ECLESIASTÉS 4:1 - Enhlit Bible

¹ Acvitac alhta actemaclha apquillingaycamco acyimtalhnama enlhit apquilmomap lhalhma anco. Avanje inyicje apquillingaycamco, paj lhama aptamilquisquiyam apquilvalhoc. Apquilyimnatem apanco apquilviscaa, mepqui mataa aptamilquisquiyam apquilvalhoc.

ECLESIASTÉS 4:1 Iomraidhean Croise

JOB 16:4

Evanquic coo lha oltimnacsic sicpayvam, sicvita inlhojo apquillingaycamco acmasca quellhip. Evanquic olhamasiclhac sicpayvam, acyiplomo sicvenéycam quellhip.

JOB 35:9

Yitnec apquillingaycamco acyimtalhnama enlhit napatavo apquilmopvancaa, apquililtamjo inyicje elmiyovacpoc.

JOB 6:29

Elvatsaoc sat apquiltemaclha copeyvomo, elyasingvom sictemaclha sicpeyvomo coo.

JOB 9:24

Apquiltimesacpec mataa apquilviscaa enlhit apquilmapsomcaa, melpeyvomo nac enlhit apquilyicpilquemo. ¿Co laa ayinyema? Nasoc anco ayinyema Visqui ingac.

SALMOS 12:5

Intomjac Visqui ingac appayvam: —Acpecjam opasingvoclha. Olmeyvoc sat apquillingaycamco najan acyajapo apquilvalhoc — intomjac appayvam.

SALMOS 142:4

Alanoc coo lhama nicja actamilaclha. Motay lhama enlhit, yoyam jepasingvota. Paj lhama enlhit, yoyam jemyoc coo. Paj mataa lhama, yoyam jepasmoc.

SALMOS 142:5

Avanjec sicyimatescama sicpayvam Visqui ajac. Actomjac siyanya lhip: —Lhip nac semasma coo (sicyilhanmeycam). Lhip nac setingyasquiscama asoc naysicsa sictiyascam.

SALMOS 42:3

Avanjec mataa sicvinama, am omajayac otoc acnim anco najan alhtaa. Ayinyema siclingay mataa amyaa: —¿Jalhco apna Dios lhip apmasma? — apquiltomjac mataa seyanya.

SALMOS 42:9

Actomjac coo siyanya Visqui semasma: —¿Soctomja selvoncacmo nac lhip? ¿Soctomja acyitnocjavo nac evalhoc? ¿Soctomja acyajapo nac evalhoc ayinyema cotnaja ingmoc? — alhta actomjac coo.

SALMOS 69:20

Invennalhquic evalhoc coo. Asquejec evalhoc coo ayinyema seltanoncama. Mepqui lhama enlhit aptamilquisquiyam evalhoc. Mepqui lhama enlhit seyapeycam. Alhto inyicje sicsovjam - paj.

SALMOS 69:21

Elmesquic alhta sictom ayincajay panatem veneno. Elmesquic alhta sicyam ayincajay uva ayingmenic acmasca.

SALMOS 80:5

Avanjec alhta ningvinama, am jingilyacmoc ontovamcoc. Avanjec alhta ningvinama, am jingilyacmoc ongyinamcoc.

ÉXODO 1:16

—Inquilpasmec mataa quellhiya quilvanaa actimquiscama ayitca. Inquilvitac sat ancoc aptiyam apquinavo, colaa sat. Inquilvitac sat ancoc actiyam inquilvana ayitcoc, colmiyov sat — nic nat aptomjac.

ÉXODO 1:22

Apcasinnaquic nic nat apvisqui faraón enlhit apancaoc. Aptomjac nic nat apquilanya: —Elyinyov sat nayingmin vatsam moclhama sicaa quilhvoc appaliyam. Elmiyov sat moclhama quilvana ayitcoc acpaliyam — nic nat aptomjac.

PROVERBIOS 19:7

Ningvenalhquic nipyesicsa ingilyalhing, mepqui inlhojo ningilnatam. Inmasquec ningvitay apyovoclhojo ingnaymacoc.

PROVERBIOS 28:3

Yitnec sat ancoc ningyimtalhnescama apquilvalhoc enlhit mepqui apquilnatam, colhojoc sat nintemaclha acmamay acmasom, actovascama acyilhna amyip.

