ECLESIASTÉS 3:2 - Enhlit Bible

² Actemaclha nintiyam najan actemaclha ningitsepma. Actemaclha ninganma actic najan actemaclha ningaptama (ninliclama) acyilhna.

ECLESIASTÉS 3:2 Iomraidhean Croise

GÉNESIS 17:21

Comasquejec sat mataa monquinatquiscama actemaclha sicmayjayoclha coo. Aptiyacmec sat ancoc Isaac, eyiplovcasojoc sat mataa actemaclha sicmayjayoclha coo. Elyiplovcasojoc sat mataa aplhamoclhojo aptovana. Etyamoc sat Isaac apquitcoc comejec sat lhama año— nic nat aptomjac Dios.

GÉNESIS 47:29

Camquitvaac nic nat nelha acnim aptiyascam Jacob, moc apvisay Israel. Apcanyam nic nat apquitca apvisay José. Aptomjac nic nat apyap apcanya: —Altamjoc coo elyejiclhojo coo sicpayvam. Ipquin sat lhip apmic avjac eyvoc yoyam colhejec acyascacmo actemaclha aplhanma. Nongyane nasa ongvatoynalhca as yoclhilhma Egipto.

1 REYES 13:2

Apyimnatasquic nic nat appayvam, acno apcanama Dios, apquilaneyo acyitnamaclha altar acvatnamaclha, aptomja apcanya: ¡Altar! ¡Altar! Caylhojo appayvam ayinyema Dios: Etyamoc sat lhama sicaa apquitcoc, etnejic sat apvisay Josías, aptomja David aptavin niptamin. Colhic sat alvatna talha as altar elmetic sacerdotes apticyovam metnaja israelitas, apquiltomja apquilvatnama asoc acmasis as altar. Colhic sat alvatna talha enlhit apticyovam — nic nat aptomjac.

2 REYES 4:16

Aptomjac nic nat Eliseo apcanya: —Cotac sat ayitca moc año — nic nat aptomjac. Incatingmavoc nic nat quilvana: —Lhip visqui ajac, copvanquejec lhip jeyinimsic coo. Dios apquilancam nac lhip — nic nat intomjac quilvana.

JOB 14:14

¿Naso ya elhaticjangvomoc sat mocjam enlhit? Altamjo inyicje olinlhanmojo siclingaycamco acmasca, acvaycmo acnim sictamilviyam mocjam.

JOB 14:5

Lhip Visqui ingac aptimesquiscama acvamlha años etyisam sat enlhit. Apyasamcoc lhip acvamlha acnim najan apvamlha piltin comascoc sat aptiyascam enlhit.

JOB 7:1

Avanjec ninlingaycamco acyimtalhnama as nalhpop, asilhtec acyanmongam ningilvascapma ningiltamjaycam, acno acyanmongam apquiltamjaycam soldados.

SALMOS 113:9

Apmascosquic actomjaclha cotay ayitco quilvana. Cotniclhac sat mocjam nalava. Copayjiclhac sat avalhoc congne tingma ac. Innec ayaco Visqui ingac.

SALMOS 52:5

Etvasacpoc sat lhip lha ayinyema Dios Visqui ingac. Emacpoc sat lhip. Etipsacpoc sat lhip tingma pac. Ematong sat lhip nipyesicsa apnaymacoc.

PROVERBIOS 24:27

Onsavojoc siclho ningiltamjaycam amyip, onquiniclhac sat actic. Natamin ongillanac sat tingma, ontingyac sat familia.

ISAÍAS 28:24

Apquiltamjoc enlhit ecniclha actic apquilcacjam. Melquejec sat mataa cotmongvoycamlha nelha.

ISAÍAS 38:1

Nalhit acnim nic nat intomjac. Ningmasquem nic nat ayajem Ezequías. Aptiyaningvocmec nic nat profeta Isaías, Amoz apquitca. Aptomjac nic nat apcanya: —Lhip Ezeqías, ingyeylhojo Visqui ingac appayvam: Iltimnas sat lhip apquilmolhama actomjaclha nelha lhip appayvam. Metamalvomejec sat lhip, ingyitsapoc sat lhip — lhac aptomjac Visqui ingac — nic nat aptomjac Isaías.

ISAÍAS 38:5

Lhip Isaías, iltimnasquiclha sat apvisqui Ezequías coo sicpayvam: Eycaso Dios appayvam, lhip apyeyjamcaa David apvisqui apanco. Acjalhnoc lhip appayvam selmalhnaycam, acvitac coo apate ayingmenic. Pac otamilquiscomoc sat lhip. Etingyac sat mocjam lhip tingma apponquinomap acvaycmo tres acnim. Pac ovinaticsic sat lhip aptiyascam acvaycmo quince años.

