ECLESIASTÉS 1:9 - Enhlit Bible

⁹ ¡Paj mataa actemaclha alhnancoc as nalhpop! Cotalhcac sat asoc acvitamalhca nanoc nat. Collanalhcac sat asoc allanomalhca nanoc nat. Mepqui moc actemaclha.

ECLESIASTÉS 1:9 Iomraidhean Croise

ECLESIASTÉS 1:10

Yitne inyicje amyaa: ¡Quip elanojo actemaclha alhnancoc! — intomjac amyaa. Invitalhquic as actemaclha nanoc nat mongiltiyaycamlha mocjam.

ECLESIASTÉS 2:12

Inlhenquic evalhoc aptemaclha enlhit apyascamco najan enlhit mepqui apyascamco. ¿Soc enlhit apmamyi? ¿Inlhenquic evalhoc apvisqui netamin coo, naso ya colhojoc sat aptemaclha apquilyeyjamcaa nano?

ECLESIASTÉS 3:15

Actemaclha nanoc nat ningvita quilhvo nac jay. Nanoc sat ongvita actemaclha ayinyema nanoc nat. Cotniclhac sat mataa actemaclha actajovsayclha, ayenmoclha acvaycmo nelha.

ECLESIASTÉS 6:10

Inlhenquic apvalhoc Dios yavamlha ontimjic nincoo mongiltiyaycamlha mocjam nincoo. Mongvanquejec nincoo ongilatingmojo (ongilatingmalhcojo) Dios aptomja apyimnatem apanco.

ECLESIASTÉS 7:10

Jave nintemaclha nano actomja actamila anco, am colhno nintemaclha as ningvamlha nac jay. Cotnaja ninlhanma actema nac jay, ningilvisay ningyascamco.

ISAÍAS 43:19

Quip elanojo. Pac otnesquisic asoc alhnancoc. Quilhvoc sat ongvita. ¿Am ya elyasamcoc quellhip? Otipsic sat amay yoclhilhma actamopeycaoc. Omilansic sat vatsam yoclhilhma acyamacoclhilhma.

JEREMÍAS 31:22

¿Co laa ayinyema alyasquiyam apquilvalhoc, acno acyasquiyam quilvana ayitca? Coo sicvisay Visqui, sictimesquiscama actemaclha alhnancoc as nalhpop, malha quilvana aljalhanma enlhit (quilvana comoc sat tacja atava) — alhta aptomjac Visqui ingac.

2 SAN PEDRO 2:1

Altamjoc elyasingvoclhojo mocjam quellhip. Apnam nic nat mataa nipyesicsa enlhitaoc Israel profetas apquilmopvancaa amyaa. Najan nipyesicsa quellhip lha, elvitac sat apquillhicmoscama apquilmopvancaa amyaa. Elyilhacpojoc sat ellhicmocsic amyaa singillhinganimquiscama. “Metnaja singvomquiscama tap Visqui ingac” —sat eltimjic mataa ellhicmocsic. Cotlapsic sat elnatovasacpoc as enlhitaoc.

EL APOCALIPSIS 21:1

Natamin acvitac alhta alhnancoc netin najan alhnancoc nalhpop. Ayinyemaclha inmasquec alhta siclhoc anco netin najan siclhoc anco nalhpop. Inmasquec alhta najan yingmin acvanyam.

EL APOCALIPSIS 21:5

Aptomjac alhta aptomja apma netin Visqui aptajanem: —Quip ilanojo, ollanac sat coo alhnancoc aclhamoclhojo asoc —alhta aptomjac. Aptomjac alhta seyanya mocjam: —Italhos. Ayinyemaclha actomja nasoc anco sicpayvam yoyam melyascomoc —alhta aptomjac.