ECLESIASTÉS 7:9 - Enhlit Bible

⁹ Incaymalhquic coytic actamilaycam ingvalhoc. Aclom apvalhoc aptemaclha apanco enlhit acyeyjamelhma.

ECLESIASTÉS 7:9 Iomraidhean Croise

GÉNESIS 4:8

Nalhit acnim nic nat intomjac. Apquiltamjoc nic nat Caín eyantamac apyalhing Abel, yoyam etnejic aplhalhma. Apquilvoclhec nic nat amyip. Yejemoc nic nat aplova Caín. Apcajac nic nat apyalhing. Apquitsepquic nic nat Abel.

2 SAMUEL 13:22

Am nic nat epamejitcasac Absalón apipma Amnón. Avanjec nic nat aptanoncama Absalón, ayinyema aptovascama apyalhing Tamar.

2 SAMUEL 13:28

Aptomjac nic nat Absalón apquilanya apquilancam: Apquilvitac sat ancoc anmin ayajem Amnón. Ongvanic sat coo, elajic quellhip Amnón. Elaa sat mepqui apquilay. Eycaso coo sicpayvam. Elvascap, eltime sat apquilyimnatem — nic nat aptomjac Absalón.

2 SAMUEL 13:32

Apnec nic nat maa Jonadab, apyap nic nat Simea, apvisqui David apipma. Aptomjac nic nat Jonadab apcanya apvisqui David: —Jave apticyovam apyovoclhojo apquitquic. Apmatnec alhta apvamlha Amnón, ayinyema alhta aptovascama apyalhing quilvana Tamar.

2 SAMUEL 19:43

Apquilatingmavoc nic nat apquilmolhama Israel: —Asilhte apquiltingyey quellhip visqui ingac. Inyangvocmec nintingyey visqui ingac, malha diez veces. Nincoo ningmolhama ningilvisay nintiyam ingmamyi, quellhip malha ingyalhinga, mepqui mayayo. ¿So actomja yi singvennamcaa quellhip? Ingmamyi alhta nintingyey ontajicsojo visqui ingac — nic nat apquiltomjac. Avanjec nic nat apquilatingmoctama poc. Apquilvascapquic nic nat co Judá, asilhtec nic nat apquilvascapma co Israel.

PROVERBIOS 14:17

Nintemaclha ninlom ayinyema actemaclha acmasom ingvalhoc. Mepqui nintamongvaycmolhma nincoo, acyitna inlhojo actamilaycam ingvalhoc.

PROVERBIOS 14:29

Colhic sat ningyascamco nincoo, acyitna inlhojo actamilaycam ingvalhoc. Mepqui mataa ningyascamco, acyitna inlhojo actamjaycam ingvalhoc.

PROVERBIOS 16:32

Apyispaquic Dios actamilaycam ingvalhoc, am colhno ningvascapma ningilnapomalhca. Apyispaquic Dios ningiltamilcasomalhco inganco, am colhno ningilimpocjay tingma apquilvanyam.

PROVERBIOS 25:8

Mongvanquejec ongiltimnasiclhac quilhvoc anco singyicpilquemo, ningvita inlhojo asoc acmasom. Poc sat epeyvescasiclha amyaa, cotnejic ningmovan amyaa, ongilmancangvomoc sat nincoo.

ECLESIASTÉS 7:10

Jave nintemaclha nano actomja actamila anco, am colhno nintemaclha as ningvamlha nac jay. Cotnaja ninlhanma actema nac jay, ningilvisay ningyascamco.

JONÁS 4:3

Dios Apyimtalhnamo, imascos sat lhip sictiyascam coo, ongvitsapoc sat co, nojemyov nasa coo — nic nat aptomjac Jonás.

JONÁS 4:8

Natamin actiyapma ilhnic nat acnim apcapajasa Dios Apyimtalhnamo alhcajayam acyiplomo acmajat. Acnim nic nat incajac Jonás, inmasquec nic nat apyimnaa. Inlhenquic nic nat apvalhoc ingyitsapoc. —Intasi, inyicje siyitsepma, am colhno sictiyascam mocjam — nic nat aptomjac Jonás.

JONÁS 4:9

Apcatingmavoc nic nat Dios Apyimtalhnamo: —¿So actomja yi? ¿Apvanqui ya lhquip elvoc, apvita inlhojo yamit acyamamco? — nic nat aptomjac. Apcatingmavoc nic nat Jonás: —Eje, evanquic olvoc, evanquic coo ongvitsapoc — nic nat aptomjac.

SAN MARCOS 6:19

Inlovquic alhta quilvana Herodías. Inquiltamjoc alhta, yoyam ematong Juan. Am alhta covanac.

SAN MARCOS 6:24

Yejemoc alhta actepa. Inquilmalhningvoclhec alhta inquin. —¿Soc sat asoc olmalhnac qui? —alhta intomjac. —Colmalhna sat Juan yapasquiscama yingmin inyap apcatic —alhta intomjac inquin.

SANTIAGO 1:19

Quellhip elyalhinga, elyasamcojo sat. Yitnec sat ancoc amyaa, elaylhojo anco. Eltamilsojo sat ellhenic amyaa. Eltamilsojo sat najan yoyam ellovc.