PROVERBIOS 29:2

Ningvitac sat ancoc apquilyimtalhnamo enlhit apquilpeyvomo, ongilitsovacsojoc sat nincoo. Ningvitac sat ancoc apquilyimtalhnamo enlhit apquilmapsomcaa, onlingamcojoc sat acmasom.

ECLESIASTÉS 3:16

Acyasingvocmec alhta mocjam: Mepqui actemaclha acpeyvomo naysicsa apquilyicpilquemo enlhit mayayo. Yitnec apquilmopvan amyaa najan apquilyinimquiscama.

ECLESIASTÉS 5:8

Apvitac sat ancoc lhip apquillingaycamco enlhit mepqui apquilnatam, mepqui yoyam elmiyovacpoc maa. Notlapquis nasa apvita aptemaclha yatapvisqui, aptomja aptimesaycam apvisqui pac. Tacjaplhit apquilviscaa apna poc apvisqui apyimtalhnamo.

ECLESIASTÉS 7:7

Cotniclhac sat acyeyjamelhma ingvalhoc, ningvita inlhojo singminascama (singascama) enlhit. Incaymalhquic ongavojo singmescama nasa asoc.

ECLESIASTÉS 8:9

Acvitac coo as asoc naysicsa ningileyvam as nalhpop. Lhama acyitna apmopvan apanco naysicsa aptemaclha apanco. Poc mataa apquillingaycamco acyimtalhnama.

ISAÍAS 5:7

Visqui ingac Apyimtalhnamo apanco as uva avjac, apquilyitsomacpo enlhitaoc Israel najan enlhitaoc Judá. Apquiljalhnec Dios Visqui ingac, yoyam elyiplovcasojo apcanamaclha. Apvitac mataa apquilnapma poc. Apquiljalhnec Dios actemaclha acpeyvomo. Aplingac mataa apquilpalhamaycam naysicsa apnatovascama poc — nic nat aptomjac profeta.

ISAÍAS 51:23

Otnesquisic sat apquillingaycamco acmasom cotnaja ingmoc apnatovascama siclho quellhip, apquiltomja apquilpayvam: Elyinjacpo apanco nalhpop, ningiltoyam sat ontimjic — alhta apquiltomjac. Nasoc alhta quellhip apnaycam nalhpop, apquiltoyam apquiltomja cotnaja ingmoc, malha apquillhingam netin apcapaoc quellhip — alhta aptomjac Visqui ingac — nic nat aptomjac profeta.

ISAÍAS 59:7

Apmancaoc innac quellhip. Apquinincamquic quellhip ellanac acmasom, yoyam elajic poc mepqui acvisay. Yitnec alquitamsama apquilvalhoc almasomcaa. Yitnec apquiltovascama quellhip, malha tingma apyanina (apyananma).

JEREMÍAS 16:7

Cotalhquejec sat maa actemaclha yocsa mactamilquisquiyam apquilvalhoc apquilmolhama, apquitsepa inlhojo apquilyap najan inquin ayitsepma.

LAMENTACIÓNES 1:16

Avanjec nincoo ningvinama, avanjec acpaliyam ate ayingmenic, paj lhama enlhit, yoyam jintamilquiscomoc ingilvalhoc. Apnam inquitquic nincoo nipyesicsa tingma aptovasomap, ayinyema apquilyimnatem apanco cotnaja ingmoc.

LAMENTACIÓNES 1:17

Apquilpeyvaseclhec apectengaoc co Jerusalén, yoyam elpasingvota. Paj mataa enlhit yoyam etamilquiscomoc apquilvalhoc. Apquilanyacpec enlhit vecinos, yoyam elnapoc israelitas, elvenacpoc sat nipyesicsa cotnaja ingmoc.

LAMENTACIÓNES 1:2

Avanjec mataa acvinama najan aliclhangveycam acyovoclhojo alhtaa. Paj lhama enlhit, yoyam etamilquiscomoc avalhoc, apquilvatsamquic alhta apquilasicjayo. Apquilyamasmec anaymacoc apquiltomjayclho apquilinmelhaycam quilhvo nac jay.

