ECLESIASTÉS 9:3 - Enhlit Bible

³ Acno moc mataa actamongvamlha nelha, actomja coliclama ingvalhoc. Inyangvocmec mataa apquiltemaclha apancaoc enlhit apquilmapsomcaa. Nelha sat cotnejic ningitsepma.

ECLESIASTÉS 9:3 Iomraidhean Croise

GÉNESIS 6:5

Apvitac nic nat Dios Apyimtalhnamo apquiltemaclha apquilmapsomcaa enlhitaoc lhalhma anco. Inquilquitamquic nic nat mataa apquilvalhoc asoc almasomcaa.

GÉNESIS 8:21

Inticjancasquic nic nat Dios Apyimtalhnamo actemaclha acmasis. Intomjac nic nat apvalhoc Dios Apyimtalhnamo: —Motvacsejec sat mataa as nalhpop ayinyema apquilsilhnanomap apanco enlhitaoc. Asomcoc mataa alquitamsama apquilvalhoc enlhitaoc ayenmo aptemaclha apquitcoc. Motvacsejec sat mataa aclhamoclhojo asoc aleyvam lhalhma anco. Motniclhejec sat mocjam sictomjaclha alhta.

JOB 15:16

Apquiltanovacpec enlhit napato Dios, ayinyema aptemaclha apanco aclhamoclhojo acnim, acno ningyam yingmin aclhamoclhojo acnim.

JOB 21:26

Apno mataa poc apquilatoynamap, congne malhic aptoycamco yapa apjapaoc maa.

JOB 9:22

Inlhenquic mataa evalhoc: Ongmatong (onticyoc) sat ningno poc, najan apsilhnanomap apanco, najan mepqui apsilhnanomap apanco.

SALMOS 51:5

Naso, sicmasom coo ayenmo sictiyaycamlha. Sicmasom nac coo ayenmo motyaycamlha coo.

SALMOS 64:7

Elyimsasic sat Dios apyingam yanca pac. Cotlapsic sat ellingamcojo apquilyimsem.

PROVERBIOS 14:32

Ongiltovasalhcac sat, acyitna inlhojo nintemaclha inganco acmasom. Ongmiyovalhcac sat, acyitna inlhojo nintemaclha acpeyvomo.

ECLESIASTÉS 12:7

Natamin acvisay lhopactic cotniclhac sat mocjam lhopactic. Cotajojoc sat apnaclha Dios ningvanmoncama espíritu inganco, aptomja singmescama siclho Dios Visqui ingac.

ECLESIASTÉS 2:14

Apvitac mataa amay enlhit apyascamco, am etaac amay naysicsa yatescama olhma enlhit mepqui apyascamco. Cotnejic sat nalhit acnim acno moc.

ECLESIASTÉS 7:2

Actamila anco ongilpasmoc ningatoynma enlhit, am colhno ningitsovasomalhca. Ningatoynma actomja singyascasingvoyam actemaclha nelha nintiyascam nincoo.

ECLESIASTÉS 7:25

Natamin actingyac alhta moc actemaclha sicyasingvoyam. Altamjoc oyasamcojo ayinyemayaclha acmasom ingvalhoc, ¿naso ya ayinyema nintemaclha inganco?

ECLESIASTÉS 8:11

Am alhta elyanmoncasac apquiltemalcha apancaoc apquilmapsomcaa, yiplovcoc alhta aclhanma apquilvalhoc poc enlhit, elvajanamcoc apquiltemaclha apquilmapsomcaa.

ECLESIASTÉS 9:11

Acvitac coo mocjam as nalhpop: Jave apquilvoyam apquilmamyi apquiltimesquiscama carrera. Jave apquilyimnatem apquiltimesquiscama apquilimpocjay. Jave enlhit apquilyascamco acyitnama aptoycaoc. Jave enlhit mayayo acma apquilnatam. Jave enlhit apquilmopvancaa, yoyam elmacpoc tacja. Cotlapsic sat mataa, acvaa inlhojo apquillingaycamco acyimtalhnama.

