ECLESIASTÉS 6:2 - Enhlit Bible

² Apnec maa enlhit mayayo najan cascama apquilnatam, mepqui ayaymomalhca asoc. Apmiyovqui eyca Dios etoc najan ingyitsovasoc as enlhit acma apquilnatam, poc enlhit emiclhac as apquilnatam, yoyam ingyitsovacsojoc maa. Alhto inyicje aptingyey enlhit cascama apquilnatam, actemaclha coliclama ingilvalhoc.

ECLESIASTÉS 6:2 Iomraidhean Croise

1 REYES 3:13

Olmesic sat asoc mejelmalhnaycam lhac, acvisay cascama apquilnatam colhic sat ayaco lhip. Melhoyc sat mataa poc apvisqui naysicsa aptiyascam lhip.

1 CRÓNICAS 29:25

Innec nic nat ayaco apvisqui Salomón ayinyema Dios nipyesicsa enlhitaoc Israel, am nic nat elhno poc apvisqui nano.

1 CRÓNICAS 29:28

Apquitsepquic nic nat David aptomjaclha apvanyam, actamilaycam apvalhoc, mayayo najan cascama apquilnatam. Apya'monquiscama ilhnic nat apquitca Salomón aptomjayclho apvisqui.

2 CRÓNICAS 1:11

Aptomjac nic nat Dios apcanya Salomón: Intasi nac aplhanma lhip. Am lhac jelmalhnam lhip, yoyam olmecsic cascama apquilnatam, paj najan asoc acmamnave, paj najan mayayoclha, paj najan yoyam eticyoc cotnaja ingmoc, paj najan aptiyascam acvinatem. Aplhenquic lhac lhip, otnesquisic apyascamco najan apyicpilquemo, yoyam etnejic lhip apvisqui nipyesicsa as enlhitaoc.

SALMOS 17:14

Visqui ingac. Jemyov coo napatavo enlhitaoc lhalhma anco. Ilane sat ellhamasiclha apquilnatam. Eltasomoc sat apquitquic. Elmiclhac sat aptovana.

SALMOS 39:6

Nintiyascam nincoo acyitsomalhca pisquisca. Mepqui acvisay nintamin. Alhto inyicje ningicjescama ningilnatam. Mepqui apmayclha as asoc nintamin.

SALMOS 73:7

Avanjec mataa alquitamsama apquilvalhoc, malha apnamilay apquiltomjac. Avanjec anco ayajamalhco apquilvalhoc.

ECLESIASTÉS 4:4

Acvitac alhta mocjam: Ningvascapma ningiltamjaycam najan acma ningilnatam, actomja ayinyemayaclha singilyasipquiscama ingnaymacoc. Alhto inyicje as nintemaclha, acyitsomalhca ningilpatjetma alhcajayam.

ECLESIASTÉS 4:8

Enlhit aptamjam aplhapco, mepqui apnaymacoc, mepqui apquitquic, mepqui apquilyalhing. Avanjec apvascapma aptamjaycam apcansayclha apquilnatam, mepqui mataa aplovquiscama apyampay. ¿So actomja yi aptomjaclha maa? Alhto inyicje apvascapma, acyitsomalhca appatmeycam acyimtalhnama naysicsa aptiyascam.

ECLESIASTÉS 5:13

Mocjam actemaclha mepqui actamila as nalhpop: Yitnec aplingaycamco acmasom enlhit apmasma apquilnatam.

ECLESIASTÉS 5:16

Am colcac ingvalhoc actema nac jay: nintiyacmec alhta mepqui asoc, ongitsapoc sat mepqui asoc. ¿Alhto ya ningvascapma ningansayclha ningilnatam?

ECLESIASTÉS 5:18

Acyasingvocmec coo: Yavatoc ningma as nalhpop singmescama Dios. Incaymalhquic ontovamcoc, najan ongyinamcoc, najan copayjiclhac ingilvalhoc naysicsa ningilvascapma ningiltamjaycam as nalhpop. Eycaso ningilanyomalhca ayinyema Dios.

ECLESIASTÉS 5:19

Ningvitac sat ancoc acyivey ningilnatam ayinyema Dios, ingvanquic ontovamcoc najan ongyinamcoc. Ningilnatam acvisay singilmescama Dios ayinyema ningvascapma ningiltamjaycam.

ISAÍAS 55:2

¿Soctomja apquilha solyayem acyanmongam asoc cotnaja nintom? ¿Najan acyanmongam apquiltamjaycam elmoc asoc cotnaja nintom? Quip elaylhojo sicpayvam. Elvitac sat quellhip asoc actamila yoyam eltovamcoc. Colpayjiclhac sat apquilvalhoc, malha ningvitay asoc acmilay.

LAMENTACIÓNES 5:2

Ingilnatamalhquic nincoo ningileyvomaclha, poc enlhit apnam tingma ingancaoc.

DANIEL 5:18

Dios apna netin aptimesquiscama alhta lhip apyap ninga Nabucodonosor, etnejic apvisqui apyimtalhnamo, najan mayayo nipyesicsa enlhitaoc.

OSEAS 7:9

Apquilyamposquic mataa metnaja apquiltemolhama, am eyca elyasamcoc enlhitaoc Efraín. Inquilmopeclhec apva apcatcoc, am eyca elyasamcoc.

DEUTERONOMIO 28:33

Eltovamcoc sat acyilhna cotnaja ingmoc, ayinyema amyipayc najan apquilcaycaoc quellhip. Ellingamcojoc sat quellhip acyimtalhnama najan apquilyicpilhqueteycaoc cotnaja ingmoc.

DEUTERONOMIO 28:43

Apquilyimnatem sat eltimjic metnaja israelitas nipyesicsa quellhip, casilhtojoc sat apquilyimnatem quellhip.

JUECES 18:10

Elvitangvomoc sat maa enlhitaoc actamilaycam apquilvalhoc. Najan maa yoclhilhma acvanyam, mepqui aymomalhca asoc. Eltimjic apancaoc quellhip as yoclhilhma Dios apmescama — nic nat apquiltomjac.