ECLESIASTÉS 7:8 - Enhlit Bible

⁸ Actamila anco ningilvatescama ningilyataycam, am colhno ningenmo ningilyataycam. Actamila anco ningiltamilcasomalhco inganco, am colhno ningyimtalhnesomalhco inganco.

ECLESIASTÉS 7:8 Iomraidhean Croise

PROVERBIOS 13:10

Nintemaclha ningilnapomalhca ayinyema ayajamalhco ingvalhoc. Nintemaclha ningyascamco ayinyema conjamalhca ingilvalhoc.

PROVERBIOS 14:29

Colhic sat ningyascamco nincoo, acyitna inlhojo actamilaycam ingvalhoc. Mepqui mataa ningyascamco, acyitna inlhojo actamjaycam ingvalhoc.

PROVERBIOS 15:18

Ningilnapomalhca ayinyema aclom ingilvalhoc. Ningmascocscama ningilnapomalhca ayinyema actamilaycam ingvalhoc.

PROVERBIOS 16:32

Apyispaquic Dios actamilaycam ingvalhoc, am colhno ningvascapma ningilnapomalhca. Apyispaquic Dios ningiltamilcasomalhco inganco, am colhno ningilimpocjay tingma apquilvanyam.

PROVERBIOS 28:25

Ningilatingmomalhca ayinyema ayitsepma ingnenyic asoc altamila. Colhic mataa actamilaycam ingvalhoc, acyitna inlhojo mongyasquiyam Dios.

ECLESIASTÉS 7:1

Actamila anco singayo, am colhno asoc acmasis ningatsisquiscama. Actamila anco acnim ningitsepma, am colhno acnim nintiyaycamlha.

SAN LUCAS 16:25

Apcatingmavoc nic nat Abraham: Emoc, coyit apatic nintamin alhta. Altamila asoc alhta innamcoc lhip mengyitsepmaclha. Asomcoc alhta aptiyascam mengyitsepmaclha Lázaro. Quilhvo eyca intamalvaac apvalhoc Lázaro. Apyovsec lhip quilhvo acmasca.

SAN LUCAS 21:19

Apquilinlhanacmec sat ancoc quellhip actamongvamlha nelha, elvomsacpoc sat tap.

GALATAS 5:22

Asoc altamila eyca, malha acyilhna ayinyema Espíritu apanco Dios acvisay: actemaclha ningasicjayo najan actemaclha acpayjayclha ingvalhoc najan actemaclha actamilaycam ingvalhoc najan actemaclha nintamilquiscamo ingvalhoc najan actemaclha acliclamo ingvalhoc najan actemaclha ningamliyam najan actemaclha mongilvatseycaoc ningyiplovquiscama.

EFESIOS 4:2

Elyiplovquis sat mataa actemaclha mongilyimtalhnesomalhco inganco najan actemaclha ningasicjayo. Eltamilsojo apquilvalhoc nipyesicsa quellhip. Elasicjacpojo nipyesicsa quellhip.

HEBREOS 10:36

Incaymalhquic elinlhanmojo quellhip yoyam elyiplovcasojo actemaclha apmayjayoclha Dios yoyam najan ellhovac aplhanma Dios actomja nasoc anco.

SANTIAGO 5:11

Quip elanojo. Ningillhenam apquilinyejemo enlhit nano apquiltomja apquilinlhanyacmo. Apquillinga inyicje quellhip aptemaclha apquilinlhanyacmo Job naysicsa acma apyovsa. Apquilyasamcoc najan quellhip aptemaclha Job apcajapvoyacmo apvoyam tap ayinyema Visqui ingac. Eycaso aptemaclha Visqui ingac. Ingyovsec mataa singilano, avanjec anco singamliyam.

SANTIAGO 5:8

Elinlhanmojo sat najan quellhip lha. Elyimnaticsojo apquilvalhoc, ayinyemaclha camquitvaac apvoyctamlha Visqui ingac.

1 SAN PEDRO 1:13

Collhen apquilvalhoc quellhip actemaclha actamila yoyam ellanac. Eltamilsacpojo mataa apanco naysicsa ningileyvam. Coljalhnam sat mataa apquilvalhoc Dios apcaycaoc yoyam ellhovamcoc quellhip apvoyctamlha sat Jesucristo.