ECLESIASTÉS 6:3 - Enhlit Bible

³ Apnec sat ancoc enlhit najan cien apquitquic, etniclhac sat apvanyam, mepqui eyca acpayjayclha apvalhoc naysicsa aptiyascam, alhto sat cotnejic aptiyascam. Mengyatoynacpejec sat ancoc actemaclha mayayo. Apyitsomacpo as enlhit lhama sicaa actiyam lapamqui:

ECLESIASTÉS 6:3 Iomraidhean Croise

GÉNESIS 33:5

Apvitac nic nat Esaú quilvanaa najan ayitquic. Aptomjac nic nat apcanya: —¿Jalhco alinyema as quilvanaa najan ayitquic?— nic nat aptomjac. Apcatingmavoc nic nat Jacob: —Lhip visqui ajac. Eycaso eyitquic selmescama alhta Dios— nic nat aptomjac.

GÉNESIS 47:9

Apcatingmavoc nic nat Jacob: —Invocmec 130 años sictiyascam. Acyavataclhojo intomjac najan acyimtalhnama. Ajolhec nic nat apquiltiyascam sicyeyjamcaa, am olhnoc coo— nic nat aptomjac.

2 REYES 10:1

Apnam nic nat tingma Samaria setenta apquitquic apvisqui ninga Acab. Apnatalhosquic nic nat cartas vaycajac Jehú, yoyam elyipsitic natingma apquilyimtalhnamo, najan apquilvanyam mayayo, najan apquilvanimquiscama siclho Acab apquitquic. Intomjac nic nat amyaa actalhesomalhca:

2 REYES 9:35

Apquilmiyaclhec nic nat. Pilapcasquic nic nat apquilvita quilvana apcatic, najan ameoc najan alhquipcoc apaoc.

1 CRÓNICAS 28:5

Aplhamaseclhec alhta Dios eyitquic, apquilyacyesa sictamongvoyam Salomón etnejic apvisqui nipyesicsa enlhitaoc Israel.

2 CRÓNICAS 11:21

Dieciocho apnatamcaa ilhnic nat Roboam, najan maa sesenta quilvanaa moc apnatamcaa. Avanjec nic nat apcasicjayo aptava Maaca, am colhno moc apnatamcaa. Apvitac nic nat veintiocho apquitquic apquilinava najan sesenta apquitquic quilvanaa ayitcoc.

ESTER 5:11

Avanjec nic nat ayajamalhco apvalhoc, aplhanma cascama apquilnatam apanco, aplhanma apquitquic aplhamoclhojo, aplhanma aptemaclha apyimtalhnamo nipyesicsa apquiltamjaycamó lhama najan aptemaclha mayayo napato apvisqui.

ESTER 7:10

Apquilhnesacpec nic nat Amán yamit nitno, yamit animsomalhca, apcanyacpo ingyilhnesacpoc Mardoqueo. Intamilaclhec nic nat mocjam apvalhoc apvisqui.

JOB 3:11

Tasic alhta inyicje ongvitsapoc avalhoc meme coo, tasic najan sictiyam ejápac coo.

JOB 3:16

Tasic alhta ongvatoynalhcac coo, acno sicaa apac (ayitsepma) avalhoc inquin.

SALMOS 58:8

Elitsapoc sat acno acpong ayitsepma avalhoc ayimpejic. Elitsapoc sat acno sicaa actiyam lapamqui. Cotay mataa ayitsayolhma.

PROVERBIOS 17:6

Ningilinyejemo nincoo ningilvanyam, ningvita inlhojo intovana. Apquilinyejemo mataa apquitcavoc, apquilvita inlhojo incanayc.

ECLESIASTÉS 4:3

Apquilinyejemo inyicje meltiyaycamlha mocjam, ayinyema melvitay mataa actemaclha acmasom as nalhpop.

ECLESIASTÉS 6:4

Alhto inyicje acvoy sicaa najan acvonquepma yatescamalhma, colhenalhquejec mataa acvisay.

JEREMÍAS 22:19

Ingyatoynacpoc sat apvisqui, acno nintoscama yamelyeyjaycoc, acyinyovasomalhca tap tingma Jerusalén — alhta aptomjac Visqui ingac.

JEREMÍAS 36:30

Tasi, ingyeylhojo sicpayvam sicvisay Dios, apcanyacpo lhip Joacim apvisqui rey nipyesicsa enlhitaoc Judá: Melhejec sat mataa lhip aptovana netin apvisqui aptajanem David. Eytic sat lhip apjapac naysicsa acmajat acnim, najan acmatsamangyi alhtaa.

JEREMÍAS 8:2

Colhic sat ayilhpanquisa apilhquipcoc, mepqui yoyam colatoynalhcac mocjam, colhojoc sat nintoscama ayi lhalhma anco. Innamquic as apilhquipcoc ayalhnaclhojo acnim anco najan alhtaa ningvitay piltin najan apyová, payjoc acyitnamaclha quilaycmasquiscama alasicjamalhca najan malayoclha, najan macmescama asoc quilaycmasquiscama, najan apquiltemaclha apquilyiplovquiscama melitsepmaclha siclho.

SAN MATEO 26:24

Ovonquepeclhac sat sicvisay Sictiyam Sictomja Enlhit acno siclhenamalhca vaycajac Dios appayvam actalhesomalhca. Enlhit layi aptomja apcanem, yoyam omalhca. Intasic alhta inyicje metyamoc as enlhit —alhta aptomjac Jesús.