ECLESIASTÉS 3:1 - Enhlit Bible

¹ Dios Visqui ingac ayinyema moclhama actemaclha as nalhpop:

ECLESIASTÉS 3:1 Iomraidhean Croise

2 REYES 5:26

Aptomjac nic nat profeta apcanya: —Invitac lhac sicvanmoncama actemaclha aptiyapma netin carro lhama enlhit yoyam elamyilhamcoc lhip. Aplhocac lhac lhip solyayem najan apquilantalhnama. Emoc sat lhip ayimjaclha solyatictama najan ayimjaclha uva moyayit. Elmoc sat nipquesic najan vayqui yamquilvana najan apquiltimesaycam najan quilvana altimesaycam.

2 CRÓNICAS 33:12

Naysicsa aplingaycamco acyimtalhnama Manasés, aptomja apquilmalhnancama Dios, yoyam epasmoc. Apquillaneclhec nic nat apvalhoc napato Dios, Visqui apancaoc apquilyeyjamcaa.

PROVERBIOS 15:23

Payjeclhec ingilvalhoc ningiltimnasa enlhit yavamlha etnejic, singilmalhneclho inlhojo. Actamila anco acvamlha appayvam comoc ingvalhoc, najan acvamlha hora, yoyam comoc ingvalhoc.

PROVERBIOS 24:27

Onsavojoc siclho ningiltamjaycam amyip, onquiniclhac sat actic. Natamin ongillanac sat tingma, ontingyac sat familia.

ECLESIASTÉS 1:13

Inlhenquic alhta evalhoc oyasingvomoc sat aclhamoclhojo asoc as nalhpop najan apquiltemaclha enlhit. Alhto inyicje aclhanma evalhoc, yavamlha otnejic. Dios ayinyema moclhama actemaclha, ningilanyomalhca ongyiplovcasjo.

ECLESIASTÉS 2:17

Actanovquic alhta sictiyascam as nalhpop. Alhto inyicje sicvascapma sictingyey asoc najan alhta aclhanma evalhoc. Acyitsomalhca sicpatjetma alhcajayam.

ECLESIASTÉS 2:3

Sictemaclha sicyascamco altamjoc oyasingvomoc ningyam anmin, nasoc lhaja anmin ayinyema acpayjayclha ingvalhoc as nalhpop.

ECLESIASTÉS 3:17

Inlhenquic alhta evalhoc: Elyicpilcacpoc sat enlhit apquilpeyvomo najan apquilmapsomcaa ayinyema Dios. Actemaclha singyicpilquemo ayinyema mataa Dios.

ECLESIASTÉS 7:14

Incaymalhquic copayjiclhac ingilvalhoc, nintajanyaa inlhojo actemaclha actamila. Ningiltajanyac sat ancoc actemaclha acmasom, incaymalhquic colhenic ingvalhoc aptomjaclha Dios Visqui ingac. Paj ongilyasamcoc nincoo, yavamlha etnejic mocjam Dios Visqui ingac.

JEREMÍAS 46:17

Eltime sat moc apvisay faraón apvisqui co Egipto, eltime sat apvisay: Mepqui apmopvan avanjec appayvam — sat eltime.

SAN MATEO 16:3

Apquiltomja inyicje apquillhena quellhip alhtoo: “Comamac sat acnim nac jay, ayinyemaclha inyilhvasquic maa netin, yipjopay najan maa netin” —apquiltomjac mataa quellhip. ¡Apquilaycmascam nac quellhip! Apquilyicpilco inyicje quellhip acyitnaclha maa netin. Am eyca elyasamcoc quellhip asoc yoyam cotnejic as ningvamlha nac jay.