ECLESIASTÉS 2:8 - Enhlit Bible

⁸ Ayansaclhec alhta oro najan plata, ayinyema siclho poc apquilviscaa moc yoclhilhma. Apnam alhta tingma ajac coro apquilminaycmascama enlhit najan quilvanaa. Actingyac alhta quilvanaa moc enatamcaa mongmovan ongilyipsitic.

ECLESIASTÉS 2:8 Iomraidhean Croise

2 SAMUEL 19:35

Vocmec ochenta años sictiyascam. Inmasquec coo sicyisponcama sictom najan sicyam najan seticjanquiscama acpaniyam. Mepqui ejaycaoc coo, ongvaylhojo apquilminaycmascama - paj. Oyimtalhnesquisic sat apmaclha lhip visqui ingac.

1 REYES 10:10

Intomjac nic nat avisqui acmesa Salomón asoc acmamnave: tres mil novecientos sesenta kilos oro asoc alyinmom. Najan asoc masis cotlaycaoc, najan alnatanma altamila anco. Am nic nat cotamalhca mocjam macmescama cotlaycaoc asoc masis. Quilhvoc anco aplhoy apvisqui Salomón acyivey ayaycaoc avisqui co Sabá.

1 REYES 10:14

Aplhocac nic nat apvisqui Salomón moclhama año veintidós kilos oro alyinmom.

1 REYES 10:21

Acyovoclhojo apquilmaycam ingjaycoc nic nat allanomalhca oro, najan maa acyovoclhojo apquilmaycam congne Ayimjaclha Yamit Líbano allanomalhca oro. Paj nic nat lhama asoc allanomalhca plata, ayinyema cotnaja acmamnave plata naysicsa aptimem apvisqui Salomón.

1 REYES 11:3

Setecientas nic nat apnatamcaa apvisqui Salomón najan trescientas moc apnatamcaa, altomja alsilhnanoncama apvalhoc.

1 REYES 14:27

Apvisqui Roboam apquillanay nic nat ningilajapsomalhca bronce tava apac. Apquiltamilcasquic nic nat as apquilmaycam apvisqui tingma pac apnamcaclha singilpilhtetemo apquilviscaa.

1 REYES 9:14

Apcapajasquic nic nat Hiram apnaclha apvisqui Salomón tres mil novecientos sesenta kilos oro alyinmom.

1 REYES 9:28

Apquilmiyaclhec nic nat yoclhilhma Ofir eltingya catorce mil kilo oro alyinmom, apquilpatmaoclha apnaclha apvisqui Salomón.

1 CRÓNICAS 25:1

Apquilyacyesquic nic nat apvisqui David najan apquillhalhmaa apnaymacoc apyapmayc apquilmolhama: Asaf, najan Hemán, najan Jedutún, ellhingsic ningminaycmascama najan apquilpayvascama: arpas, najan salterios, najan platillos. Yitnec apquilvisay moclhama apquilminaycmascama najan apquilpayvascama.

1 CRÓNICAS 25:6

Aplhinquiscama ilhnic nat apquilyap apquilminaycmascama najan apquilpayvascama congne tingma apponquinomap: apquilmaycam platillos najan salterios najan cítaras. Apvisqui apquilasinancama ilhnic nat: Asaf, Jedutún najan Hemán.

2 CRÓNICAS 9:11

Apquillanac nic nat barandas tingma apponquinomap, allanomalhca yamit sándalo, najan payjoc apvisqui tingma pac. Inquillanalhquic nic nat apquilmaycam música arpas najan salterios. Am nic nat cotalhcac mataa actema nac jay yoclhilhma Judá.

ESDRAS 2:65

Am nic nat elyipsatacpoc apquilmomap apquiltimesaycam najan maa quilvanaa altimesaycam, acvaycmo 7.337. Mocjam enlhit apquilminaycmascama najan quilvanaa alminaycmascama, acvaycmo 200.

DANIEL 3:15

¿Pa ya elticlhic aptapnaoc eltimjic apquilayo quilaycmasquiscama ajanco, apquillinga inlhojo apquilpayvascama apquilmaycam música? Am sat ancoc eljalhnoc quellhip, meltomja apquilayo quilaycmasquiscama, elyinyovacpoc sat quellhip talha acvanyam congne malhic acyivey. ¿Apne ya poc dios, yoyam emyoc quellhip? — nic nat aptomjac.

DANIEL 3:5

Apquillingac sat ancoc quellhip apquilpayvascama trompeta, apquilpayvascama flauta, apquilpayvascama cítara, apquilpayvascama lira, apquilpayvascama salterio, apquilpayvascama gaíta najan moc apquilpayvascama. Elticlhic sat aptapnaoc, eltime sat apquilayo quilaycmasquiscama allanomalhca oro najan asoc alyinmom. Apcanama alhta apvisqui Nabucodonosor colhic allana quilaycmasquiscama.

DANIEL 3:7

Apquillingac nic nat apyovoclhojo apcanayclha maa, macpayvascama música. Apquilticlhiquic nic nat aptapnaoc, apquiltomja apquilayo quilaycmasquiscama allanomalhca oro.

AMÓS 6:5

Apquilpayvasquic quellhip flauta, mepqui apquilmopvan elpayvacsic. Apquilvajanamquic quellhip aptemaclha ilhnic nat appayvascama David.