DANIEL 9:12 - Enhlit Bible

¹² Lhip Dios ayinyema alhta ninlingaycamco acyimtalhnama aplhanma siclho, yoyam covac sat ningyesicsa, najan nipyesicsa apquilviscaa. Avanjec alhta apquillingaycamco acyanmongayclha apquiltemaclha apancaoc co Jerusalén, am alhta elhno enlhitaoc lhalhma anco.

DANIEL 9:12 Iomraidhean Croise

1 REYES 3:9

Coo sictomja lhip apquilancam. Jimques sat acyascamco evalhoc yoyam ongvanic mataa enlhitaoc, yoyam motnatsejec mataa actomja actamila najan actomja acmasom. ¿Soc sat enlhit apmopvan yoyam etnejic apcanem as enlhitaoc appintalhnama, apquiltomja lhip enlhitaoc apancaoc? — nic nat aptomjac apvisqui Salomón.

2 REYES 22:16

Eycaso sicpayvam sicvisay Dios: Ongvapajacsic sat acyimtalhnama ellingamcojoc enlhitaoc as tingma. Acno aclhanma as vaycajac, apquilyipsatem alhta apvisqui co Judá.

JOB 12:17

Apvanquic Dios etnesquisic acyeyjamelhma enlhit apyascamco apanco, najan etnesquisic acyeyjamelhma enlhit apquilyicpilquemo.

SALMOS 148:11

Eltime sat apquilayo quellhip apquilviscaa najan aplhamoclhojo enlhitaoc. Eltime sat apquilayo quellhip apquilimja apmamyi najan apquilyimtalhnamo.

SALMOS 2:10

Quellhip apquilviscaa, elyasingvom quilhvo nac jay. Quellhip apquilyascamco apquiltemaclha, noelyasquim nasa apquillingay.

PROVERBIOS 8:16

Coo ayinyema acyascamco apquilvalhoc apquilyimtalhnamo, apquilapajascama singanamaclha najan singascamaclha nipyesicsa enlhitaoc.

ISAÍAS 43:28

Alvatescasquic coo apquiltemaclha apquilimja apmamyi tingma apponquinomap. Innec acyanmongseclho apquiltemaclha apancaoc Jacob apmolhama. Innec aya'a apquillingaycamco acyimtalhnama enlhitaoc Israel — alhta aptomjac Dios.

ISAÍAS 44:26

Oviscomoc sat nelha sicpayvam apquillhanma mataa selancam najan apquiltomja apquillingascama sicvisay coo. Actomjac coo silanya quellhip apnaycam tingma Jerusalén: —Elhniclha sat mocjam — actomjac coo. Najan silanya tingma yoclhilhma Judá: —Ellaniclha sat mocjam tingma aptovasomap — actomjac coo. Olaniclhac sat mocjam tingma apyaninma alhta.

JEREMÍAS 30:7

Incamquitvaac acnim acyimtalhnama, am colhno moc acnim mataa. Ellingamcojoc sat acyimtalhnama apquilmolhama Jacob, coo eyca olvomsic sat tap.

JEREMÍAS 32:23

Apquiltiyaningvaac nic nat as yoclhilhma yoyam elhnam sat mataa. Am nic nat elyiplovcasac lhip appayvam, am nic nat colcac apquilvalhoc lhip apcanamaclha najan apcascamaclha. Yiplovcoc apquillingaycamco acyimtalhnama ayinyema lhip apyanmongsayclha apquiltemaclha apancaoc.

JEREMÍAS 39:16

Lhip Jeremías, iyoclhojo sat apnaclha Ebed-melec co Etiopía: Eycaso sicpayvam sicvisay Dios Visqui sicyimtalhnamo: Osavojoc sat siclhanmaclha nano, yavamlha cotnejic sat. Etvasacpoc sat as tingma, lhip sat etnejic apvitaycamco.

JEREMÍAS 44:23

Apquillingamco inyicje acyimtalhnama quellhip quilhvo nac jay, ayinyema quellhip apquiltingyey macmescama asoc acmasis quilaycmasquiscama acyitsomalhca dios, apquiltemaclha apquilvenéycam Visqui ingac. Am alhta elilyajaclhoc quellhip singanamaclha najan singascamaclha Visqui ingac — nic nat aptomjac profeta.

LAMENTACIÓNES 1:12

Quellhip apquiltomja apquilyeycajay, yejemec siclho. Collhen apquilvalhoc quellhip, apquilvita inlhojo ninlingaycamco acyimtalhnama, ayinyema Visqui ingac apyanmongsayclha nintemaclha inganco naysicsa aplom pac.

LAMENTACIÓNES 2:13

Quellhip co Jerusalén, ¿co laa otnejic sicyitquiscama apquiltemaclha quellhip? Avanjec anco apquillingaycamco quellhip, malha yingmin acvanyam acyitsomalhca. ¿Soc sat etamilquiscomoc apquilvalhoc quellhip?

LAMENTACIÓNES 2:17

Nanoc nat aclhanma apvalhoc Visqui ingac yavamlha etnejic, yoyam etvacsic sat as tingma. Am emyavac mataa apquilasmescama cotnaja ingmoc, apquilitsovasoc maa apquilvita tingma aptovasomap, ayinyema alhta apquilimpocjay.

