ECLESIASTÉS 1:16 - Enhlit Bible

^16-17 Inlhenquic alhta evalhoc coo: Acyasingvocmec alhta cotlaycaoc asoc, am alhta elhno apquilviscaa nano tingma Jerusalén. Altamsalhquic alhta coo, acyasingvocmec alhta coo, sictomjayclho sicyascamco. Inyasingvocmec alhta evalhoc: Ningyasingvoyam asoc acyitsomalhca ningilpatjetma alhcajayam — intomjac evalhoc.

ECLESIASTÉS 1:16 Iomraidhean Croise

1 REYES 10:7

Am alhta oyascacmoc amyaa siclinga. Quilhvo eyca sicvactama, sicvita actomja nasoc anco. Asilhtec alhta siclingay aplhenamap lhip. Avanjec anco sicvita quilhvo nac jay, am colhno siclingay alhta aptemaclha apyascamco lhip najan acnaycaoc apquilnatam.

1 REYES 4:30

Apyascamco apanco ilhnic nat Salomón, am elhno apquilyascamco co Egipto najan co actiyapmaclha acnim.

1 REYES 5:9

Eltingyac sat yamit cedro najan ciprés coo silancam netin inquilhe Líbano. Elsaclhac sat yamit nicja yingmin acvanyam. Ellhingsic sat netin yingmin acvocmo tingma apcanyaclha lhip colhic acninquina yamit. Eljalhyovacsic sat maa yamit yoyam elmoc lhip. Altamjoc lhip jelapajasquisic nintom, coo sictom najan aplhamoclhojo sicmolhama — nic nat intomjac amyaa.

2 REYES 5:20

Profeta Eliseo apquilancam nic nat apvisay Giezi. Aplingac nic nat Giezi. Intomjac nic nat apvalhoc: —Am lhac coyacmoc visqui ajac elhca asoc apsayquinta Naamán co Siria. Apvitac alhta Dios. Ongvimjamcoc sat Naamán. Ongvanic sat yoyam jelmecsic asoc — nic nat intomjac apvalhoc.

2 CRÓNICAS 2:12

Mocjam aclhanma vaycajac: Aptasi nac Dios Visqui apancaoc Israel, aptomja apquillanay nic nat netin najan nalhpop, aptimesquisa David apquitca, etnejic apvisqui apyascamco, apvisqui apmopvan, najan meyasquiyam Dios, etnejic sat apquillanay tingma apponquinomap najan tingma apyivey, apvisqui tingma pac.

SALMOS 4:4

Elavojo quellhip acyiplomo apquilpilhyinamam. Elvatsaoc apquiltemaclha apquilsilhnanomap apanco. Colhenam apquilvalhoc alhtaa. Elvanma sat quellhip.

SALMOS 77:6

Inlhenquic evalhoc sicminaycmascama alhtaa. Intomjac evalhoc acpametamcaa.

ECLESIASTÉS 2:1

Inlhenquic alhta evalhoc: Otingyac sat asoc altamila siltamjoclha otingyac — alhta intomjac evalhoc. Inyitsalhquic alhta sictemaclha sicpatjetma alhcajayam, alhto inyicje sictingyey asoc.

ECLESIASTÉS 2:15

Inlhenquic alhta evalhoc coo: Enlhit aptemaclha mepqui apyascamco colhojoc sat sictemaclha sicyascamco. ¿So actomja yi sictingyey sictemaclha sicyascamco? Alhto inyicje sictemaclha sicyascamco, acyitsomalhca sicpatjetma alhcajayam.

ECLESIASTÉS 2:9

Cascama alhta silnatam, am elhno poc apvisqui ninga tingma Jerusalén, ayinyema acyivey sicyascamco (sicyascamcolhma).

ECLESIASTÉS 3:17

Inlhenquic alhta evalhoc: Elyicpilcacpoc sat enlhit apquilpeyvomo najan apquilmapsomcaa ayinyema Dios. Actemaclha singyicpilquemo ayinyema mataa Dios.

JEREMÍAS 22:14

Inlhenquic apvalhoc lhip: Ollanac sat tingma aptamila najan apyivey, najan tingma apvalhoc acyivey anco, najan apvalhoc tingma netin — intomjac apvalhoc. Apcanama lhip colhic allana atnaoc ayitcoc, najan paredes napocja tingma apvalhoc allanomalhca yamit cedro, najan apquiltomja apquilyilhvasiscama.

DANIEL 4:30

Aptomjac nic nat apvisqui: ¡Quip elanojo quellhip tingma apvanyam Babilonia! ¡Coo eyca ayinyema sicmovan ajanco, yoyam ellanacpoc tingma! ¡Elyasingvomoc sat apyovoclhojo enlhitaoc sictemaclha sicyimtalhnamo! — nic nat aptomjac apvisqui.

HEBREOS 5:14

Apquiltovcamquic nintom acyimnatem enlhit meltomja sicaa. Ayinyemaclha apquilyasingvocmec aclhamoclhojo nintemaclha. Apquilyasamcoc asoc acvisay actamila najan asoc acvisay acmasom.