najan nincoo lha ningilmiyovsica acyitna ingvalhoc Espíritu apanco Dios singmescama ingmamyi Dios. Ningiljalhnec nincoo yoyam onlhojoc sat lhama Dios ningiltomja apquitquic. Yoyam najan cotniclha moc actemaclha ningilyovoclhojo, am colhno actemaclha ningilyovoclhojo as nalhpop.

1 CORINTIOS 1:30

Quellhip apquiltomja apquilpasmeyquiclha Cristo ayinyema Dios. Cristo ayinyema actemaclha ningyascamcolhma najan actemaclha ningilpeyvomo najan actemaclha ningiltamilcasomalhco inganco najan actemaclha ningilvomsomalhca tap. Eycaso ayinyema apmayjayoclha Dios.

2 CORINTIOS 1:22

Ingilcajasquic nincoo Dios yoyam cotnatsalhquejec ningiltomja apquitquic. Appiquinquic ingilvalhoc Espíritu Santo actomja ningillhoy amamyi. Ongillhovac sat mocjam tap cotlaycaoc asoc.

2 CORINTIOS 5:5

Dios aptomja singillanesquiscama yoyam ongvita as asoc. Appiquinquic ingvalhoc Espíritu Santo actomja ningillhoy amamyi. Ongillhovac sat mocjam tap cotlaycaoc asoc.

GALATAS 4:6

Cotnatsalhquejec sat ningiltomja Dios apquitquic. Ayinyemaclha appiquinquic Dios ingvalhoc Espíritu apanco Apquitca. Intomjac mataa ingilvalhoc ayinyema Espíritu apanco: “Tata” —intomjac mataa.

EFESIOS 1:11

Nincoo ningiltomja ninpasmeyquiclha Cristo. Ayinyemaclha Dios aptomja singilyacyescama siclhoc anco yoyam ongillhovac asoc singaycaoc. Eycaso appenescamo ilhnic nat aclhanma apvalhoc Dios. Aptimec mataa Dios actemaclha apquiltamjoclha etnejic.

EFESIOS 1:12

Ningiljalhanmec nat nincoo yoyam evac Cristo singvomquiscama tap. Quilhvo eyca pac ontimjic ningilayo Dios aptomja apyimtalhnamo apanco.

EFESIOS 4:30

Noelyitnocjas nasa apvalhoc Espíritu Santo apquinyema Dios. Ayinyemaclha acyitna quellhip apquilcajascama Espíritu apanco Dios, apquiltomja apquitquic. Yoyam elvomsacpoc sat tap actamongvomlha nelha acnim.

1 SAN PEDRO 2:9

Quellhip apquiltomja Dios apquilyacyescama. Quellhip apquiltomja Dios apquilancam Visqui apmolhama. Quellhip apquiltomja enlhitaoc apquilponquinomap, apquiltomja Dios apmolhama. Apquiltamjoc Dios yoyam ellingacsic quellhip aptamjaycam sinpilapquiscama. Aptomja najan apquilanama quellhip yoyam elvatsamcoc quellhip apquileyvam naysicsa yatescamalhma yoyam elvomoc ayitsayoclhilhma actamila.