ECLESIASTÉS 2:5 - Enhlit Bible

⁵ Ayinaclhec alhta aclhamoclhojo altemaclha yamtaa acma acyilhna, coo ajanco ayimjaclha yamit.

ECLESIASTÉS 2:5 Iomraidhean Croise

NEHEMÍAS 2:8

Incaymalhquic lhama vaycajac yoyam elyipsitic yatapvisqui Asaf, aptomja yamit avisqui ac. Memyovejec sat yamit yoyam onaniclhac sat atnaoc apvisqui tingma pac najan atnaoc apjalhtam tingma najan coo tingma ajac yoyam olhic sat maa — alhta actomjac coo. Am alhta emyavac apvisqui. Epasmec alhta Dios.

LOS CANTARES 4:12

Lhiya eyalhing, sicponcanma coo, lhiya acyitsomalhca ayimjaclha ninganma najan actiyapmaclha yingmin, apmasma inyicje avtip.

LOS CANTARES 4:13

Acvisay amyip ayimjaclha yamit granados najan moc acyilhna acmasis, najan ayimjaclha ilhnamoc aljeña nardo.

LOS CANTARES 4:16

Actomja coo siyanya alhcajayam: ¡colhaticja! Actomja siyanya piyam: ¡Ilhing jilip! ¡Colilhcajacmoc sat amyip ayimjaclha ninganma acpaniyam! Imyama jilip lhip sicponcanma, italhningvota ayimjaclha ninganma. Itov sat aclhamoclhojo acyilhna altamila.

LOS CANTARES 5:1

Lhiya eyalhing, lhiya sicponcanma. Acvoctac coo ayimjaclha ninganma. Acliquic coo yamit mirra najan asoc acmasis. Actovquic coo pa'pac yamyovjene. Acyinquic coo uva ayingmenic najan leche. ¡Quellhip enaymacoc, eltovaoc sat quellhip, elyinaoc sat apquiltamjoclha elyinamcoc!

LOS CANTARES 6:2

Amyip ayimjaclha ninganma apyasac sicponcanma, payjoc acyitnamaclha acpaniyam acmasis. Apnalaclhec apnatoscama, elcoc sat najan ilhnamoc rosas.

JEREMÍAS 39:4

Intiyacmec nic nat apvalhoc apvisqui Sedequías najan apnaymacoc singilpilhtetemo apquilvita cotnaja ingmoc. Apquinyajamquic nic nat apquilyinyova tingma apvanyam. Alhtaa ilhnic nat apquilantepa tingma, apquilyiplaclho ilhnic nat amay ayimjaclha yamit altamila. Apquilmilanquic nic nat atong naysicsa anit mataymong apjalhtam. Apquilyiplaclhec nic nat amay acyascama vatsam Jordán.