ECLESIASTÉS 1:8 - Enhlit Bible

⁸ Mongvanquejec onlhenic altemaclha asoc ningvitay najan ninlingay, comejec mataa ingilvalhoc.

ECLESIASTÉS 1:8 Iomraidhean Croise

SALMOS 63:5

Copayjiclhac sat evalhoc, malha naysicsa sictom actamila anco. Otnejic sat siyayo lhip acyiplomo acpayjayclha evalhoc.

PROVERBIOS 27:20

Mepqui ayastingam mataa alyascama ingjangaoc, mepqui ayastingam ingvalhoc actemaclha ayitsepma ingnenyic.

ECLESIASTÉS 1:7

Inquinyec mataa yingmin acvaycmo yingmin acvanyam, mepqui aclaneyo yingmin acvanyam. Cotyapoc sat mocjam actiyapmaclha yingmin, conyejic payjoc yingmin acvanyam. Mepqui moc actemaclha.

ECLESIASTÉS 2:11

Inquitamquic alhta evalhoc sictomjaclha coo najan sictemaclha coo. Alhto inyicje sictingyey aclhamoclhojo asoc, acyitsomalhca sicpatjetma alhcajayam. Alhto inyicje sicvascapma sictamjaycam najan alquitamsama evalhoc as nalhpop.

ECLESIASTÉS 2:26

Dios mataa aptimesquiscama ningyascamco najan acpayjayclha ingilvalhoc, aptomja inlhojo singilyacyescama. Evascapoc mataa aptamjaycam enlhit meyascalhma. Etingyac sat cotlaycaoc asoc enlhit meyascalhma, yoyam emiclhac sat Dios apquilyacyescama. Alhto inyicje aptemaclha apvascapma, acyitsomalhca appatjetma alhcajayam.

ECLESIASTÉS 4:8

Enlhit aptamjam aplhapco, mepqui apnaymacoc, mepqui apquitquic, mepqui apquilyalhing. Avanjec apvascapma aptamjaycam apcansayclha apquilnatam, mepqui mataa aplovquiscama apyampay. ¿So actomja yi aptomjaclha maa? Alhto inyicje apvascapma, acyitsomalhca appatmeycam acyimtalhnama naysicsa aptiyascam.

ECLESIASTÉS 6:7

Yitnec nincoo ningvascapma ningiltamjaycam, yoyam coytic mataa nintom. Yiplovcoc mataa mayic singajem.

HAGEO 1:9

Avanjec mataa apquilquitamsama asoc quellhip, asilhtec mataa apquilvitay. Apquilansaclhec mataa asoc tingma apancaoc quellhip, coo eyca sicvonquipquiscama as asoc. ¿So actomja yi? Ayinyema aptovasomap coo tingma ajac apponquinomap, quellhip eyca apnam tingma apquiltamila apanco. Eycaso sicpayvam sicvisay Dios.

SAN MATEO 11:28

Jelyotam quellhip apquiltomja apquilyampay ayinyema apquiltamjaycam najan apquilpatmeycam. Olovquisquisic sat apquilyampay.

SAN MATEO 5:6

‘Apquilinyejemoc anco enlhit apquilmayjayo actemaclha acpeyvomo, malha mayc alnapma najan acnim alnapma. Dios Ingyapam sat epasmoc yoyam ellhovangvomoc.