ECLESIASTÉS 8:1 - Enhlit Bible

¹ ¿Soc enlhit apyitsomacpo apyascamco apanco? ¿Ningyasamco ya nincoo ayinyemayaclha asoc? Altamila ingataoc najan actamila ningaat ayinyema acyascamco ingvalhoc.

ECLESIASTÉS 8:1 Iomraidhean Croise

GÉNESIS 40:8

Apquilatingmavoc nic nat: —Ningilvanmoncama ayinyemaclha. Paj lhama enlhit yoyam jingiltimnasiclha actemaclha singilvanmescama— nic nat apquiltomjac. Aptomjac nic nat José apquilanya: —Apvanquic Dios jingilpeyvescasiclha actemaclha alvanmescama. Jeltimnas siclho— nic nat aptomjac.

JOB 33:23

Nasoc lhaja epasingvotac lhama ángel, nipyesicsa mil apnaymacoc ángeles, eltimnasquitac sat yavamlha eltimjic.

ÉXODO 34:35

Yejemoc nic nat apcalasa mocjam napaat Moisés. Apsovjoc nic nat mataa aplhanma apcanamaclha Dios. Aptajavoc nic nat mocjam carpa apponquinomap Moisés.

PROVERBIOS 1:6

Ongilyasingvomoc sat apquilpayvam enlhit singiltamsoycaoc najan apquiltemaclha apquiltamilcasomacpo apanco, najan apquilyitquiscama, yoyam ongiltamsalhcac nincoo.

PROVERBIOS 12:8

Innec mataa ayaco enlhit, acyitna inlhojo acyascamco apvalhoc. Evennacpoc mataa enlhit, acyitna inlhojo acyeyjamelhma apvalhoc.

PROVERBIOS 17:24

Inlhenquic mataa ingvalhoc, yoyam coyangvomoc acyascamco ingilvalhoc. Am colhenac ingvalhoc actema nac jay, acyitna inlhojo acyeyjamelhma ingvalhoc.

PROVERBIOS 21:29

Yitnec mataa ningyinimquiscama ningiltomja ningilmasomcaa. Peyvoc mataa nintemaclha ningilpeyvomo, mepqui ningyinimquiscama.

PROVERBIOS 24:5

Tasic anco nintemaclha ningyascamco, am colhno nintemaclha ningyimnatem. Aptasic apanco enlhit apyascamco, am elhno enlhit apyimnatem.

DANIEL 2:22

Lhip appiquinaycaclha ayalhnaclhojo asoc alyilhamalhca. Lhip apyasamcoc asoc acnaycaoc yatescamalhma, lhip aptomja apquitsasquiscama olhma.

DANIEL 2:47

Aptomjac nic nat apvisqui rey apcanya Daniel: —Naso, apyimtalhnamo apanco Dios Apvisqui apancaoc quellhip, am elhno poc dioses mayayo. Aptomja Apvisqui Apyimtalhnamo nipyesicsa poc apquilviscaa. Apvanquic jingilyascasingvomoc asoc acyilhamalhca, lhip lhac appeyvescasquiclha — nic nat aptomjac apvisqui.

SAN MATEO 17:2

Yejemoc alhta aplhinganimcasacpojo Jesús napatavo apquillhalhmaa. Incapongmatquic alhta napaat, malha acnim alhta intomjac. Apquilyinmaclhec alhta apquilantalhnama, malha ayitsayolhma intomjac.

LOS HECHOS 4:13

Pilapcasquic alhta apquilyimtalhnamo apquillinga apquiltimnaycam Pedro najan Juan. Apyicpilcangvocmec alhta mesovjongvaycmo actemaclha aptalhesaycaoc enlhitaoc. Apyicpilcangvocmec alhta aptema alhta mataa apquillhalhmaa Jesús.

LOS HECHOS 4:29

Visqui ingac, quip ilanojo apquiltemaclha singilyamneycam. Iyimnaticsojo ingilvalhoc ningiltomja lhip apquilancam. Yoyam onlingacsic lhip appayvam mepqui ningay.

LOS HECHOS 6:15

Yejemoc alhta apquiltamsacpo apquilaneyo apquilviscaa apquilpamejitsomap. Malha ángel napaat alhta intomjac apquilano.

ROMANOS 13:5

Incaymalhquic nincoo ongilyejiclhojo apquilviscaa, cotnaja yoyam comascoc ningilay acyanmongayclha. Eyca ayinyema acyascamco anco ingvalhoc.

EFESIOS 6:19

Jelmalhnesquis coo lha yoyam jelhicmocsic Dios olngacsic appayvam. Yoyam olngacsic mepqui siyay asoc acyilhomalhca ayinyema tasic amyaa.

DEUTERONOMIO 28:50

Malha enlhit nipvajac sat eltimjic, elnapoc sat apquilvanyam najan apquitquic.

2 TIMOTEO 4:17

Epasmec alhta Visqui ingac, aptomja alhta seyimnatescama. Acsovjoquic siltimnascama tasic amyaa yoyam ellinga aplhamoclhojo enlhitaoc lhalhma anco. Evomcasquic tap Visqui ingac apnamcaclha cotnaja ingmoc, malha asoc navjac aclom setaclhama.

2 SAN PEDRO 1:20

Elyasamcojo quellhip: Copvanquejec enlhit elhicmocsic apanco Dios appayvam actalhesomalhca.