ECLESIASTÉS 2:1 - Enhlit Bible

¹ Inlhenquic alhta evalhoc: Otingyac sat asoc altamila siltamjoclha otingyac — alhta intomjac evalhoc. Inyitsalhquic alhta sictemaclha sicpatjetma alhcajayam, alhto inyicje sictingyey asoc.

ECLESIASTÉS 2:1 Iomraidhean Croise

GÉNESIS 11:7

Incaymalhquic ongilvayventac sat nipyesicsa enlhitaoc. Ongillhinganimsic sat apquilpayvam. Melyasamquejec sat mataa poc aplhanma— nic nat intomjac apvalhoc.

2 REYES 5:5

Apcatingmavoc nic nat apvisqui co Siria: —Iyas sat maa. Otalhocsic sat vaycajac esaclhesic lhip apvisqui yoclhilhma Israel — nic nat aptomjac. Aplhinquic nic nat general Naamán. Apsovquic nic nat diez talentos plata asoc alyinmom, najan seis mil piezas oro asoc alyinmom, najan diez apava apquilantalhnama apquiltamila.

SALMOS 10:6

Intomjac mataa apvalhoc: —Mongvacyejec mataa coo. (mosilhnanalhquejec) Motjanyejec sat acyimtalhnama yoyam olngamcojo — intomjac apvalhoc.

SALMOS 14:1

Intomjac mataa apvalhoc meyascamcolhma: —Mepqui Dios Visqui ingac — intomjac apvalhoc. Acmasom apquiltemaclha najan actanovmalhca. Paj lhama aptomjac appeyvomo nipyesicsa.

SALMOS 27:8

Inlhenquic evalhoc lhip aplhanma nano: —Jelquitam coo — alhta aptomjac lhip. Naso, ayitamquic coo mataa lhip.

PROVERBIOS 14:13

Yitne inyicje ningilasmescama, naysicsa aclingaycamco ingvalhoc. Natamin ningilitsovascama coyiplovjoc acmayovsa ingvalhoc.

ECLESIASTÉS 11:9

Lhip apyimnanic, copayjiclha sat apvalhoc aclhamoclhojo acnim, etingyac asoc altamila. Iyiplovcasojo aclhanmaclha apvalhoc. Noncolvonquim nasa lhip, ingyatingmojoc sat napato Dios, apquilmalhneclho inlhojo lhip aptemaclha.

ECLESIASTÉS 2:10

Actingyac alhta aclhamoclhojo asoc alpayesayclha evalhoc coo, ayinyema ayitsepma enenyic. Avanjec alhta acpayjayclha evalhoc mepqui seyastingam, ayinyema sicvascapma sictingyey as asoc.

ECLESIASTÉS 2:15

Inlhenquic alhta evalhoc coo: Enlhit aptemaclha mepqui apyascamco colhojoc sat sictemaclha sicyascamco. ¿So actomja yi sictingyey sictemaclha sicyascamco? Alhto inyicje sictemaclha sicyascamco, acyitsomalhca sicpatjetma alhcajayam.

ECLESIASTÉS 2:25

¿Ingvanqui ya nincoo mepqui Dios, yoyam ontovamcoc najan yoyam copayjiclhac mataa ingilvalhoc? Ayinayc coo paj.

ECLESIASTÉS 7:4

Yitnec aclhanma ingvalhoc acnim ningitsepma, acyitna inlhojo acyascamco ingvalhoc. Yitnec aclhanma ingvalhoc ningitsovascama, acyitna inlhojo acyeyjamelhma ingvalhoc.

ECLESIASTÉS 8:15

Incaymalhquic mataa copayjiclhac ingvalhoc aclhamoclhojo acnim. Tasi inyicje ontovamcoc, najan ongyinamcoc, najan ongilitsovasoc naysicsa ningileyvam as nalhpop. Dios aptomja singmasma, malha singmescama ningileyvam as nalhpop.

ISAÍAS 5:5

Tasi. Pac oltimnacsic quellhip yavamlha otnejic ayimjaclha uva. Oljalhyovacsic sat acjalhtam, colhic sat actovasa ayimjaclha uva ayinyema ninatoscama. Otvacsic sat acjalhtam, colhic sat actovasa ayimjaclha uva altoyam ninatoscama.

ISAÍAS 50:11

Apquilvatnec sat ancoc talha enlhit, najan apquillanay yanca acpayescama talha, elmetic sat naysicsa talha apancaoc, najan yanca apancaoc acpayescama talha, eticyoc sat maa. Visqui ingac eyanmongsiclhac sat apquiltemaclha apancaoc, comasquejec sat mataa apquillingaycamco acyimtalhnama — alhta aptomjac apcasinancama— nic nat aptomjac profeta.

ISAÍAS 50:5

Eyascasingvocmec coo Visqui ingac olngacsic appayvam sicjalhenmo siclho. Am alhta otanovac mataa, am alhta olvatasac siclingascama siyanyomalhca otnejic.

SAN LUCAS 12:19

Colhenam sat mataa evalhoc sicnincanmaclha silnatam. Mosovjec sat aplhamoclhojo piyam. Oytic sat mataa, otoc sat, oynic sat, ongvitsovacsojoc sat” —ilhnic nat intomjac apvalhoc.

SAN LUCAS 16:19

“Apnec nic nat enlhit ningilnatam inyap. Apquiltalhneclhec nic nat mataa apquilantalhnama apquililhyevay najan apava apquilmopoy. Apcajamacpo ilhnic nat mataa. Apquilanac nic nat mataa actema nac caya apto najan actemaclha ningitsovascama.

SAN LUCAS 16:23

Apvocmec nic nat alyascamaclha ingjangaoc. Apyovsec nic nat acmasca. Apquinmelhavoc nic nat mocjay. Apvita ilhnic nat Abraham apna lhama Lázaro.

TITO 3:3

Yitnec nat nincoo lha nintemaclha inganco, actemaclha mongilyascamco najan actemaclha mongilyajayquiclho Dios. Ningillhinganacmec nat ninlhamoclhojo. Ningyiplovcasquic nat actemaclha ayitsepma ingnenyaoc asoc almasomcaa. Najan actemaclha ningyasipquiscama ingmoc. Najan actemaclha ningiltanoncama ingnaymacoc najan actemaclha ningiltanovmalhca ningyesicsa.

SANTIAGO 4:13

Quip elaylhojo quellhip. Apquiltomja inyicje mataa quellhip: “As acnim nac jay najan secaseclha sat ongilmiyaclhac poc tingma. Ongnam sat maa lhama año. Ongillhamasiclhac sat solyayem ingac” —apquiltomjac mataa quellhip.

SANTIAGO 5:1

Quip elaylhojo quellhip acma apquilnatam. Elyipcalhaoc quellhip najan eliclhangvom. Ellingamcoc sat quellhip acmasca yoyam covac sat.

SANTIAGO 5:5

Avanjec mataa aptoycaoc quellhip aclhamoclhojo acnim apquileyvam as nalhpop. Apnamilay apquiltomja quellhip. Incovac sat acnim yoyam eticyo quellhip. Malha acticyovam ninatoscama acnamilay sat cotnejic.