ECLESIASTÉS 12:1 - Enhlit Bible

¹ Lhip apquitcoc, noncolvonquim nasa naysicsa aptiyascam lhip Visqui ingac Dios, aptomja singilantipquiscama. Covac sat acnim aplingaycamco lhip acyimtalhnama meyisponcama lhip.

ECLESIASTÉS 12:1 Iomraidhean Croise

LAMENTACIÓNES 3:27

Intasic mataa enlhit apquitcavoc elyasingvomoc asoc alyimtalhnama alinyema Visqui ingac.

ECLESIASTÉS 11:8

Incaymalhquic copayjiclhac ingilvalhoc ningvita inlhojo acnim, tasic najan aclhamoclhojo acnim. Ajolhec mataa alhtaa yoyam covac sat. Alhto inyicje aclhamoclhojo asoc yoyam colvac sat.

PROVERBIOS 22:6

Pac ongiltamsamcoc inquitquic apquitcavoc najan ayitcavoc, colmiyovalhcac sat alyiplovquisa nintemaclha actamila.

SAN LUCAS 18:16

Yejemoc alhta apquilevamcaa sicaa Jesús. Aptomjac alhta apquilanya: —Elojo anco jelyota sicaa ayitcaoc. Noelyas nasa ilhma. Apnasoc sat ancoc actemaclha sicaa enlhit, apanco sat cotnejic Dios apquilnancascama.

SALMOS 34:11

Quellhip enaymacoc. Ellhingma jilip. Elaylhojo sicpayvam. Pac olhicmocsic actemaclha ningayo Visqui ingac.

2 TIMOTEO 3:15

Apyasamcoc lhip tasic amyaa ayenmo aptemaclha apquitcoc. Eycaso actomja acyascasingvoyam lhip actemaclha ningilvomsomalhca tap ayinyema mongyasquiyam Cristo Jesús.

SALMOS 90:10

Ningileyvec nincoo acvamlha setenta años. Acvoncaclhojo mataa ningileyvam acvoyacmo ochenta años. Avanjec mataa ninlingaycamco najan nintamjaycam naysicsa ningileyvam. Inquilvonquipquic mataa quilhvo aclhamoclhojo años. Acno nincoo lha quilhvoc ongilvonquepiclha.

ECLESIASTÉS 11:10

Nongyane nasa colvoc apvalhoc lhip. Ingyas actemaclha aplingaycamco acmasca. Comascoc sat actemaclha ingva acpasyam, comascoc sat nintemaclha inquitcoc, alhto sat cotnejic.

PROVERBIOS 8:17

Ayasicjavoc mataa enlhit aptomja seyasicjayo sicvisay sicyascamco. Elvitaclhec mataa enlhit aptomja setamsama coo.

2 SAMUEL 19:35

Vocmec ochenta años sictiyascam. Inmasquec coo sicyisponcama sictom najan sicyam najan seticjanquiscama acpaniyam. Mepqui ejaycaoc coo, ongvaylhojo apquilminaycmascama - paj. Oyimtalhnesquisic sat apmaclha lhip visqui ingac.

1 SAMUEL 2:26

Apvanamyic nic nat Samuel apquitcoc. Apyispaquic nic nat Dios. Apquilyispaquic nic nat enlhitaoc aptemaclha Samuel.

GÉNESIS 39:2

Aplhalhma ilhnic nat aptomjac mataa José Dios Apyimtalhnamo. Intasic nic nat aptiyascam José tingma pac yatapvisqui yoclhilhma Egipto.

SAN LUCAS 1:15

Etnejic sat apyimtalhnamo napato Dios. Meynejec sat anmin. Elhic sat Espíritu Santo apvalhoc amamyi aptiyam.

1 SAMUEL 16:7

Aptomjac nic nat Dios apcanya profeta: —Noncolhen nasa apvalhoc lhip actemaclha apvitay apyovoclhojo najan aptemaclha apvinatem. Am alhta olyacyasac coo. Moc actemaclha ningilyacyescama nincoo moc actemaclha apquilyacyescama Dios. Ningilanoc mataa apyovoclhojo ningvita enlhit. Dios eyca apquilanoc mataa apvalhoc enlhit — nic nat aptomjac.

