DANIEL 9:16 - Enhlit Bible

¹⁶ Aptasi nac lhip Dios. Noyanmongsiclha nasa apquiltemaclha apancaoc co Jerusalén naysicsa lhip aplom. Lhip apanco tingma apvanyam najan inquilhe mayayo. Intipsalhquic mataa apvisay tingma Jerusalén najan apquilvisay co Jerusalén, nipyesicsa enlhitaoc lhalhma anco. Ayinyema nincoo ningilsilhnanomalhca inganco, najan ayinyema apquilsilhnanomap apanco ningilyeyjamcaa.

DANIEL 9:16 Iomraidhean Croise

NEHEMÍAS 9:8

Apvitac nic nat lhip aptemaclha meyasquiyam, apquillanay nic nat lhip pacto ningmiyovmalhca: Ellhovamcoc sat aptovana niptamin lhama yoclhilhma alhnancoc, acvisay siclho apquileyvomaclha cananeos, hititas, amorreos, ferezeos, jebuseos, najan gergeseos. Mepqui apyeycajascaoc nic nat lhip aplhanma, acno lhip aptemaclha appeyvomo.

SALMOS 143:1

Visqui ajac. Ingyeylhojo silmalhnancama najan silmalhnaycam asoc. Jeyatingmojo coo. Appeyvomo nac lhip najan mepqui apyeycajascaoc appayvam.

SALMOS 31:1

Actimec coo siyayo lhip Visqui ingac. Nongyane nasa colhic sevennamcaa coo. Jevomquis tap ayinyema aptemaclha lhip appeyvomo.

SALMOS 41:13

Aptasic apanco Visqui ingac. Innec ayaco Dios Visqui apancaoc Israel apquilmolhama cotmongvoycamlha nelha. Nasoc anco (Amén).

SALMOS 71:2

Jemyov coo, jevomquis tap. Lhip aptomja appeyvomo. Ingyeylhojo silmalhnancama, jevomquis sat tap.

SALMOS 79:4

Ingilasmasquic nincoo enlhitaoc ningyava. Singvenneycam apquiltomjac.

SALMOS 85:4

Lhip Visqui ingac aptomja singvomquiscama tap. Jingilvomquis mocjam tap nincoo. Nojingiltanova nasa mocjam.

SALMOS 89:51

Visqui ingac. Apquiltemaclha singvenneycam cotnaja ingmoc. Apquiltemaclha apquilvenneycam mataa apvisqui lhip apquilyacyescama.

ÉXODO 20:5

Mongvanquic ongilpayicsojo as asoc. Apvamlha pac Visqui ingac aptomja Dios Apyimtalhnamo aptomja apyimtalhnamo, aptomja apmasmaclha. Eyanmongsiclhac sat apquiltemaclha apquilsilhnanomap apanco ingilyapmayc. Elasquisic sat apyimpeoc apquitquic najan aptovana niptamin ayinyema apquiltanoncama apyapmayc.

ISAÍAS 5:25

Aplovquic alhta Dios, eyanmongsiclhac sat apquiltemaclha apancaoc enlhit. Colpilhyinamoc sat mataymong alvinatem, elvitacpoc sat enlhit apjapaoc apvalhoc tingma, malha asoc apac alhamalhca. Am comascac mocjam aplom pac Dios.

JEREMÍAS 24:9

Elvenacpoc sat nipyesicsa enlhitaoc lhalhma anco siyilhpanquiscama coo. Ellingamcojoc sat macvenéycam najan malasmescama lhalhma anco.

JEREMÍAS 29:18

Elminlhinacpoc sat ayinyema apquilimpocjay, najan mayic ataoc, najan ningmasquem ataoc. Elasmesacpoc sat nipyesicsa enlhitaoc lhalhma anco apquilvitacpo. Cotipsalhcac sat apquilvisay, elmancangvomoc sat nipyesicsa enlhitaoc, ayinyema apquilhpaneycam nipyesicsa maa lhalhma anco.

JEREMÍAS 32:31

Apquiltemaclha apancaoc as tingma, siclhoc nic nat apquillanay acvaycmo as ningvamlha nac jay, selinmelhaycam mataa, yoyam olvoc coo. Omascoscomoc sat apyovoclhojo tingma.

JEREMÍAS 32:32

Ayinyema sevenéycam alhta mataa najan apquiltemaclha apquilmapsomcaa co Israel najan co Judá. Acno moc apquiltemaclha apquilviscaa reyes, najan poc apquilviscaa, najan sacerdotes, najan profetas, najan apyovoclhojo enlhitaoc co Judá najan co Jerusalén.

EZEQUIEL 22:4

Apquilsilhnanacpec apanco quellhip ayinyema apquilnapma quellhip enlhitaoc, najan ayinyema apquillanay quilaycmasquiscama. Elvenacpoc sat quellhip, elasmesacpoc sat mocjam nipyesicsa enlhitaoc lhalhma anco.

EZEQUIEL 5:14

Otnesquisic sat tingma Jerusalén, etniclhac sat mayicjescama mataymong. Elmancangvomoc sat quellhip nipyesicsa enlhit nipyava quellhip.

DANIEL 11:45

Ellanac sat carpa tingma apnamcaclha singilpilhtetemo naysicsa yingmin acvanyam najan inquilhe Mayayo yoclhilhma Hermosura (apponquinquiscama Dios). Ematong sat maa apvisqui, mepqui lhama yoyam epasingvota — alhta aptomjac ángel.

DANIEL 9:20

Aptomjac nic nat mocjam Daniel: Alinlhanacmec alhta silmalhnancama, siclhanma sictemaclha ajanco sicsilhnanomalhca ajanco, najan apquiltemaclha apquilsilhnanomap apanco enlhitaoc Israel. Almalhnescasquic alhta Dios, epasingvotac inquilhe mayayo.

JOEL 3:17

Jelyicpilcoc sat coo sicvisay Dios, sicmaclha netin inquilhe mayayo acvisay Sión. Tingma mayayo etnejic sat apvisay Jerusalén. Melnatovacsejec sat mataa cotnaja ingmoc.

ZACARÍAS 8:3

Olhic sat coo nipyesicsa co Jerusalén, iltamjacpoc sat tingma Mepqui Apquilvatseycaoc, najan inquilhe sicmaclha coo, cotnejic acvisay Inquilhe Acponquinomalhca.

2 TESALONICENSES 1:6

Inpeyvoc najan aptemaclha Dios yoyam elasquisic sat apyimpeoc apquiltomja apquilasquiscama apyimpeoc quellhip.

1 SAN JUAN 1:9

Dios aptomja appeyvomo najan mepqui apyeycajascaoc actemaclha aplhanma. Ninlhenquic sat ancoc mongilyascalhma, yejemoc sat emascocsic mongilyascalhma. Jingyinyovsic sat nintemaclha acmasom.

1 SAMUEL 2:7

Dios singiltimesquiscama mepqui ningilnatam, najan singiltimesquiscama acma ningilnatam. Aptomja singiltimquiscama coning, najan aptomja singmiyasquiclha netin.