ECLESIASTÉS 9:2

Acno moc mataa actamongvamlha nelha: apquiltemaclha enlhit apquilpeyvomo najan mepqui apquilpeyvomo, najan enlhit apquiltamila najan apquilmapsomcaa, najan enlhit apcasicjamap najan aptanovmap napato Dios, najan apquiltingyey macmescama Dios najan mepqui asoc macmescama Dios, najan enlhit apsilhnanomap apanco najan mepqui apsilhnanomap apanco, najan aptomja aplhanma mepqui apyeycajascaoc najan aptomja apyeycajascaoc aplhanma.

ECLESIASTÉS 9:4

Yitnec mataa mongyasquiyam naysicsa ningileyvam. Intasi inyicje ningvita simjing mepqui ayitsepma, am colhno ningvitay yamacmeyva ayitsepma.

JEREMÍAS 16:12

Inyangvocmec quellhip apquiltemaclha apancaoc, am nat colhno apquiltemaclha apquilyeyjamcaa. Apquilyiplovcasquic aclhanmaclha apquilvalhoc quellhip, mepqui selyajayquiclho coo sicpayvam.

JEREMÍAS 17:10

Coo sicvisay Visqui sicyascamco actemaclha anco apquilvalhoc enlhit, najan alquitamsama apquilvalhoc enlhit. Oyanmongsiclhac sat mataa apquiltemaclha apancaoc enlhit, apquiltomja inlhojo apquilmapsomcaa. Ellhovamcoc sat acyanmongam enlhit apquiltamila.

JEREMÍAS 17:9

Yitnec mataa actemaclha anco ingilvalhoc, acmasom najan singyinimquiscama. Paj lhama enlhit apyascamco actemaclha anco ingilvalhoc.

SAN LUCAS 15:17

Yejemoc nic nat alquitama apvalhoc: “Aplhamoc apquilancam coo tata tingma pac. Am elsovjamac mataa aptoycaoc. Coo eyca pa ongvitsapoc seyajem mayc.

SAN LUCAS 6:11

Apquillovquic alhta. Apquilpamejitsacpec alhta aplhenacpo Jesús: —¿Jalhco sat ontimjic as enlhit? —alhta apquiltomjac apquilpamesma.

LOS HECHOS 12:23

Yejemoc alhta aptimesquisa acmasca apyimpejic ángel Dios apcasinancama. Ayinyemaclha mengyac apvisqui Herodes Dios Ingyapam. Ascoc alhta intavac apvalhoc. Apquitsepquic alhta apvisqui Herodes.

LOS HECHOS 26:11

Alyicpilhquetamquic alhta mataa enlhit melyasquiyam tasic amyaa congne apcaneyquiclhilha. Altamjoc alhta mataa olvatesquisamcoc melyasquiyam tasic amyaa. Alinlhanacmec alhta mataa siltanoncama as enlhitaoc. Acminlhinamquic alhta mataa moc yoclhilhma cotnajaclha siyaoclha —alhta aptomjac Pablo.

LOS HECHOS 26:24

Naysicsa appeyvescasquiclha Pablo apyimnatesa appayvam Festo: ¡Ayanem nac lhip Pablo! Lhip apyascamcolhma actimesquiscama ayanem —alhta aptomjac Festo.

TITO 3:3

Yitnec nat nincoo lha nintemaclha inganco, actemaclha mongilyascamco najan actemaclha mongilyajayquiclho Dios. Ningillhinganacmec nat ninlhamoclhojo. Ningyiplovcasquic nat actemaclha ayitsepma ingnenyaoc asoc almasomcaa. Najan actemaclha ningyasipquiscama ingmoc. Najan actemaclha ningiltanoncama ingnaymacoc najan actemaclha ningiltanovmalhca ningyesicsa.

2 SAN PEDRO 2:16

Apvitac nic nat acyanmongayclha aptemaclha acmasom: Inpametam nic nat yamelyeyjaycoc apquinamtem, malha enlhit appayvam. Incasquic nic nat apquinamtem actemaclha meyascalhma.