GÉNESIS 39:23

Am nic nat eltimnasac mataa lhama asoc yoyam elana José. Ayinyemaclha appasmec nic nat mataa Dios Apyimtalhnamo. Intasic nic nat mataa aclhamoclhojo asoc ayinyema aptimesquiscama Dios.

EFESIOS 6:4

Quellhip apquilyapmayc. Noellovquis nasa apquitquic. Elvanimquis najan eltamsaoc yoyam melyascamejec Visqui ingac.

DANIEL 1:17

Cuatro ilhnic nat apquilyimnanic. Inyangvocmec nic nat apquilyascamco ayinyema Dios. Inmec nic nat apquilvalhoc actemaclha singyascasingvoyam aclhamoclhojo vaycajac. Apyascamco ilhnic nat innac Daniel actemaclha acvitay ningvanmoncama najan moc singvanmescama.

ISAÍAS 26:8

Peyvoc nincoo lha ingilvalhoc, ayinyema ningyiplovquiscama singanamaclha lhip. Ningiltamjoc mataa colhenic ingilvalhoc lhip apvisay.

1 SAMUEL 2:18

Apquiltimesam nic nat Samuel apquitcoc napato Dios. Aptalhneclhec nic nat mataa apava apvinatem aptemaclha sacerdote.

1 REYES 18:12

Evonquepoc sat lhip naysicsa siltimnascayclha amyaa. Dios Espíritu apanco sat eyantamac. Am sat ancoc ectamacpoc lhip, jeyajic sat apvisqui. Coo sictomja siyayo Dios Apyimtalhnamo ayenmo sictemaclha eyitcoc.

1 SAMUEL 1:28

Momyovejec coo sictamongvoyam. Dios etnejic sat apanco aclhamoclhojo años aptiyascam apquitcoc — nic nat intomjac. Apjalhec nic nat Elí, inticlhicvocmec nic nat nalhpop payjaclha napaat apcayo Dios.

OSEAS 7:9

Apquilyamposquic mataa metnaja apquiltemolhama, am eyca elyasamcoc enlhitaoc Efraín. Inquilmopeclhec apva apcatcoc, am eyca elyasamcoc.

JOB 30:2

Colapvanquejec mataa enlhit melyimnatem ellanac lhama asoc, mepqui apquilyimnaa.

1 REYES 14:13

Elyapcalhic sat enlhitaoc lhalhma anco, ingyatoynacpoc sat. Apvamlha pac lhama aptavin Jeroboam yoyam ingyatoynacpoc, ayinyema ilhnic nat apyisponcama Dios Visqui ingac apvamlha maa.

DEUTERONOMIO 8:18

Colyitnam apatic quellhip Dios Apyimtalhnamo, ayinyemayaclha apquilyimnatem quellhip. Aplhenquic nic nat mepqui apyeycajascaoc Dios napatavo apquilyeyjamcaa, actemaclha ningmiyovmalhca, apquilvitay quellhip as ningvamlha nac jay.

NEHEMÍAS 4:14

Alanoc alhta enlhitaoc. Actomjac alhta silanya enlhitaoc najan apquilimja apmamyi: Noela nasa cotnaja ingmoc. Coyit apatic visqui ingac apyimtalhnamo ningiltomja ningilayo. Elnapop sat, elmiyov sat apnaymacoc najan quellhip apquitquic najan apnatamcaa najan tingma apancaoc — alhta actomjac coo.

SALMOS 63:6

Inlhenquic mataa evalhoc lhip amamyi sictiyanma. Inyitnec ajatic lhip sictiyapeyacmo alhtaa.

SALMOS 119:55

Alhtaa intomjac mataa aclhanma evalhoc lhip Visqui ingac. Oltamsalhcac sat ayinyema selhicmoscama, yoyam oyiplovcasojo.

ECLESIASTÉS 11:2

Pac ongilmilascoc ningilnatam, mongilyasamcoc acvamlha cotnejic mayic ataoc.

2 SAMUEL 19:36

Opasmoc sat lhip eljalhtipilhquetic vatsam Jordán. ¿So actomja yi jeyimlimojoc sat lhip?