ECLESIASTÉS 3:4 - Enhlit Bible

⁴ Actemaclha ningvinama najan actemaclha ningitsovascama. Actemaclha acmayovsa ingvalhoc najan actemaclha ningitsovascama fiesta.

ECLESIASTÉS 3:4 Iomraidhean Croise

GÉNESIS 21:6

Intomjac nic nat avalhoc Sara: —Dios alhta setnesquiscama yoyam ongvictingmam (ongvasmacsic). Elasmacsic sat moclhama apquiltomja apquillingay aptiyacmo sictamongvoyam.

2 SAMUEL 6:16

Apquilvoctac nic nat tingma Jerusalén, David tingma pac. Inquilyajavoc nic nat atong ayitcoc quilvana Mical, Saúl apquitca. Invitac nic nat aptomjaclha apvisqui David, actemaclha apquiltaycam najan apnilhtingaycam netin napato Dios. Invennam nic nat avalhoc quilvana.

SALMOS 30:11

Apvitac alhta lhip acmayovsa evalhoc. Yiplovcoc acyivey siyitsovascama. Apmascosquic lhip acmayovsa evalhoc. Aptimescasquic lhip siyitsovascama, malha fiesta intomjac.

SALMOS 30:5

Acyavataclhojo mataa onlingamcojo aplom Visqui ingac. Ajolhec mataa singasicjayo cotningvoyam nelha. Yitnec ningvinama alhtaa. Coyiplovjoc mataa acpayjayclha ingvalhoc alhtoo ninlhaticjay.

ÉXODO 15:20

Innec maa Aarón apyalhing acvisay María, quilvana profeta. Yitnec alhta pandereta, yoyam comnaycmacsic. Innalaclhec alhta acyovoclhojo quilvanaa acyiplomo panderetas ancaoc. Inticpalhquic alhta naysicsa acjalhyincayam.

ECLESIASTÉS 3:5

Actemaclha ningilhpanquiscama mataymong najan actemaclha ningansayclha mocjam. Actemaclha ningmam tacja najan actemaclha nintajayclha mocjam.

ECLESIASTÉS 7:14

Incaymalhquic copayjiclhac ingilvalhoc, nintajanyaa inlhojo actemaclha actamila. Ningiltajanyac sat ancoc actemaclha acmasom, incaymalhquic colhenic ingvalhoc aptomjaclha Dios Visqui ingac. Paj ongilyasamcoc nincoo, yavamlha etnejic mocjam Dios Visqui ingac.

ISAÍAS 40:1

Aptomjac alhta Dios apquilanya: Eltamilquisquim apquilvalhoc. Eltamilquisquim apquilvalhoc enlhitaoc ajancaoc.

ISAÍAS 40:2

Elpamejitquis sat enlhitaoc tingma Jerusalén yoyam coltamalvomoc apquilvalhoc. Eltime sat elanic: Invocmec nelha actemaclha apquillingaycamco acyimtalhnama. Inmascosalhquic melyascalhma apancaoc. Anit aptamjayclha apyanmongsayclha Dios melyascalhma enlhitaoc — sat eltime elanic — alhta aptomjac Dios Apyimtalhnamo.

SAN MATEO 11:17

“Ninticponcasqui inyicje vaynca. Am alhta colyavocmoc eltam. Ningilinlhacme inyicje, yoyam elyipcalhic quellhip. Am alhta colyavocmoc elyipcalhic” —inyicje intomjac amyaa apquilanyacpo.

SAN MATEO 9:15

Apcatingmavoc alhta Jesús: —Mongvanquic coyitnocjojoc ingvalhoc ningilanyomalhca alyimjapma ato mevonquepeclha quilhva alyimjapma. Commoc sat acnim, yoyam colyinyovsic apmaclha quilhva alyimjapma. Natamin ongilmalhnac sat actemaclha mongmajay ontoc —alhta aptomjac.

SAN LUCAS 1:58

Inquillingac alhta amyaa acmolhama najan innaymacoc. Aplhenacpec alhta Dios Visqui ingac aptomja apquimlaycmo. Inquilitsovasoc alhta lhama Elisabet.

ROMANOS 12:15

Inpayjeclhec sat ancoc apquilvalhoc poc, elvajaniclhojo sat quellhip. Apyipcalhquic sat ancoc poc, elvajaniclhojo sat quellhip lha.

2 CORINTIOS 7:10

Yitnec sat ancoc acyitnocjayo ingvalhoc actemaclha apmayjayoclha Dios, coyiplovjoc sat ningyanmonquiscama ingvalhoc yoyam ongilvomsalhcac tap. Coyitnocjejec sat mataa ingvalhoc ningiltomja ningyanmonquiscama ingvalhoc. Moc actemaclha mataa acyitnocjayo apquilvalhoc enlhit lhalhma anco, yiplovcoc mataa actemaclha ningitsepma.

SANTIAGO 4:9

Eltime sat acma ayovsa apquilvalhoc. Elyipcalhaoc sat quellhip najan elinlhamaoc. Elvatsaoc apquilictingmaycam quellhip, elyipcalhaoc sat. Elvatsaoc apquilitsovascama quellhip, coyajapojo sat apquilvalhoc.