ISAÍAS 54:1

Tingma apyitsomacpo quilvana. ¡Lhiya quilvana cotay ayitca, copayjiclha avalhoc lhiya, copalhamam sat lhiya! ¡Comnaycmas sat lhiya acvisay cotay ayitca! Aptomjac alhta Dios Apyimtalhnamo: Aplhamoc ayitquic quilvana apyamasma, am colhno quilvana apma atava.

JEREMÍAS 1:10

Opquinic sat sicpayvam apvalhoc lhip. Colhic sat apmopvan lhip quilhvo nac jay nipyesicsa apquilviscaa najan apnaymacoc. Apvanquic lhip ingyaptic, najan etvacsic, najan ellaniclha mocjam, najan ecniclha actic — alhta aptomjac Dios.

JEREMÍAS 45:4

Aptomjac Visqui ingac seyanya, oltimnacsic lhip: Evanquic otvacsic asoc sillanay siclho coo. Evanquic ongvaptic siyinayclha siclho coo. Eycaso mataa sictemaclha lhalhma anco as nalhpop.

SAN MATEO 13:41

Elapajacsic sat ángeles apquilasinancama apvisay Aptiyam Aptomja Enlhit. Elansiclhojoc sat aplhamoclhojo enlhit apquilsilhnanoncama najan enlhit melyascalhma (apquilmapsomcaa).

SAN MATEO 15:13

Apcatingmavoc alhta Jesús: —Copatipsalhcac sat moclhama yamit cotnaja apquinayclha coo Tata apna netin.

SAN LUCAS 1:13

Aptomjac alhta apcanya ángel Dios apcasinancama: —Zacarías, nojeya nasa —alhta aptomjac. Aplingac mataa Dios Ingyapam lhip apquilmalhnancama. Cotimsic sat ayitca lhip aptava Elisabet. Itnesquis sat apvisay Juan.

SAN LUCAS 1:20

Quip ilanojo, comopvan appayvam sat etnejic lhip. Sat cotepeclhac appayvam aptiyacmo apquitca. Apyascacmec lhac lhip coo sicpayvam. Cotnejic sat maa siltimnasa lhac —alhta aptomjac.

SAN LUCAS 1:36

Ca incolanojo actimem moc Elisabet. Actomjaclhojo acvanyam intomjac inlovso. Apquinavo sat maa ayitca. Seis piltin alhta actomja inlovso. Ayanyomalhca alhta cotay ayitca.

SAN JUAN 16:21

Ayovsec mataa quilvana yicpintama cotimsic ayitca. Invocmec anco acmasquilha avalhoc. Aptiyacmec sat ancoc ayitca, quilhvoc sat colvoncomoc actemaclha acmasca. Copayjiclhac sat avalhoc acvita sat ayitca aptiyam.

SAN JUAN 7:30

Apquililtamjoc alhta enlhitaoc elmoc Jesús. Am alhta emacpoc, ayinyemaclha am alhta covocmoc acnim, yoyam emacpoc.

LOS HECHOS 7:17

“Lhama ilhnic nat ayamquitvocmo acnim, yoyam comoc nelha aplhanmaclha Dios Ingyapam. Aplhameclhec nic nat enlhit Israel yoclhilhma Egipto.

LOS HECHOS 7:20

Invocmec nic nat acnim, yoyam etyamoc Moisés. Sicaa aptamila ilhnic nat. Apquilsovasoc nic nat Dios Ingyapam. Aptamilsacpoc nic nat apyap tingma pac apnatqui piltin.

GALATAS 4:4

Invocmec alhta acnim yoyam ingyapajacsic as nalhpop Apquitca Dios Ingyapam. Intimcasquic alhta inquin. Apcanyacpec alhta Dios Apquitca elyejiclhojo singanamaclha najan eyiplovsic apquiltemaclha judíos.

DEUTERONOMIO 34:5

Apquitsepquic nic nat Moisés apvisay Dios apquilancam, payjoc yoclhilhma Moab, acno aplhanma siclho Dios.

HEBREOS 9:27

Mongvanquejec nincoo ontimjic moc actemaclha, acvamlha lhama yoyam ongitsapoc, natamin coyiplovjoc sat acma singyicpilquemo.

1 SAMUEL 2:5

Apquiltomjaclhec apquiltimesaycam enlhit acma apquilnatam, coytic aptoycaoc. Mayic siclho alnapma enlhitaoc, yiplovcoc acyivey aptoycaoc. Quilvana cotay ayitca, cotimsic sat ayitquic acvaycmo siete. Quilvana nalava siclho, cotniclhac cotay ayitca.