LAMENTACIÓNES 4:6

Avanjec apquilmapsomcaa enlhit, am nic nat colhno apquilmapsomcaa co Sodoma. Pilapcasquic nic nat apnatovasacpo, mepqui ilhnic nat apquilimpocjay poc.

EZEQUIEL 13:6

Acmovan amyaa alvitay alhta apquilvanmoncama. Apquillingasquic mataa acmovan amyaa. Apquillhenqui inyicje coo sicvisay, eyca jave coo silapajascama ellingacsic amyaa. ¡Apquiljalhnec mataa, yoyam opasmoc apquiltemaclha!

EZEQUIEL 5:9

Ellingamcojoc sat acyimtalhnama anco, am colhno apquillingaycamco nano, am colhno acyanmongayclha yoyam covac sat. Ayinyema apquiltemaclha apancaoc apquilayo quilaycmasquiscama acyitsomalhca dios.

DANIEL 12:1

Aptomjac alhta mocjam ángel: Etacpoc sat ángel apyimtalhnamo apvisay Miguel, aptomja apmasma lhip apnaymacoc israelitas. Cotnejic sat apquillingaycamco acyimtalhnama enlhitaoc. Am nic nat cotamalhcac actema nac jay nipyesicsa enlhitaoc. Covac sat acnim, elvomsacpoc sat tap apyovoclhojo lhip apnaymacoc, acyitna inlhojo acnatalhesamalhca apquilvisay vaycajac apanco Dios.

JOEL 2:2

Acvisay yatescamalhma lhalhma anco, acvisay yipjopay najan pisquisca lhalhma anco. Apquilvaac sova appintalhnama mongmovan ongilyipsitic. Apquilpayjeclhec alhta netin inquilhe. Malha ayitsay intomjac. Am nic nat elvitayac actema nac lha, mongvityejec sat mataa acno nac aso.

AMÓS 3:2

Alyacyesquic nanoc nat olmeyvoc quellhip nipyesicsa enlhitaoc apquileyvam as nalhpop. Osavojoc sat sicyanmongsayclha apquiltemaclha apancaoc quellhip najan apquilsilhnanomap apancaoc.

ZACARÍAS 1:6

Am nat comascac sicpayvam apquillingascama profetas. Inquilmec nat apquilvalhoc apquilyeyjamcaa. Apquilpaycacmec nat maa, apquiltomja apquillhanma: Apvitac mataa Dios Visqui apyimtalhnamo nintemaclha inganco, yiplovcoc apyanmongsayclha nintemaclha inganco, yiplovcoc apyanmongsayclha nintemaclha inganco — nat apquiltomjac apquilyeyjamcaa — nic nat aptomjac profeta.

ZACARÍAS 1:8

Invitac alhta sicvanmoncama alhtaa: Enlhit apna nolhing apcapoc, apyilhvasem alhta apquinamtem. Apquiljalhnec alhta payjoc alvata, ayimjaclha yamit acvisay arrayanes. Apquilyancac alhta maa tap poc grupo nolhing, napocja apquilyilhvasem, napocja yamapquilyilhvasem, najan napocja apquilmopoy.

ZACARÍAS 7:12

Cayjec nic nat apquilvalhoc malha mataymong diamante, mepqui apquiljalhenmo singillhicmoscama najan singanamaclha, apquillingascama ilhnic nat profetas nano, ayinyema espíritu apanco Visqui ingac apyimtalhnamo. Aplovquic nic nat Dios Visqui ingac, aptomja apquilanya:

SAN MATEO 24:21

Coyajapoc sat apquilvalhoc enlhitaoc apquilvita sat acmasca. Am nic nat cotamalhca actema nac jay ayenmo apquilantipquiscamaclha asoc Dios Ingyapam. Najan cotalhquejec sat mocjam actema nac jay.

SAN MATEO 5:18

Actomjac coo silanya quellhip: Naso, am sat ancoc comascac netin najan nalhpop, comasquejec sat najan lhama actalhamavo actalhesomalhca singanamaclha. Cotnejic sat aclhamoclhojo asoc acvocmo acsovjomalhca.

SAN MARCOS 13:19

Coyajapoc sat apquilvalhoc enlhit apquilvita sat acmasca. Am nic nat cotamalhca actema nac jay, ayenmo apquilantipquiscamaclha asoc Dios Ingyapam. Najan cotalhquejec sat mocjam actema nac jay.

SAN LUCAS 21:22

Sat cotnejic maa acyanmongayclha apquiltemaclha apancaoc. Comoc sat nelha aclhanmaclha vaycajac acnatalhesomalhca.

ROMANOS 15:8

Quip elaylhojo quellhip. Apvaac alhta Cristo yoyam epasmoc judíos. Apquiltamjoc alhta esavojo aplhanmaclha Dios actomja nasoc anco apquillhoy nic nat ningilyeyjamcaa. Apquiltamjoc alhta Cristo elhicmocsic aptemaclha Dios mepqui apyeycajascaoc aplhenaclha.