ECLESIASTÉS 2:10 - Enhlit Bible

¹⁰ Actingyac alhta aclhamoclhojo asoc alpayesayclha evalhoc coo, ayinyema ayitsepma enenyic. Avanjec alhta acpayjayclha evalhoc mepqui seyastingam, ayinyema sicvascapma sictingyey as asoc.

ECLESIASTÉS 2:10 Iomraidhean Croise

GÉNESIS 3:6

Inquilanoc nic nat yamit acyilhna quilvana. Actamila anco ilhnic nat acyilhna. Avanquic nic nat jingyascasingvomoc. Inquitsepquic nic nat inquenyic yoyam cotoc acyilhna. Inliquic nic nat acyilhna. Intovquic nic nat. Inmasquic nic nat atava. Aptovquic nic nat atava.

GÉNESIS 6:2

Apquilvitac Dios apquitquic altomja altamila quilvanaa mepqui anatamcaa. Apquilyacyesquic nic nat quilvanaa. Inquilyimjapquic nic nat.

JOB 31:1

Inlhenquic alhta evalhoc oltamacsic ejataoc. Cotsepejec enquenyic quilvana cotnaja etava.

SALMOS 119:37

Nongyane nasa otingya quilaycmasquiscama (dioses). Jeyimnaticsojo coo. Oyiplaclhac sat lhip.

SALMOS 128:2

Ontovamcoc sat acyilhna ayinyema ningiltamjaycam. Coytic sat actamilaycam ingvalhoc.

PROVERBIOS 23:5

Naysicsa aptingyey lhip cascama apquilnatam, covonquepoc sat maa, malha mama apvonquepma sat cotnejic.

ECLESIASTÉS 11:9

Lhip apyimnanic, copayjiclha sat apvalhoc aclhamoclhojo acnim, etingyac asoc altamila. Iyiplovcasojo aclhanmaclha apvalhoc. Noncolvonquim nasa lhip, ingyatingmojoc sat napato Dios, apquilmalhneclho inlhojo lhip aptemaclha.

ECLESIASTÉS 2:1

Inlhenquic alhta evalhoc: Otingyac sat asoc altamila siltamjoclha otingyac — alhta intomjac evalhoc. Inyitsalhquic alhta sictemaclha sicpatjetma alhcajayam, alhto inyicje sictingyey asoc.

ECLESIASTÉS 2:22

¿Soc sat ongmiclhac nincoo nimpenesa inlhojo acyivey nintamjaycam as nalhpop?

ECLESIASTÉS 2:24

Tasi inyicje ontovamcoc najan ongyinamcoc najan ongvitac asoc ayinyema nintamjaycam, acyiplomo acpayjayclha ingilvalhoc. Eycaso ayinyema Dios Visqui ingac, jave ayinyema nincoo.

ECLESIASTÉS 3:22

Acyasingvocmec coo: Incaymalhquic copayjiclhac ingilvalhoc ningvita asoc altamila ayinyema ningiltamjaycam. Eycaso ayinyema Dios. ¿Apvanqui ya enlhit eyasamcojo actemaclha niptamin, yavamlha cotnejic?

ECLESIASTÉS 5:10

Nintingyey solyayem, yiplovcoc ayitsepma ingnenyic mocjam solyayem. Nintingyey ningilnatam, yiplovcoc ayitsepma ingnenyic mocjam ningilnatam. Alhto inyicje nintingyey as asoc.

ECLESIASTÉS 5:17

Ninlingamcoc mataa naysicsa ningileyvam acmasca ingyimpejic, najan acyajapmo ingvalhoc, najan yatescamalhma.

ECLESIASTÉS 5:18

Acyasingvocmec coo: Yavatoc ningma as nalhpop singmescama Dios. Incaymalhquic ontovamcoc, najan ongyinamcoc, najan copayjiclhac ingilvalhoc naysicsa ningilvascapma ningiltamjaycam as nalhpop. Eycaso ningilanyomalhca ayinyema Dios.

ECLESIASTÉS 6:2

Apnec maa enlhit mayayo najan cascama apquilnatam, mepqui ayaymomalhca asoc. Apmiyovqui eyca Dios etoc najan ingyitsovasoc as enlhit acma apquilnatam, poc enlhit emiclhac as apquilnatam, yoyam ingyitsovacsojoc maa. Alhto inyicje aptingyey enlhit cascama apquilnatam, actemaclha coliclama ingilvalhoc.

ECLESIASTÉS 6:9

Incaymalhquic copayjiclhac mataa ingilvalhoc ningvita anit asoc ingancaoc, mepqui ayitsepma ingnenyic moc asoc. Alhto inyicje ayitsepma ingnenyic acyitsomalhca nimpatjetma alhcajayam.

ECLESIASTÉS 8:15

Incaymalhquic mataa copayjiclhac ingvalhoc aclhamoclhojo acnim. Tasi inyicje ontovamcoc, najan ongyinamcoc, najan ongilitsovasoc naysicsa ningileyvam as nalhpop. Dios aptomja singmasma, malha singmescama ningileyvam as nalhpop.

ECLESIASTÉS 9:6

Inmasquec nipyesicsa apquilmasquingvaycmo apquiltemaclha apquilasicjayo, najan apquiltemaclha apquillom, najan moc apquiltemaclha apancaoc. Mejingilpasmejec sat mataa naysicsa ningileyvam as nalhpop, ayinyema apquilmasquingvoyam nano.

ECLESIASTÉS 9:9

Pac ongilasicjojoc mataa intava naysicsa ningileyvam acyavatem ayinyema Dios. Actomja malha acyanmongam ningilvascapma ningiltamjaycam as nalhpop.

1 SAN JUAN 2:16

Am conyemac mataa Dios apquiltemaclha enlhit lhalhma anco, eyca ayinyema as nalhpop. Acvisay: ayitsepma ingnenyic najan acmayjayo ingataoc najan nintemaclha ningajamalhco inganco. Eycaso apquiltemaclha enlhit lhalhma anco.

JUECES 14:2

Aptajaclhec nic nat mocjam. Apquiltimnasquic nic nat apyap najan inquin actemaclha apvitay. Aptomjac nic nat apcanya: —Jetingyasquis sat quilvana ayitcoc, sicvita alhta tingma Timnat. Quilvana ayitcoc acmolhama co Filistea. Otnejic sat etava coo — nic nat aptomjac Sansón.