LAMENTACIÓNES 1:9

Avanjec alhta actemaclha anco as quilvana actanovmalha napato Dios. Actomja macyamasma mepqui aptamilquisquiyam avalhoc poc enlhit. Actomja acyimnatescama acpayvam: ¡Visqui ingac, jelanojo coo! ¡Apquiltemaclha sevenéycam cotnaja ingmoc naysicsa apquilyimtalhnesomacpo apanco! — alhta apquiltomjac.

AMÓS 3:10

Aptomjac alhta Dios Apyimtalhnamo: Am elyasamcoc nintemaclha nimpeyvescasquiclha amyaa. Asoc alminyilhamalhca acnaycaoc tingma apancaoc — alhta aptomjac.

AMÓS 3:9

Ellingas sat amyaa quellhip apnaycam tingma apquiltamila payjoc Asdod. Ellingas sat amyaa apnaycam tingma apquiltamila payjoc Egipto. Eltime sat apquilanya: Ingyaniclha sat netin inquilhe payjoc Samaria. Elanojo sat apquiltemaclha apancaoc enlhitaoc. Elanojo apquillingaycamco acmasom apnaymacoc.

MALAQUÍAS 2:13

Apquilyapcalhquic quellhip payjoc altar acvatnamalhquilha, acyiplomo acyivey ate yingmenic. Ayinyema coliclama apvalhoc Dios Apyimtalhnamo, apvita inlhojo asoc apquilmescama quellhip.

MALAQUÍAS 3:18

Melquinatsejec sat quellhip enlhitaoc apquiltamila najan enlhitaoc apquilmapsomcaa. Melquinatsejec sat quellhip apquiltomja apquilayo Dios najan meltomja apquilayo Dios Apyimtalhnamo — alhta aptomjac Dios — nic nat aptomjac profeta.

MALAQUÍAS 3:5

Aptomjac alhta Dios Apyimtalhnamo: Ovotac sat coo, yoyam oyanmongsiclhac apquiltemaclha apancaoc quellhip. Sictomja sicvitaycamco apquiltemaclha quellhip: Apquilvisay apquilyojolhma, apquiltomja apquilyamasma aptava, apquiltomja apquilyeycajascaoc apquillhanma, apquiltomja apquilyajapquiscama apquilvalhoc enlhit apquiltimesaycam, najan avalhaoc lhintampaa, najan apquilvalhoc apquilyeyjeycam, apquiltomja apquilinmelhaycam metnaja apquiltemolhama najan meltomja selayo coo — alhta aptomjac Dios — nic nat aptomjac profeta.

SAN MATEO 26:56

Invitalhquic as asoc, yoyam cotmongvomoc nelha Dios appayvam apnatalhescama ilhnic nat profetas Dios apquillingascama —alhta aptomjac. Yejemoc alhta apquinyajamco apquiltamsoycaoc. Aplhapcoc alhta aptomjaclha Jesús.

DEUTERONOMIO 28:33

Eltovamcoc sat acyilhna cotnaja ingmoc, ayinyema amyipayc najan apquilcaycaoc quellhip. Ellingamcojoc sat quellhip acyimtalhnama najan apquilyicpilhqueteycaoc cotnaja ingmoc.

DEUTERONOMIO 28:48

Eltimjic sat quellhip apquilmomap, yoyam eltimesam nipyesicsa cotnaja ingmoc, ayinyema Dios. Ellingamcojoc sat quellhip mepqui nintom, mepqui yingmin ningyam, najan mepqui apava apquilantalhnama, najan mepqui asoc ayaymomalhca. Eyimtalhnecsic sat Dios (eyangviscomoc sat) apquillingaycamco acyimtalhnama quellhip apquilmomap, elsovjacpoc sat apquilitsepma quellhip.

SANTIAGO 5:4

Quip elaylhojo. Apnaclhamqui inyicje enlhitaoc acyilhna apquilcaycaoc quellhip. Apquilmiyovqui eyca quellhip acyanmongam apquiltamjaycam. Inlingalhquic amyaa netin actemaclha apquilmasma acyanmongam quellhip. Aplingac najan Visqui netin apyimtalhnamo apquillhanma enlhitaoc apquiltomja apquiltamjaycam.

JUECES 4:3

Novecientos nic nat carros apvisqui Jabín, apquilmaycam apquilimpocjay. Apyimtalhnasquic nic nat apquileyvam israelitas, acvaycmo veinte años. Apquililmalhnaquic nic nat Dios, yoyam elpasingvota.