ECLESIASTÉS 4:10 - Enhlit Bible

¹⁰ Aptiyacmec sat ancoc aplhalhma nalhit amay, epasingvotac sat poc. Aplhinquic sat ancoc aplhapco, etyamoc sat nalhit amay, mepasingvotayc sat maa, ayinyema mepqui aplhalhma.

ECLESIASTÉS 4:10 Iomraidhean Croise

GÉNESIS 4:8

Nalhit acnim nic nat intomjac. Apquiltamjoc nic nat Caín eyantamac apyalhing Abel, yoyam etnejic aplhalhma. Apquilvoclhec nic nat amyip. Yejemoc nic nat aplova Caín. Apcajac nic nat apyalhing. Apquitsepquic nic nat Abel.

2 SAMUEL 11:27

Invocmec nic nat nelha alipvoyam avalhoc quilvana. Apcajasquic nic nat apvisqui David elyantavoclha quilvana. Aptimec nic nat aptava. Aptiyacmec nic nat ayitca. Am nic nat colcac apvalhoc Dios aptomjaclha apvisqui David.

2 SAMUEL 14:6

Anit alhta eyitquic coo, sicvisay silancam lhip. Apnam alhta amyip eyitquic. Apquilnapacpec alhta, am elhnac enlhit apmasma poc. Apmatnec alhta lhama.

ÉXODO 32:21

Aptomjac nic nat Moisés apcanya Aarón: —¿So actomja yi apsilhnanimquisa lhip apyovoclhojo enlhitaoc? — nic nat aptomjac.

ECLESIASTÉS 4:11

Tasic maa apyitnamó lhama apcanit nipyesicsa piyam (acmatsamangi) mepqui talha, yoyam melpilhyinamejec sat. Somcoc maa enlhit aplhapco, epilhyinamoc sat mepqui apyitnamó lhama.

ECLESIASTÉS 4:9

Intasic mataa nimpasmeyquiclha incanit, am colhno aptamjaycam aplhapco. Coyangvomoc sat acyanmongam ningiltamjaycam.

GALATAS 6:1

Quellhip elyalhinga. Aplhinganacmec sat ancoc lhama ingyalhing, elyascasingvoclhojo sat quellhip apquiltomja apquilyiplovquiscama actemaclha ayinyema Espíritu apanco Dios. Eltamilsojo sat naysicsa apquilyascasingvayclho ingyalhing. Elavojo sat quellhip yoyam melsilhnanacpeje.

1 TESALONICENSES 4:18

Eliltimnas sat mataa poc as appayvam yoyam coltamalvomoc sat mataa apquilvalhoc.

1 TESALONICENSES 5:11

Eliltimnas sat mataa poc, elyimnatesquis sat najan apquilvalhoc nipyesicsa quellhip, actemaclha alhta apquilyiplovquiscama quellhip.

1 SAMUEL 23:16

Nalhit acnim nic nat intomjac. Aptiyaningvocmec nic nat Saúl apquitca Jonatán, etnejic maycaa apnaclha David, payjoc Hores. Apyimnatescasquic nic nat Jonatán apvalhoc David, meyascamejec sat appasmom Dios.