ECLESIASTÉS 5:1 - Enhlit Bible

¹ Itamilsacpojo apanco naysicsa aptomjaclha napato Dios congne tingma apponquinomap. Ingyeylhojo najan iyasingvom sat Dios appayvam. Paj cotamila apquiltemaclha enlhit acyeyjamelhma, elsantimquisic asoc macmescama Dios naysicsa apquiltemalcha apquilmapsomcaa.

ECLESIASTÉS 5:1 Iomraidhean Croise

2 CRÓNICAS 26:16

Apsilhnanacpec nic nat apanco apvisqui napato Dios, ayinyema ayajamalhco apvalhoc, elngamcojoc sat acmasom. Naysicsa aptemaclha apanco aptalhningvocmo tingma apponquinomap, yoyam elvitic talha asoc acmasis netin apquilvatnamaclha.

JOB 22:12

Dios apna netin, nitnoc anco. Aptoyam apminic aptomja apyová netin.

SALMOS 89:7

Lhip Dios Visqui ingac apyimtalhnamo. Elavojoc ángeles apquilpamejitsomap.

ÉXODO 3:5

Aptomjac nic nat Dios Apyimtalhnamo apcanya: —Nojetyaningvota nasa. Iljalhyovas tiyayipeoc pac. Acponquinomalhca as apquinmamcaclha lhip — nic nat aptomjac.

ÉXODO 30:18

—Ingyane sat colhic allana yingmin alhancoc de bronce, najan avjac acyitnamaclha alhancoc de bronce. Acvisay ninliclama yingmin ingmeoc najan ingyimpejic. Coytic sat naysicsa altar najan aplhancoc apponquinomap, aclaneyo yingmin.

PROVERBIOS 10:19

Ningilsilhnanomalhca inganco ayinyema nintemaclha ningillhamasomalhca. Mepqui nintemaclha ningillhamasomalhca ayinyema acyascamco ingvalhoc nincoo.

PROVERBIOS 15:8

Aptanovquic mataa asoc macmescama Dios, acyitna inlhojo ingvalhoc acmasom. Apyispquic mataa Dios ningilmalhnancama, ningiltomja inlhojo ningilpeyvomo.

PROVERBIOS 21:27

Intanovalhquic asoc macmescama Dios ayinyema nincoo ningilvisay ningilmasomcaa, ningilposca inlhojo nintemaclha ningilmasom.

ISAÍAS 66:3

Oyanmongsiclhac sat aptemaclha enlhit aptomjac apcajem vayqui najan apcajem poc enlhit. Aptomja apcajem nipquesic acyanmongam meyascalhma najan apcajem simjing. Aptomja apmescama acyilhna actemaclha macmescama Dios. Najan apmescama yatepomap em 'pac. Aptomja apquilvatnama asoc masis najan appayescamo quilaycmasquiscama acyitsomalhca dios. Apquiltimec apquilpalhaquiscama as asoc enlhitaoc. Impayjeclhec mataa apquilvalhoc. Apquilyispaquic mataa as asoc sictanoncama coo.

LEVÍTICO 10:3

Aptomjac nic nat Moisés apcanya Aarón: —Eycaso aplhanma siclho Dios: Cotalhcac sat santidad mayayoclha ajanco napatavo seltimesaycam coo. Cotalhcac sat gloria sicyimtalhnamo ajanco napatavo israelitas — nic nat aptomjac. Intiyacmec nic nat apvalhoc Aarón.

LOS HECHOS 10:33

Yejemoc alhta silapajasa silancam siyanya elyantavoclha lhip. Actamilaclhojo apvactamo lhip. Ninnec nincoo ningilanalhco napato Dios Ingyapam. Ningiltamjoc nincoo ongilaylhojo apquiltimnaycam lhip actemaclha alhta apcanama Visqui ingac, yoyam jingiltimnacsic lhip —alhta aptomjac Cornelio.

LOS HECHOS 17:11

Inquiljalhnec alhta apquilvalhoc judíos co Berea, melno apnaymacoc co Tesalónica. Inquilmec alhta apquilvalhoc tasic amyaa. Apquilyipsatamquic alhta mataa vaycajac Dios appayvam aclhamoclhojo acnim. Apquilyitsamquic alhta mataa actemaclha aplhanma Pablo.

1 CORINTIOS 11:22

Tingma apancaoc inyicje innac quellhip. ¿Soctomja meltovcamco najan melyinamco nac siclhoc tingma apancaoc? Quellhip apquiltomja apquilvinéycam Dios apmolhama. Quellhip apquiltomja apquilmanquiscama ingilyalhinga mepqui asoc. ¿Jalhco sat otnejic ongvanic quellhip? ¿Pa ya oyispac apquiltemaclha quellhip? Paj. Actanovquic coo as asoc.

HEBREOS 10:26

Ningilyasingvocmec sat ancoc amyaa actomja nasoc anco. Ningyiplovcasquic sat ancoc mongilyascalhma naysicsa ningyascamco, coytejec sat mataa moc asoc macmescama Dios acyanmongam mongilyascalhma.

SANTIAGO 1:19

Quellhip elyalhinga, elyasamcojo sat. Yitnec sat ancoc amyaa, elaylhojo anco. Eltamilsojo sat ellhenic amyaa. Eltamilsojo sat najan yoyam ellovc.

JOSUÉ 5:15

Apcatingmavoc nic nat apvisqui: —Iljalhyovas sat tiyayipeoc pac. Acponquinomalhca as apquinmamcaclha lhip — nic nat aptomjac. Apquilyajaclhoc nic nat Josué.