ECLESIASTÉS 4:8 - Enhlit Bible

⁸ Enlhit aptamjam aplhapco, mepqui apnaymacoc, mepqui apquitquic, mepqui apquilyalhing. Avanjec apvascapma aptamjaycam apcansayclha apquilnatam, mepqui mataa aplovquiscama apyampay. ¿So actomja yi aptomjaclha maa? Alhto inyicje apvascapma, acyitsomalhca appatmeycam acyimtalhnama naysicsa aptiyascam.

ECLESIASTÉS 4:8 Iomraidhean Croise

GÉNESIS 2:18

Inlhenquic nic nat apvalhoc Dios Apyimtalhnamo: —Am cotamilojo etyisam aplhapco enlhit. Olanac sat lhama aplhalhma yoyam copasmoc mataa— nic nat aptomjac.

SALMOS 39:6

Nintiyascam nincoo acyitsomalhca pisquisca. Mepqui acvisay nintamin. Alhto inyicje ningicjescama ningilnatam. Mepqui apmayclha as asoc nintamin.

SALMOS 39:7

Visqui ajac. ¿Soc asoc actamila yoyam olaylhic coo? Naso, apvamlha lhip siljalhanma mataa coo.

PROVERBIOS 27:20

Mepqui ayastingam mataa alyascama ingjangaoc, mepqui ayastingam ingvalhoc actemaclha ayitsepma ingnenyic.

ECLESIASTÉS 1:13

Inlhenquic alhta evalhoc oyasingvomoc sat aclhamoclhojo asoc as nalhpop najan apquiltemaclha enlhit. Alhto inyicje aclhanma evalhoc, yavamlha otnejic. Dios ayinyema moclhama actemaclha, ningilanyomalhca ongyiplovcasjo.

ECLESIASTÉS 1:8

Mongvanquejec onlhenic altemaclha asoc ningvitay najan ninlingay, comejec mataa ingilvalhoc.

ECLESIASTÉS 2:21

Ayinyema poc enlhit netamin coo emiclhac asoc ajanco, sictingyey alhta naysicsa sicyascamco, naysicsa siltamsomalhca, naysicsa sicvascapma sictamjaycam. Emiclhac sat poc enlhit mepqui mataa aptamjaycam. Alhto inyicje as nintemaclha mepqui acpeyvomo.

ECLESIASTÉS 2:23

Avanjec mataa ninlingaycamco acyimtalhnama naysicsa ningilvascapma nintamjaycam, mepqui nintiyanma alhta. Alhto inyicje nintemaclha ningvascapma nintamjaycam.

ECLESIASTÉS 4:7

Acvitac coo mocjam actemaclha ningilpatjetma alhcajayam as nalhpop.

ECLESIASTÉS 5:10

Nintingyey solyayem, yiplovcoc ayitsepma ingnenyic mocjam solyayem. Nintingyey ningilnatam, yiplovcoc ayitsepma ingnenyic mocjam ningilnatam. Alhto inyicje nintingyey as asoc.

ECLESIASTÉS 5:9

Incaymalhquic apvisqui rey eyasamcojo apquiltemaclha enlhit apquileyvam najan apquiltamjaycam amyip.

ISAÍAS 5:8

Enlhit layi apquilmam aplhamoclhojo tingma, apquilyamasma acyanmongam apquilmam aclhamoclhojo amyipayc. ¡Colapvanquejec elhnam poc enlhit, ayinyema apquillhenamap apanco apquilvamlha avotpayc as yoclhilhma apquileyvomaclha!

ISAÍAS 55:2

¿Soctomja apquilha solyayem acyanmongam asoc cotnaja nintom? ¿Najan acyanmongam apquiltamjaycam elmoc asoc cotnaja nintom? Quip elaylhojo sicpayvam. Elvitac sat quellhip asoc actamila yoyam eltovamcoc. Colpayjiclhac sat apquilvalhoc, malha ningvitay asoc acmilay.

SAN MATEO 11:28

Jelyotam quellhip apquiltomja apquilyampay ayinyema apquiltamjaycam najan apquilpatmeycam. Olovquisquisic sat apquilyampay.

SAN LUCAS 12:20

Aptomjac nic nat apcanya Dios Ingyapam: “Enlhit meyascamcolhma nac lhip. Ingyitsapoc sat lhip alhtaa nac jay. ¿Soc sat enlhit etnejic apancaoc apquilnatam apnincanma lhip?” —nic nat aptomjac Dios Ingyapam.

1 SAN JUAN 2:16

Am conyemac mataa Dios apquiltemaclha enlhit lhalhma anco, eyca ayinyema as nalhpop. Acvisay: ayitsepma ingnenyic najan acmayjayo ingataoc najan nintemaclha ningajamalhco inganco. Eycaso apquiltemaclha enlhit lhalhma anco.